Arvlà chi el tarte au libouli, façon grand mère à Marie-Claire

Recette pour 3 tartes :
LA PATE (levée) :
6 oeufs
200g de beurre
Un morceau de levure de boulanger (20g) que l'on met dans un bol de lait tiède et un peu de sucre et que l'on essaie de faire monter à la chaleur
3/4 des blancs en neige
Un peu de cognac
Farine que l'on met au départ et on rajoute un peu à la fin quand la boule est formée. On met au départ la farine je pense environ 500g ... et on peut réajuster à la fin.

On mélange tous les ingrédients progressivement pour former une boule qu'il faut faire lever à la chaleur pendant environ une demie journée, on refarine un peu pour étaler.

La CREME:
2 litres de lait avec 4 oeufs
170 g de farine et 100g de sucre à la pinte.
il est possible aussi de séparer les 2 litres, un avec 2 sachets de crême patissière et l'autre avec la moitié des autres ingrédients et tout mélanger après.

Etaler la crême sur le fond de tarte et faire cuire dans un four chauffé à 250, le baisser à 200 au moment où on enfourne la tarte, et laisser cuire 20 minutes, c'est bien quand c'est un tout petit peu brulé.

Ce que l'on faisait aussi c'est qu'avec les restes de pate on formait des petites bandes très fines que l'on rajoutait sur la tarte en croisillons
Et on pouvait aussi badigeonner les bords et même le dessus de la tarte avec un mélange de jaune d'oeuf et de café

J'espère que j'a rien oublié, mais là in peut corriger sin sujet

Taratata file, te peux corriger tin sujet, mais nin les commintaires des lecteurs assidus z'et avides d'apprinte de tes recettes.

Et te sais que je n'ai rin contre ti, au contraire, mais à m'mote que ch'est incore eune fos bin parti pour faire un roman t'recette...

I a des mauvaisses lingues qui voudrottent faire croire que j'aros eune tindince à critiquer. Ch'est nin vrai. A part tchand qu'in me pousse et ti te pousses vraimint fort!

J'aime bin tchand que te pinses qu'i faut 500 grammes de farine. Je serre m'guiffe chu l'manière dont te t'in sers.

Mais cha que je seros curieux de vir, ch'est commint que te fais pour tes blancs in neiche. Au début j'ai cru qu'i fallot tros quarts des blancs in neige. Et tros quarts de 6, cha comminche à faire le brun dins l'cuisine.

Je vos aussi qu'in puq de l'farine qu'in fait comme in veut avec, in peut faire parel avec le lait, que te suggères de bin tout séparer et tout mélinger à la fin.

Ti, t'existeros nin, i faudrot t'invinter. Marie-Claire et s'recette de tarte au libouli. In va pouvoir in faire un liffe. Quo que t'in pinses?

Je te fais tout plein de baisses, avec mes ys tout fraiques. Te m'as fait braire. Je seros ti, j'aros honte!

Batisse té un briseur d'arcette au libouli commint cha j'devros avoir honte, ben ed quoi , té sais quoi té vas printe eune journée et tranquilemint in suivant bien les consines té vas essayer ed faire 3 tartes au libouli et après té m'diras cha qui va pas :bball: et j'corrigera min sujet si tes armarques ale sont judicieuses

passque tout l'monte in parle tout l'monte in parle mais personne n'a jamais essayé
:geek:

Mi? Un briseux de tarte? Nous évlà avec eune recette à l'pâte brisée alors.

Bon, je fais comme si que je me linchos...

J'ai mes 6 oeufs, mes 200 grammes de beurre et min demi paquet de levure.

Je rimplis un bol de lait (un demi litre), je le mets à tiédir un tiot peu au four micro ontes et je mets là-dedins la levure et un tiot peu de sucre. In va dire 3 carrés.

Au bout de combien de timps je considère que l'essai i est loupé et que cha ne montera jamais? Quo que je fais si que cha ne monte nin?

Bon, supposons que cha monte...

Je prinds 3 ou 4 oeufs, selon m'n'humeur, et j'in inlève le djaune. Avec les blancs qui restent, je fais des blancs in neiche. Cha je sais faire... Les djaunes je les mets dins un pipperouare pour plus tard.

Après, je mets chu l'taffe inviron 500 grammes de farine mais plutôt moins vu qu'i faut rajouter le reste à la fin. Bon, allez, j'in mets 400 grammes.
Là dessur je mets m'plaquette de beurre que j'in ai inlevé un bout de 50 grammes, mes blancs in neiche - is vont résister? - les blancs qu'in n'a nin battus in neiche, les jaunes, le cognac - un tiot cop au goulot aussi? - et cha qui a monté dins le bol et qui n'a nin passé au-dessur.

