Nos ennemies les biètes, les poux ! ! !
Pindint la guerre (cha i est grand'père i va core nous paler d'es guerre) , i n'avot pas d'savon. C'qu'in no donnot ch'étot du savon d'argile, d'eule pierre ponce, i flottot d'sur el l'ieau ! ! ! In étot pas des crapés et pourtant, in avot tertousse des poux à l'école. In rintrant iin nous peignot aveu des peines à poux, aveu des fines dints fort rapprochées pour inlièver les lentes ! ! ! In nous lavot nous tiètes aveu d'el l'ieau vinaigrée, i n'avot pas d' Marie Rosse ! ! ! !
. Ach! La querre grosse malheur ! ! ! ! :pale:

Euh... quel est le rapport avec l'pierre ponce? In se lavint avec du savon in n'attrape nin de poux?

D'après m'n'expériinche avec mes afants, je pinse qu'i a du avoir eune mutation de l'espèce depuis ch'timps-là... La base logistique préférée du pou est probablemint l'école

Au fait, quel est le seul animal au monde qui arrive à chinger de sexe in moins de deux secondes?

Le morpion!

Nos ennemies les biètes, les punaisses ! !
. Dins l'coron in avot des punaisses dins nos champes ! ! ! Ch'est dégueulasse des punaisses ! !
. Alles arrivotent même à rintrer dins les lits ! ! ! Emile Zola i n'arot pas imaginé cha...! ! ! Mette les pieds d'ches lits dins des boîtes à conserfe pleines d'ieau pour les impêcher ed'd'monter. D'ailleurs in n'sait pas commint qu'alles faijotent leu compte pour qu'in in artreuve dins les draps ! ! ! ! 'DéGUEULASSE!!!!!
ach! La querre grosse malheur ! ! !

Nos ennemies les biètes, les cafards.
. Cha aussi ch'est dégueulasse......Dins les mines i avot des affaiss'mints. Au fond quand qu'eune veine alle avot été esploitée, les mineus inlièvotent l'boisache, et tout s'effondrot à 500 mètes sous tierre ! ! Cha s'app'lot l' foudroyache......Au dzeur, les majones alles finichotent par s'affaisser et s'lézarder un tiot peu al fos. c'qui fait,qu'les cafards et les punaisses pouvotent circuler tranquill'mint à travers ches murs ! ! ! d'eune majon à eune aute.
. Les cafards, té les vos pas dins l'jour, mais par nuit, si t'ouvros el lumière,....in in veyot partout ! ! ! d'sur les murs, les plafonds, partout
. Pour s'débarrasser ed tout ches saloperies d'cafards et d'punaisses, mes parints is brûlotent du souffe dins eune champe. Aveu du papier collant tous les portes étotent calfeutrées , sauf eune pièche, in n'allot pas dormir alle cour.
. Quand j'arjinse à toout cha, in arot pus asphixier tout ch'coron ! !! !
. Ach la querre, grosse malheur ! ! ! !

Nos ennemis, les cafards. Avant 1960 . . . .
. M'belle soeur et min bieau frère habitotent dins un préfabriqué in bos à Hénin, ch'étot alle cité Darcy( si qu'mes sov'nirs son exacts). In étot partis prom'ner insanne,j'sais pus du, qu'importe. In est arvénus, i faijot noir. quand qu'in a alleumé el leumière in a vu des miiards ed cafards tout partout , d'sur ches murs, d'sur el plafond ! ! !
. M'belle soeur alle a failli caire dins les pommes ! ! !
. Ches saloperies la, in n'les vot pas dins l'jour, mais quand qu'in alleume el leumière ! ! ! Grosse malheur ! ! !
. I a d'quo caire alle rinverse ! ! ! ! !

Cha dot venir de là cafards naomes...

. J'arviens aux poux. Cha dot avoir un rapport aveu l'manque ed vrai savon qu'tous les gosses avotent des totos à l'école. Ch'ti qu'in avot aveu des tichets, i étot fait à basse d'argile, i fallot bin s'rincher après s'utilisation. I étot tell'mint léger qui flottot d'sur el lieau ! ! ! !
. Ach! la querre, grosse malheur ! ! ! !

Pour ar'vénir à ch'pied d'biche pou ches tiques ch'est vrai que ch'est impeccape mi cha fait longtimps que j'l'utilisse pou Shirley, j'in ai aussi un dins min sac à dos.
I faut surtout pas oublier qui faut tourner dins l'sens inverse des aiguilles d'eun' monte et l'bestiole alle vient tout seu avec s'tiète.

cha s'comprind, alles dotent s'in tiquer...in virant dins l'pieau d'el biète comme un tire bouchon ..... Ch'qui faut ch'est arriver à inlièver l'tiète, alle impoisonne el sang ! ! !
. J'vas essayer "détiquer l'tique" l'prochaine fos qu'el Fox in ramène in .......... Li, i a caire qu'in el tripote! ! ! '

Tiens, incore un qu'in aime miux vir mort...



