Chingemint de vie

Mais quo qu'ch'est qui m'arrife ? Me vlà tout bringballé.
J'chus perdu à m'majon. In dirot un paumé.
Ch'est nin la première fos. Cha m'a d'jà arrivé.
Autint d'fos que j'ai d'afants. Tchand qu'is s'in sont allés.
Et des autres fos aussi. Au départ d'bons amis.
Après qu'in ait bin ri. Qu'in trouvot bielle la vie.

J'ai fait grammint d'ringemint. J'ai bougé des séquos.
Mais dins m'tiête ch'est bloqué. In dirot qu'cha sonne faux.
I m'faut rapprinte à vivre. A vivre « pus comme avint ».
Incore eune de partie. Elle n'étot nin causinte.
J'causos, elle m'écoutot. Frinchemint nin contrariinte.
J'voulos la rinte heureuse. J'voulos qu'elle se sinte bin.

A ch't'heure je réalise. J'ai pris des habitutes.
Pour arvivre normalemint, i m'faudra un peu d'timps.
Comme elle ne circule plus, je peux fermer les glins.
Rin qu'cha ch'est copliqué. Ch'est un effort bin rude.
Tchand qu'j'allume l'télé, plus personne ne m'arwette
In moutrint eune invie de v'nir s'mettre à l'cauyette.

Mais bon, ch'est nin de tout cha, i faut positiver.
A ch't'heure qu'elle est partie, mi je ne dos pus rester.
Avint que cha soche min tour je vas bin bourlinguer.
J'vas aller rinte visite à des gins estimés
Mais qui comme par hasard crèchtent souvint à perpette.
Et in m'mettint in route, j'dirai « merci tite bête ».

Valà Batisse ch'est pas un garchon qui a armis tout cha d'aplomb mais eune tiote guernoule qui a bin querre tin texte...
Cha t'vas tin texte comme cha ?

ps : si in fait un copié collé d'un texte, i faut bin pinser à cliquer sur les a/A quind in prévisualise et aller au début du mot qui s'met in deuxième linne, cliquer pou l'armonter su l'première, et faire un espace eune fos qu'ch'est fait.... bon ch'est pas évident à espliquer mais asteur que té vas grammint reuler à mobylette, si tes reules alles pas'tent par le Beaujolais, j'pourros toudis t'faire eune démontration...

J'ai rin compris. I faudra que je viense

Merci tiote

Mi aussi j'ai querre tin texte,cha s'vot que cha sort du coeur.
heureus'mint qu'in devot nin écrire de poèmes pour épouser celle qu'in avot à querre!
j'sérot core jeune homme!!!

Ché un biau poéme .......!! mais ins'dit pourvu que cha m'arrife jamais commint qu'ej ferro am n'âche !!! Mais bon comme in dit ......Faut ben viffe !!! Mais sans l'être aimé cela en vaut-il la peine ???????????????????????? Mi esse sé nin ....et pi j'ai n'voudro pas el savoir non pu !

Mais bon, ch'est nin de tout cha, i faut positiver.

t'as raison batisse et t'es pos obligé d'suife les conseils de ceussent qui n'on jomais connu cette situation, du genre de: T'as de l'chance, maintenant te peux faire tout c'que te veux ...

Ouais, faire tout cha qu'in veut cha implique in principe qu'i a personne que cha pourrot déringer à l'majon.

Ch'est effectivemint nin forchémint eune chince. Surtout les jours d'ùche qu'in ne fait rin de spécial.

Je te comprinds garchon!