Et in pétrit et in pétrit ét in pétrit pour bin étaler le beurre dins tout cha, tout in rattrapint le lait levuré et les oeufs qui veultent se sauver. Là, allez savoir pourquo, in dit que ch'est pas de l'tarte!

In peut réajuster à l'farine que ch'est écrit. Donc si que ch'est trop liquite in rajoute de l'farine. Si que ch'est trop épais, euh, in rajoute de l'ieau ou du lait. Ou du cognac? Naaaan!

Eune fos que j'ai eune bielle boule à l'bonne consistince, je la mets au tiède eune demi journée. Après je pinse que je fais comme dins les pizzérias: 3 boulettes avec de l'farine alintour et j'étale et je plache cha dins mes 3 moules (l'première fos, je n'd'acaterai deux avint de commincher vu que pour l'instint je n'd'ai qu'un dont je ne me sers d'ailleurs nin grammint...). A tout hasard, je vas mettre du burre chu les moules...

Et j'attaque l'crème. Là, j'ai un tiot peu honte, mais je ne chus nin sur d'avoir compris l'logique du bazar... i faut 2 litres de lait, cha ch'est clair, Marie. Cha qu'in fait avec, cha l'est moins... in a là eune liste d'ingrédiints qu'in nous dit que dins deux paquets de crême patissière i a l'mitan de tout cha qu'i faut. Donc in a le choix: in met tout cha qu'i faut, ou l'mitan de tout cha qu'i faut, sauf le lait qui dot rester 2 litres, et deux paquets de pourette de perlin pimpin qu'in mélinche avec.

Pour mi, vu que dins deux paquets de pourette i a l'mitan de tout cha qu'i faut, si qu'in met 4 paquets de pourette, in a deux fos l'mitan de tout cha qu'i faut. Donc in a tout cha qu'i faut à part 2 litres de lait et in peut armettre les oeufs, l'farine et l'chuc à l'pinte (ch'est quo, du chuc in poute?) à lus plaches.

Finalemint in obtient de l'crême dite au libouli, mais que pour l'instint le lait i est cru et mélingé avec tout le reste, frod.

In met cha dins le four qu'in a fait cauffer plus qu'i fallot pour que l'tarte elle soche bin saisite. Et comme i a 3 tartes et foque 2 grilles au four, un fait un montache avec un quatrième moule qu'in met à l'invers au fond...

Ch'est bin tchand que cha brûle... pour mi cha ne devrot nin être un problème

Valà. J'abindonne l'idée de cachi un tiot pincheau pour passer un tiot peu de djaune d'oeuf mélingé à du café chu l'tranche de l'pâte au bord du moule, vu que ch'est trop étrot pour m'patiinche.

J'ai tout bon là? J'ai comme un doute. In tous les cas, j'ai suivi l'arcette à la lettre.

Sacrées guernoules, vous ne pouvez nin vous imaginer comme ch'est dur pour les hommes de suivre eune arcette écrite par eune guernoule, que cha soche lu mère, lu tiote amie, lu femme, lu bielle mère, lu file ou des collègues de traval.

Mais in vous aime bin quind même. Ch'est tellemint bon tchand que ch'est vous qui le faites à vous mote, in utilisint toutes les séquos qui ne sont nin écrites "mais que tertous i sait cha alors ch'est nin la peine de l'mettre".

Allez, je vous fais eune baisse à tertoutes pour la peine .

batisse a écrit:

Ch'est tellemint bon tchand que ch'est vous qui le faites à vous mote, in utilisint toutes les séquos qui ne sont nin écrites "mais que tertous i sait cha alors ch'est nin la peine de l'mettre". .

Ouais ouais ouais j'étos complèt'mint perdue dins tes esplications et j'a compris à la fin, in fait el but ch'est ed dire qu'in n'est pas claires et que ch'est incompréhensipe c'qu'in raconte , donc à l'sortie ch'est réalisape que par ches garnoules :geek:

In gros, ch'est cha.

Disons que ch'est réalisape par des hommes aussi, à condition qu'is ne dottent nin suivre eune recette écrite par eune guernoule.

J'ai même rincontré des guernoules qui se moquottent parce que l'minger que j'avos réalisé in suivint eune de lus recettes i n'étot nin bon et qui, malgré toute lu mauvaisse fo, ont admis in arlisint lu recette que j'avos des circonstinces atténuintes.

T'as qu'à vir... eune guernoule qui arconnot s'n'erreur, ch'est un cop à detraquer le timps.

A m'mote que l'taxe carbone elle devrot être rimplachie par eune taxe guernoule.