| Cha, c'est nin nos amies les biêtes ! | |
|
Auteur | Message |
---|
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Cha, c'est nin nos amies les biêtes ! Mar 28 Aoû 2012 - 10:24 | |
|
Hier à midi in a eu eune invitée supplémintaire à nou barbecue. L'timps que j'pinse à faire eune photo, l'bestiole in étot déjà à sin trosième voyage. L'bout d'viande -d'l'intrecôte, ch'est eune guêpe qui a du goût ! - étot pus gros, l'guêpe a essayé de l'prinde d'un bloc, comme alle arrivot pas à décoller, alle in a copé un morcieau, est arpartie avec, in croyot pus l'vir. Bin alle est arvenue arcoper un aute bout, deuxième invol et in a attindu pou vir si alle arvenot, bin ouais, alle devot avoir sacrémint faim ! si alle a mingé tout cha à alle toute seule, alle va perde s'talle de guêpe . In tous cas mi les guêpes j'ai pas querre cha ! |
|
| |
Kazimierz
Sexe : Date d'inscription : 05/04/2011 Messages : 491 ~~ Boyau Rouche 62430 ~~
| Sujet: Re: Cha, c'est nin nos amies les biêtes ! Mar 28 Aoû 2012 - 11:39 | |
|
In gros plan d'guêpe devot arsembler à chat.... |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Cha, c'est nin nos amies les biêtes ! Mar 28 Aoû 2012 - 11:50 | |
|
...Chat ch'est sur ! ! ! |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Cha, c'est nin nos amies les biêtes ! Mar 28 Aoû 2012 - 18:15 | |
|
Te cros que ch'est à cause que j'ai mingé de l'viante tchand que j'étos tiot que j'ai perdu m'tale de guêpe?
A part cha, te l'as vue coper l'viante. Commint qu'elle fait? Parce que chez mi, des fos, même avec un coutieau in fer i faut insister....
In tous les cas, barbecue un lundi à midi, cha va bin chez vousautes! |
|
| |
flersois
Sexe : Date d'inscription : 27/11/2010 Messages : 1886 Belgique
| Sujet: Re: Cha, c'est nin nos amies les biêtes ! Mar 28 Aoû 2012 - 20:25 | |
|
- Citation :
- Bin alle est arvenue arcoper un aute bout,
Et elle est arvénue dare-dare ? J'ai min avant-bras qui a bin gonflé, mais j'sais nin quo qu'ché qui m'a piqué....cha m'gratte... |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Cha, c'est nin nos amies les biêtes ! Mer 29 Aoû 2012 - 21:58 | |
|
- batisse a écrit:
In tous les cas, barbecue un lundi à midi, cha va bin chez vousautes! Bin ouais, cha va bin, pouquo ?, y a un jour réservé pou chés barbecues ? nosautes dès qu'in travalle pas, ou qu'in a l'temps, et qu'i fait bieau, in fait barbecue ou plancha, min homme a querre s'occuper d'cha... Té vos demain j'ai tous les tiots mais comme ch'est cor les vagances scolaires et qu'in a nin l'oel d'sus l'horloche pou l'heure d'l'école, ben in a prévu pichon à l'plancha avec chés courgettes du gardin... miam ! |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Cha, c'est nin nos amies les biêtes ! Mer 29 Aoû 2012 - 22:00 | |
|
- flersois a écrit:
Et elle est arvénue dare-dare ? . ouais, à tire d'ailes |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Cha, c'est nin nos amies les biêtes ! Jeu 30 Aoû 2012 - 9:01 | |
|
Quand qu'alles arriftent dard dard t'as intérêt à n'pas t'faire morte. . . Zavez vu cha les dints qu'alles z'ont ?? ? |
|
| |
Kazimierz
Sexe : Date d'inscription : 05/04/2011 Messages : 491 ~~ Boyau Rouche 62430 ~~
| Sujet: Re: Cha, c'est nin nos amies les biêtes ! Jeu 30 Aoû 2012 - 10:16 | |
|
- tiote bellotte a écrit:
- batisse a écrit:
In tous les cas, barbecue un lundi à midi, cha va bin chez vousautes! ben in a prévu pichon à l'plancha avec chés courgettes du gardin... miam ! Chez nos z'aute in va in faire aussi du bbq ch'midi ,
pis pou les corgettes inn'a jamais tant eu dins nos gardins que ch't'année |
|
| |
flersois
Sexe : Date d'inscription : 27/11/2010 Messages : 1886 Belgique
| Sujet: Re: Cha, c'est nin nos amies les biêtes ! Jeu 30 Aoû 2012 - 10:34 | |
|
- Citation :
- pis pou les corgettes inn'a jamais tant eu dins nos gardins que ch't'année
fais bin attintion que ché guêpes y vèn'tent pos t'les printe ! bon appétit ! |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Cha, c'est nin nos amies les biêtes ! Jeu 30 Aoû 2012 - 12:52 | |
|
Pou c'qui est des courgettes, in est servi nosautes aussi ! In in mange presque tous les jours... j'ai deux tiroirs d'min gélo rimpli rin que d'cha... mes infants arpartent toudis chez eusses avec au moins deux courgettes (j'cros qui comminchent à n'davoir marre). J'essaie d'varier chés arcettes, à tel point que j'pourros canter l'canchon des Charlot sur les nouilles, in rimplaçant nouilles par courgettes ! vos savez cha disot "Ah ! les nouilles, nouilles au gratin, nouilles au beurre".... etc Pis ch'est bizarre mais cha les guêpes alles n'y touchent nin ! |
|
| |
Kazimierz
Sexe : Date d'inscription : 05/04/2011 Messages : 491 ~~ Boyau Rouche 62430 ~~
| Sujet: Re: Cha, c'est nin nos amies les biêtes ! Jeu 30 Aoû 2012 - 15:42 | |
|
T'façon chés guêpes ch'est carnivors , I a qu'a vire su les parkinges quant i fait caux ,à l'assaut des carreaux d'chés camions pou i minger tot chés bestioles collées d'seur... is i font leu commission |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Cha, c'est nin nos amies les biêtes ! Sam 1 Sep 2012 - 6:57 | |
|
Dins les corons, les cafards....avant les années 1955 inviron . Doc Web. . In les vot pas dins l'jour mais l'soir quand qu'in allume l'eumière....is sont la. . Min bieau frère habitot dins un baraquemint préfabriqué,installé après la guerre. In étot partis au soir,au cinéma. In arvient à s'maison........in alleume l'leumière......Que malheur ! ! !, I avot des miiards d'cafards partout....sur les murs, au plafond, dins les meupes.....m'belle soeur alle s'a treuvée mal.... .Pour s' débarrasser d'cha i arot fallu foute l' fu à l'baraque. .J'cros m'souv'nir qu'chétot dins l'cité Darcy à Hénin . |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Cha, c'est nin nos amies les biêtes ! Sam 1 Sep 2012 - 7:51 | |
|
Durs à arpérer à cause que ch'étot noir chu noir....
