Bonsoir mes gins
nan nan j'sus nin mort!!!

Batisse mi aussi j'ai tout essayé pour m'débarrasser d'chés limaces, pour mi l'meilleux moyen ch'est d'aller dins eun' jardinerie ou eun' grinde surface et d'acater des granulés inti limaces, pour mi ché qui a d'plus radical....pour l'momint, infin ch't'année j'in ai core nin vu, mais l'année passé j'étos invahi...
promis d'main j'te met eun' photo d'min gardin avec l'cueillette de m'première salade, d'eun' echalote et de radis... n'guile nin.

Ch'est malin de me faire indever avec tin bieau gardin chef...

Bon, i faut croire qu'in boyauroucherie i fait meilleur qu'ichi, vu qu'in ce qui me concerne, m'première salate ch'est pour l'instint un plant, avec 2 tiotes feules qui s'battent in duel pour faire peur à les limaces!

Ouais, j'cros que les granulés à limaces cha va être mes prochains investissemints.

ma rvlà, j'ai archu un messache dins mes zémiles pour m'dire qu'y avot eune réponse à un sujet que j'surveillos chu l'site, j'ai cru eune blague après ces années d'silence, mais non, ch'étot pour de vrai que Batisse y grattot à s'tiête ( sins s'décoiffer) au sujet des limaces dins sin gardin ! j'ai failli m'hénoquer ( ch'est comme cha qu'in dit ?)
Batisse dins sin gardin, aveuc des salates...qui pousstent et dire que j'li donnos un avenir ed desherbint.

T'as qu'à mette des z'hérissons dins tin gardin ou des canards coureurs indiens, cha minge les limaces.
L'marc ed café ch'est à refaire à chaque fos qui a de l pleuffe mais ch'est naturel.


Bonne journée à tertous et sin quien.

D'ùche que cha s'acate un hérisson? Cha me plairot bin eune bestiole essin. Même si qu'i n'd'a qui distent que ch'est des nids à puches.

J'in vos de timps in timps des hérissons, mais is sont toudis tout plats. Pauf biêtes qui traverstent sins arwetchi.

batisse a écrit:

D'ùche que cha s'acate un hérisson? Cha me plairot bin eune bestiole essin. Même si qu'i n'd'a qui distent que ch'est des nids à puches.

J'in vos de timps in timps des hérissons, mais is sont toudis tout plats. Pauf biêtes qui traverstent sins arwetchi.

Un nérisson te treuvera cha dins un boutique qui vint des séquos pou ramoner les ch'minées.

Jamais t'es sérieux tisaute?

J'ai des problèmes de limaces et li i ne pinse qu'à ramoner. Ben te me l'copieras! T'es t'un rute voyou.

Te mets cha :  

Rigole, rigole. Cheule nuit cha va gémir dins min gardin: je viens d'acater des grains inti limaces. Cha va râler dins les salates!

Infin, j'espère....

Eune aut idée, té met du sel chu leurs tcheues et cha mousse.

Mérilou a écrit:

Eune aut idée, té met du sel chu leurs tcheues et cha mousse.

Il va n'avir de'l misère l'pauf, attrapper ché limaçons un par un et leu faire avaler d'force ses granulés !

Bon, cha y est vous bêtisses?

Comme i m'arrife des fos de l'faire, j'ai lu les caractéristiques du produit, et accessoiremint le mode d'impo, après que j'aiche acaté l'produit.

Alors, promettez me de ne nin rire.... ch'est écrit que ch'est un produit qui coupe l'appêtit des bestioles, que du coup elles s'in artourntent trintchillemint à lus majons, sins baver ni cracher, pour aller dormir sins minger mes salates. D'après le descriptif, cha serot eune fos bin bordées et bin indormies in rêvint de bons repas dins des potagers plintés foque pour elles, qu'elles arottent lu tiot tchoeur qui s'arrête. 

Résultat: je ne sais nin si qu'i a des limaces et autres qui sont venues. I n'a ni bave ni cadavres. Cha dit, mes salates elles sont toudis là.

Je me deminte si qu'is mont de l'ingrais dins ches granulés. Cha serot eune bonne idée énon? Cha ferot d'eune pierre deux cops, ou au moins cha servirot pour sur à au moins eune séquo. 

Bon, allez, pour à ch't'heure, je vas aller minger des légumes acatés au boutique.

Ch'est incoyape les cacoules qu'in fait avaler à ches coulons d'consommateurs !
Elles mingent un produit qui cope l'appetit ? et elle befellent même pos?

Heureusmint qui a des légeumes au boutique, parce qu'ichi ch'est pareil, l'gardin y n'suffit nin à nourir s'n'homme.
In a déjà mingé beaucoup d'salates sins limaçons, min garchon y les fait pousser dins eune serre aveuc des trucs qui flottent au dssur des bacs à pichons ( des pichons d'rivière ), cha s'apelle l'aquaponie.
Aquaponie ou non, cha cange rien à m'recette ed vinaigrette.

Batisse, té fais un gardin? ti qui arriff' pon a faire pousser des fleurs in jachère alors que cha pousse tout seu, t'v'la avec des salates à faire pousser, bin t'as pas fini surtout qu't'as des camarates syndiquées qui vien'tent te les minger.
Faudrot qu'té fasses comme avec chés doryphores, les attraper une par une et les faire cuire, cha dot ête bon à minger cha, comme ches viers ou ches saut'relles, té vos t'auros minme de l'viante avec l'reste ed salate et cha s'rot écologique.
Bon té fais comme té veux hein! j'dis cha mais j'dis rien hein!
L'année prochinne té gardes l'suie de t'quéminée et té l'étales autour ed tes salates cha f'ra eun' barrière.