Saleté de taon qui pique par plaiji!

Des saloperies biètes aussi, les moustiques.
In étot dallés rinte visite à des amis qui devotent si qu'mes souv'nirs sont exacts, camper à Pla de Barres ! ! !
. Chaque campeur i s'prom'not aveu sin tiot nuache parsonnel ed moustiques ! ! ! Quand qu'in arrètot l'moteur d'el carrette, aussi fèle i avot un nuache ed moustiques au d'zeur du capot . Pour minger, les gins s'infreumotent dins leus caravanes! ! ! ! l' Horreur ! ! ! !
. Nous, in a décanillé d'la in vitesse ! ! ! ! !
.

quind in est allé au Canada, dins l'région des lacs, chés moustiques, les maringouins comme is distent là bas, ch'est des maousses costauds et des affamés, i a interêt à bin s'couvrir, si t'as l'malheur d'avoir in bout d'pieau des bras ou des gampes qui dépasse ch'est festin assuré pou chés sales biêtes
avec l'groupe in a été faire une promenate dins chés bos et in étot obligé d'mette cha su les visages


j'peux vos dire qu'in a bin rigolé à s'vir tertous avec cha mais c'étot indispinsape

Pis t'as intérêt à éternuer "sec"...

T'as des photos de tisaute là in-dessous? Is ont trouvé un capieau assez tiot pour ti ou t'étos comme de Funès dins l'grinte vadroule?

ouais je n'd'ai eune, mais j'la mettrai pas, j'voudros pas ête responsape d'in malheur, pace que j'sus sure que certains rieux d'gins s'rottent capapes de s'etranner d'rire in veyant cha...

Des rieux de gins, ichi i n'd'a nin. Is ont bin trop peur de l'modérateusse.

Allez, montre l'photo...

Ou alors te m'invos sin numéro de téléphone à saint Toni et in s'arrinche intre hommes...

Rin que d'vous lire cha m'gratte tout partout !

Allez Tiote Bellooooottteeeee! rin qu'eune photo pour m'consoler d'tous mes grattaches ed bestioles qui piquent!

Tiote Bellotte elle a nin répondu dins les 10 secondes.. pitête qu'elle est parti querre s'photo qu'elle a muché dins s'poque. Le timps qu'elle scanne et dins 1 minutes in a cha...
In va joquer un tiot peu avint d'aller à sin lit! ( por faire des bieaux rêffes)

Citation :

j'sus sure que certains rieux d'gins s'rottent capapes de s'etranner
d'rire in veyant cha...

des noms...des noms...
elle va nous l'faire vir el photo merilou,elle va nous l'faire vir...

pet ête demain si que vos êtes très très saches......

J'ai été sache, mi , comme eune imache! j'ai joqué silincieussmint toute el nut...
Alors, in peut vir l'photo de l'tiête à tiote Bellotte incriquée in dssous d'eune berlouffe accrotchie sur un capieau... allez, siouplait ( même el mot magique y'est mis à la fin, te vos bin qu'in est saches!)

Cha t'gratoule ou cha t'catoule ? ? ?

Mi aussi j'chus sache, i a pas pu sache.......in comparaison d'autes ! (comme j'chus sache j'dirai nin les noms comme i d'minde el chef)

Mi je cros qu'elle nous raconte des cacoules la modérateusse... pour mi, elle n'a jamais mis un machin parel chu s'tiête.

Alors à ch't'heure elle cache après eune photo, mais cha ne sera nin elle dessur. Personnellemint, je voudros avoir l'preufe que ch'est elle chu l'photo qu'elle va moutrer.

In attindint, je chus sache comme eune imache. J'ai nin de mérite, ch'est min timpéramint comme cha.

Je pinse eune séquo: dins le timps, les veuves elles mettotent aussi eune séquo parelle chu lu tiête. Ch'étot aussi à cause qu'i avot grammint de moustiques attirés par les larmes?
In fait je pinse que ch'étot surtout contre les taons. Cha ch'est des sales biêtes qu'elles sont attirées par le sé de l'trinspiration et des larmes.

In tous les cas, si qu'elle arrife à l'artrouver s'photo, je vas arconnaître publiquemint devint tertous et sin quien que pour eune guernoule elle a de l'ordre.

Je parle d'eune photo d'ùche que ch'est elle qui est arconnaissape dessur. Eune photo du tacalogue de Manufrance cha ne compte nin hein.

Mais à m'mote que je ne risque nin grind cosse...

bon tant pis pou vosautes, vos l'aurez voulu !!!!
incrinquez vos bin su vos caiëlles pou n'pas querre....
min diu ! même mi quind j'ravisse cha ch'étot in 1997 !!!!!!!!!