Bin ouais et quand té t'coupes té fous du sang tout partout selon l'importance de l'coupure bin sûr. Té va vire quand t'iras coper tes rosiers (bin ouais pissque que té t'mets à la culture) mets des manches lonques pou pas trop t'accrocher à chés épines passe que cha coule tout rouch' sus les bras.
Fait aussi attintion à pas t'faire morte pas ches limaces.

Au fait i y a pus de p'tites têtes jaunes, d'gatiau, des fleurs, des trucs qui veul'tent dire "MDR" etc...
Tioooote?

T'as des problèmes de pupiles tisaute? Chez mi, dins l'barre qu'elle est ichi net au-dessur de ch'cassis d'ùche que j'écris, i a vers l'droite un tiot bonhomme djaune qui fait risette. Si que j'buque dessur, i a tout plein de copains à li qui apparaistent.

Wette, par eximple:

T'as quind même nin osu bidouiller tin bazar? Ch'est nin tin ginre énon?

T'as au moins l'barre de mise in forme du texte?

Nan j'ai pus rien d'tout cha.

Mi j'ai des nouvieaux smileys !

Arrête, te vas déprimer le montagnard....

Et est-que les limaces y ming'tent des pichoulis ? J'cros nin...

M'in fous, vu que des pichoulis j'in sème ou arpique nin. Is vientent tout seus et i n'd'a vraimint grammint, avec des racines bin longues et nin toudis faciles à avoir complètemint jus déhiors.

Si vous connaichis eune bestiole qui minge le liseron et nin les salates, j'acate!

In tous les cas, bante de rieux de gins, je chus fier comme un bar tabac: j'ai 2 fraises rouches dins min gardin.

Je me doute bin qu'i n'd'a qui vont dire qu'eusautes is n'd'ont récolté tros quintaux mais pour mi ch'est déjà eune bonne surprisse d'in avoir 2.

2 que les limaces elles n'ont  nin eues..... sales biêtes

Taratata, pour que tout le nord pas de calais et tout le reste i défile pour me le piller?

Nin non, in les a mingées nous deux fraisses.

Elles arottent pu rester murir un tiot peu mais j'ai eu trop peur des limaces. Sales biêtes!

Heureus'mint qu'ché des fraisiers remontants ! à l'prochaine récomte t'in aura deux fos plusse !

Ch'est tin gardin ou saqué d'un tacalogue vilmorin?

Cha me plairot bin cha, si que les fraises elles ont du goût bin sur....

Ben que cha fait plaisir d'avir un viux sujet, j'ai bin ri à tout arlire, pis à vir que des anciens étottent arvenus, que bielle surprisse !
Ouais j'ai été pas mal absente chés dernis temps mais des tiots soucis familiaux, pis un manque d'envie et de nostalgie... mais cha y est min cop d'blouse (avec boutons) est passé et m'arvla...

Alors pou tes limachons min tiot batisse j'te consel d'mette l'canchon d'nou arprésintante du prix d'l'eurovision, pace que même si cheule canteusse à une bielle vox, s'canchon f'rot fuir n'importe quel caragole, limachon et taupe, tellemint qu'elle est triste.... is irottent suicider tout d'suite

Ouais, cha quingerot de mes plantes à mi, que ch'est elles qu'elles ont eune fâcheuse tindince à mourir de peur dès qu'elles me vottent arriver.

Incore que chu ch'coup-là, j'arconnos que ch't'année j'ai tché chu des bonnes: à part eune salate tout de suite mingée par eune limace et un rang d'z'haricots qui a du faire le plaiji d'eune famile de bestioles, alors que l'z'autres lignes elles ont poussé à peu près normalemint, mes plintes de ch't'année elles simblent avoir compris que batisse au fond ch'est un garchon qui lu veut plutôt du bin.... et qu'i a un compte avec le tiot bon di pour faire pleuvoir tous les deux jours!

Aux bestioles qui mingtent mes fruits et légumes à m'plache je lu veux aussi du bin: je lu distribue des friindisses qu'elles in bafiltent de plaiji à les minger. Après cha elles ont des coliques, mais ch'est nin de m'faute si qu'elles ont du mau à digérer mes chucates qu'elles avaltent comme des goulaffes énon? 

Par contre, i a des taupes qui me nargtent... Cha aussi ch'est des sales biêtes et l'djerre elle est déclarée intre nousautes. Min bieau gazon in dirot l'boyauroucherie, avec des tiots terrils qui pousstent par chi par là. Tcheu brun!

pou chés taupes t'as cheule solution chi d'sous  :

Ah les Bodins... cha ch'est eune équipe! Ch'ti qui fait Maria, toudis croqué in deux, i dot être mort à l'fin de chaque pestaque!

Mi je dis chapeau à des gins comme cha!

Parel pour Madeleine Proust, que ch'est hyper bin observé.