Boujour tout l'monte.Vos avez pas d'salates ? ? ? Vos avez ti mis un panneau "Interdit aux limaces ? ? "    Mi j'ai rin mis......

Nos amies les salates, faut les amicloter les salates !

Photos prisses ch'matin.
alors ? ?  ? 

T'in minges deux à chaque repas ou t'as un stand au marché? Tcheue idée de planter eune trintaine de salates in même timps. A moins d'in faire des conserfes....

Marcel, t'es un moqueux de gins. Je cauffe au mazout, alors l'suie, hein.... garchonal!

Et, vous pouvez vous moquer, j'ai déjà eune fraise rouge. Enfin, presque.... In vot bin l'forme qu'elle va avoir tchand qu'elle le sera complètemint.

. Et m'famile Batisse et mes copains bin heureux d' arpartir aveuc eune bièle salate bin craquante à leu majon........Les salates i n'da jamais d'trop.........et l'salate cuite.......j'm'in féros péter l'noeud....MDR...... Ban J'avoue, chelles la alles sont dins m'serre......j'ai triché.....

pépéPéBé

Batisse, je n'savos pas que t'avos un poil à ta zout alors effectiv'mint té dos pas avoir gramint d'suie  et té n'dos pas ramoner souvint. 
Pauff' garchon faudra faire autremint pou t'salat'. 
Mi j'ai 2cm ed terre, in d'sous ch'est de l'caillasse minme in arrosant cha n'pousse pon, alors je m'pose pas d'question et j'va accater mes salat' amon de ch'marchand. S'qui coûte l'pus cher ch'est faire minger toutes nos tortues, des vraies morfalous.

Ouais ichi j'ai pus d'gardin, i m'faudrot ichi un marteau-piqueur pou ar'piquer des porions, déjà qu'in m'in a prêté un pou ar'planter eun' fleur, d'ailleurs j'l'ai cor passe que j'ai cor un ar'buste à ar'planter. Si j'y pinse j'prindrais eun' photo.

T'as pinsé à l'barre à mine et à l'dynamite?

Dins 2 cm d'tierre, te peux faire pousser des carottes bonzaï énon? Héhé, à chacun sin tour de s'lmoquer de l'guiffe de l'autre min gaillard.


Et  commint qu'elle va Solan?e?

L'barre à mine ch'est m'spécialité, je l'manie mius qu'une truelle mais quand té tompes sus une pierre ed plusieurs metes ed long et sus eun' grosse épaisseur, un bloc quoi , bin té peux pas y faire grand quosse, m'martiau-piqueur i est l'bien v'nu.
Bon j'min va faire ar'mète mes oches ed min dos, j'ai un rendez vous, j'tiens pus cha m'tire ed tout partout.

Vains diousses, i a des touches mystérieusses chu un ordi... j'arcomminche....

T'as vu cha que ch'est de manier un martieau piqueux sins casque d'jaune et trop pétit chu t'tiête? Non respect des consignes de sécurité et berdaf, t'as du mau à tin dos. Te l'as nin volé.

Comme elle arot dit m'mère, ch'est le pétit bon diu qui t'a puni.

Je me deminte même si que te plios tes guimpes comme i faut et si que t'avos les bonnes bottines. Garchonal comme t'es, cha m'épaterot.

Allez, j'espère au moins que tin kiné i connot sin méti et qu'i va te recambrer dins le bon sins, que te vas à nouvieau arsonner à Hardy de Laurel et Hardy.

Cha y est j'ai moins d'maux que ch'matin, cha a craqué un bon coup, i m'a massé un p'tit peu dins min dos, sus mes hanches et cha a l'air d'aller miux, in verra d'main matin.
J'y fais confiance passe que ch'est un ancien éleff' à Solan?e i a été bien instructionné, et i a pu faire de bonnes étutes et les gins que j'connos is sont contints d'li, alors mi aussi je m'laisse manipuler.
Qui n's'laisse pas manipuler in France à ch'momint, in nou raconte que des cagoules.

Elle étot nin prof de musique Solan?e?

Te m'as jamais fait l'effet de quelqu'un qu'in peut juer du xylophone chu ses côtes.....

Nan Batisse ale juot du saxo soprano mais ale étot pas prof et ale a pon inseigné le xylophone à sin éleff'.
Au fait Zebulon, cha y est t'es rintré? t'as eu tin arssort? cha s'est bien passé?

Ouais ouais, je chus rintré. Ch'est fait. 3 arsorts. Aucun chingemint: j'étos bin avint, je chus incore bin après! I a foque qu'à ch't'heure je chus bon pour chucher des pillules toute m'vie!!!!

Ti aussi te dos chuchi?

Bin ouais et quand té t'coupes té fous du sang tout partout selon l'importance de l'coupure bin sûr. Té va vire quand t'iras coper tes rosiers (bin ouais pissque que té t'mets à la culture) mets des manches lonques pou pas trop t'accrocher à chés épines passe que cha coule tout rouch' sus les bras.
Fait aussi attintion à pas t'faire morte pas ches limaces.

Au fait i y a pus de p'tites têtes jaunes, d'gatiau, des fleurs, des trucs qui veul'tent dire "MDR" etc...
Tioooote?