Le cafard ch'est le caméléon du coron! |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Cha, c'est nin nos amies les biêtes ! Sam 1 Sep 2012 - 9:05 | |
|
. Dins les majons, les murs is sont pas noirs Batisse, i a du papier peint d'dur les murs et les plafonds sont blanquis. Dins l'jour in n'in veyot pas un.Mais quand qu'in allumot l'leumière au soir in les veyot bin, j't'assure. Dins l'coron tout in longueur comme ch'ti du qu'in habitot i avot 10 log'mints d'un côté et 10 derrière. ....... . Au fond, l' carbon s'présinte sous forme de veines. Quand que l'veine alle a fini d'ête esploitée, dins l'temps, alle étot déboisée et rimplite d' caillaux, mais pus tard, alle n"étot pus rimblayée et tout finichot par s'effondrer, c'qui fait qu'les corons situés inviron 500 mètre au d'zeur i finichotent par s'fissurer. I avot des veines d'pus d' chinq mètes d'hauteur, d'autes à peine 1 mète, l'mineur i pouvot ète "restaplé" écrasé comme un moustique.. Au jour i avot un service appelé affaiss'mint pour réparer les majons..... Che chi pour dire qu'les cafards is pouvotent circuler d'majon in majon sans s'biler par les fissures qui avot dins les murs.. Impossipe d'sin débarrasser définitifmint. ......... . I n'avot pas qu'des cafards, i avot aussi des punaisses, eune aute saloperie dégueulasse..... Pour pas qu'in les artreufe dins les literies...les pids des lits étotent posées dins des boîtes à conserfe pleines di'ieau......incroyape non ? ? ? et pourtant vrai. j' ai pas intindu eune vaque braire, j'l'ai vécu, surtout pindint la guerre. . Pous s'd"barrasser d' ces saloperies la, toutes les ferniètes et les portes étotent calfeutrées aveuc du papier kraft collant, et in brûlot du souffre(souffre) dins les pièches au risse(risque) d'asphyxier les visins.. ......Ch'étot pindint la guerre.....la querre grosse malheur ! ! ! ! ...... J'té pale pas des poux, in in avot tertousse à l'école.... ..... Dins l'cité du 10 à Billy, du qu't'as vu un crucifixe, i n'avot pas d' cafards.. |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Cha, c'est nin nos amies les biêtes ! Sam 1 Sep 2012 - 9:28 | |
|
Cha dot être à cause du crucifix!!!!!
Ch'est bieau la foi énon?
In fait, te sais, j'avos écrit cha avec m'lingue infoncée dins m'joue, histoire d'in taquiner l'un ou l'autre.
Cha ne valot nin la peine d'in mettre eune tartine ainsi. Tertous i sait que les corons ch'étot l'infer. Ch'étot nin la peine d'in armettre eune louche.
J'ai du mau à m'joue..... |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Cha, c'est nin nos amies les biêtes ! Sam 1 Sep 2012 - 9:42 | |
|
.......Détrompez- vous mes gins, les corons ch'étot pas l' enfer. Vous l'savotent qu'dins certains corons in étot invahis par ches salopries la ? ? ? J'ai habité dins tros corons différints avant 1960, dins les deux z'autes j'ai pas vu tout cha. . . Pavillon 10 N° 11 ch'est ichi qu'i avot ches ***'ries la.....pindint la guerre. |
|
| |
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: Cha, c'est nin nos amies les biêtes ! Sam 1 Sep 2012 - 12:13 | |
|
Mi non pus j'in ai jamais vu à l'mason dins min coron. |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Cha, c'est nin nos amies les biêtes ! Sam 1 Sep 2012 - 14:37 | |
|
Marié, j'ai habité ch'ti chi, à 150 mètes à peine du coron à cafards ni punaisses, i n'd'avot pas du tout. . j'habitos jusse au mitant.... . M'dernière majon des mines.......aucune sale biète nulle part. In habiotot à l'deuxième porte. ...... Insuite in est partis dins un tiot villache, Coulomby, mais la ch'est eune aute histoire d'sales biètes incroyape dins l' majon d'fonction. |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Cha, c'est nin nos amies les biêtes ! Lun 10 Sep 2012 - 16:48 | |
|
Incore eune qui n'ara pus d'maux à ses dints. Cha fait un rute dallache dins les gardins... |
|
| |
Contenu sponsorisé
| Sujet: Re: Cha, c'est nin nos amies les biêtes ! | |
|
|
| |
| Cha, c'est nin nos amies les biêtes ! | |
|