Et les Vamps. Ch'est super.

Infin bon, in s'éloigne un tiot peu de nous ennemies les biêtes énon? In tous les cas, les taupes, cha comminche à bin faire! Te n'd'as chez ti dins tin gardin cheftaine?

Si que cha t'intéresse, j'ai planté des bettes (ch'est nin des ennemies cheules-là) et 100% des plants is ont pris. Cha fait que je pinse à ti....

Mi j'min va bintôt dins l'pays- d'où- que- ché-limaces- y- ming'tent- les- tiotes--- salates de- Batisse..
.dins ène ville connue pou sin fromache qui pue....t'as jomais essayé d'in métte ène paire d'morcieaux dins tin gardin ?

Parce qu'in puq te veux y attirer les mouques dins min gardin? T'aros nin aussi des idées pour les fourmis ou les guêpes?

Vinguette, j'ai tué un frelon dins min atelier, ch'étot un modèle de compète. J'étos nin fier avec m'bombe.... J'aime nin ches biêtes là, les taons non pus.

Bin dis donc batisse i fait nin bon camper dins tin gardin avec toutes chés bietes ! Tindis que dins min gardin y a des groselles et des frimboises sins oblier  chés cassis... Par conte ch'est un peu dur l'sol in c'momint , faut arfaire l'pelousse alors i a foque de l'tierre...

Flersois j'cros que l'vieux Lille ou bin l'maroilles cha s'rot cor pus efficace pour faire fuir chés bietes, ou bin eune boulette d'avesne, redoutape cha!

Ou aller minger au resto chinois. Après cha, je ne sais nin si que vous avez armarqué, mais in fait des pets - et le reste - qui puttent sacrémint sévère. Vinguette....

Mi hier j'ai eu eune attaque d'guêpe, cha fait rudemint mal leu piqures, in voulant netchier ch'bord de l'balustrate, j'avos pas vu qui avot un nid, in arot dit eune escadrile d'avions, j'ai tout lâché, chiffon, j'sus rintrée. Y a qu'eune compresse d'vinaigue qui m'calmot l'piqures. 
pour l'reste d'ches bestioles, par ichi ch'est des chenilles qui mingetent tout.
Y in a des dégâts. pas gramint d'fuits à récolter.

Ch'est nin pour dire ou critiquer, mais des sales biêtes, à m'mote qu'i n'd'a grammint puq que de braves.

I a 3 jours j'ai arwetchi min parc à fraises (in ne rigole nin là-bas dins le fond, je vous ai vu(e)s...) et i n'd'avot au moins eune demi douzaine presque prêtes à déguster. Je m'ai dit qu'in attindint incore un peu elles serottent meilleures. Eh ben i a des mouchons qui ont du faire eune rute bonne chère avec avint mi!

I eune autre sale biête qui a l'air de bin aimer les plants de navets. Un in particulier, qui tire eune tronche qui fait pitié (cha suffit là-bas au fond vous rigolemints nerveux hein!).

J'avos eune couvée de mésanges bleues qui s'avot mise dins un trou du mur in parpaing à l'porte de min atelier. In a été autint surpris l'un que l'autre de s'artrouver face à face mais cha s'est bin passé.  Cha y est, les tiots is s'in sont involés. Je lu souhaite eune bielle vie et de minger grammint grammint de chenilles, que ch'est lu régal à ches tiotes biêtes et que mi je lu laisse m'part bin volontiers.

I a aussi des hirondelles qu'elles ont construit un nid in-dessous de min tot. Je chus contint, ch'est bieau et cha fait imbiince bonheur, même si cha fait des tiotes crottes in bas..... J'espère qu'elles mingeront grammint des moustiques et mouques et tout ches bazars volints qui arottent l'idée de s'approcher de mes ferniêtes!!!!

Pour l'instint, je m'in vas aller cachi du produit contre les taupes, vu que l'djerre intre nousautes elle n'est nin incore finite. Elles ont abindonné des bastions mais se sont arpliées chu d'autres. Si j'in chope eune, je vas la tuer machemint, ginre in l'interrint vivinte!

Allez, eune bonne journée à tertous et sin quien

t'as del chance d'vire des hirondelles, nous qu'in in veyot tant, ch't'année y en a pas grammint.

In a un coupe de mésanches qui voulot faire leu nid dans les poutres such balcon
l'matin j'trouvos  des bouts d'bos, des fos des morcieaux aussi lourds qu'eux,
in nettoyot tout, et rebelotte l'soir à r'faire y avot autant d'cochonnerie.
Bien sûr i z'essayottent d'faire un nid sur eune poutre un tiot peu in biais, cha n'pouvot pas ténir.
I z'ont fini par abandonner et i z'ont arquemincher ch'nid sous l'avancée d'un garache.
Ch'est bieau à vire des tiotes bestioles ainsi qui n'arrêtent pas d'construire.