Ch' cueuilleu d'pronnes
ou l'maronne de m'belle mère
L'aute jour pour ramasser mes pronnes
J'a pris dins l'armoire inne maronne,
Après avoir chés gambes fich'lées
J'a comminché à ramasser.
Ch'étot vraimint très rigolo
Ej ' n'a bien mis chinquante kilos
J'étos même très fier de m' n'affaire
ln aurot cru inne montgolfière !
ln grand chef éd la Jamaïque
M'a dit: « Missieu c'est magnifique.
J'acate in million d'chés trucs-là,
Pour ramasser mes ananas ! »
Chés Chinoises, tartoutes, ont d'mandé
D'ù qu' chà s' trouvot el' Pas d'Calais.
Car pour porter leus jonnes sus l'dos
ln plantant l' riz, ch'jus là ' tot biau !
Mi j'cros qu' ch' est in fameux filon
Pour el' minisse éd' l'exportation
I pourra m' dire in rute merci
Jé l'i a couvert sin défici !
Mais v'là l' diminche : oh queue affaire!
Quand déboula m' charmante belle-mère
Cachant après s'mignonne affaire,
Pour s'arnouv'ler avant d'printe l'air.
Et la morale de cette histoire
Ch'est qu' pour ramasser pommes et poires
I faut à tout prix inne belle-mère,
Qui seuche nantie d'in ... gros-derrière !!!
Christian DEFRANCE