batisse a écrit:

Ne te laiche nin faire garchon! Déjà qu'in n'est pus grammint d'hommes, faut qu'in résiste. Sinon, si que cha continue, in va s'artrouver in tutu et in bas à résile... armarque in pourrot aller à carnaval à Dunkerque, pour cachi après Lili déguisée in mouette rieusse!

Nou ministre ed la Qulture y peut dormir trintchille, l'sujet y a déjà été ravissé pus d'mille fos.
Par conte j'pinche que Lyly elle pourrot chinger d'trottoir si elle tchée sur Roger et Batisse in tutu et bas à résille

Meuuuuh non! In est des garchons sérieux nousautes, surtout Roger.
Pis Lili ch'est eune femme sérieusse, ch'est même elle qui l'a dit tchand qu'in li faijot des catoules... t'as qu'à vir.

Surtout Roger. enfin eune parole sérieusse dins l'bouque à Batisse! j'cominchos à désespérer.

té vos mérilou, tout arrife

Y fallot foque joquer un tiot peu...enfin tchin que j'dis '' un tiot peu'' , fallot joquer tut d'même queques z'années.

Je voulos juste dire que Roger i est incore plus sérieux que mi.

Et cha ch'est dur! Rin que pour cha i mérite d'être grind chef à pleumes.

Mérilou, j'ai noté chu min carnet d'infamies cha que t'as dit à min sujet. Attinds te au pire.

A l'douane is dijottent i a pas pire, mais à m'mote que si....

ah! j'sus nin si sérieux qu'cha!
j'sus moqueux d'gins aussi...

Au secours Chef! Batisse y fait rien que de m'énerver.. Y est rincunier, même qui tient un carnet d'infamies contre mi que j'sus eune braffe tiote sins défince et qu'mi j'ai foque un carnet d'bal.

Hein? Un carnet de bal? T'as eune photo?

Chut.. ch'est muché dins min gardin secret.
Armarque que j'ai nin vidé min bic à rimplir min carnet d'bal aveuc tous les ceuss qui m'ont monté su les arpions in ginchant.
Only Youououou! min grind frère y m'surveillot de sin coin d'z'ys.

Alors là... te dos avoir un autre frère muché quelque part!

Te te rappelles qu'in a 13 ins d'écart tiote? Cha fait qu'à l'âge que t'aros été in âge d'aller guincher chez Gégène, t'aros eu disons 15 ins et donc mi... 28... que j'étos déjà papa de 2 tiots garchonals et que j'habitos déjà à perpette inclus.

Par contre, in ce qui concerne l'surveillince, je me rappelle qu'un timps t'as servi de chaperon... bin annochint!

Au sujet du timps que t'aros pouvu aller guincher, j'ai surtout intindu dire que t'as écrit des slogans révolutionnaires chu les murs de t'n'école, au sujet d'eune prof que le peuple i arot s'pieau. Pour les bêtisses t'as comminchi jone et t'as jamais donné ta part à eune autre.

Sale gamine!

Ha ben cha, chy'est plus fort que d'juer au bouchon!
J'ai jomais rin écrit su les murs de m'n'école! note directrice ed lycée elle s'apellot soeur Renée ( ch'étot dins l'viux Lille.. l'quartier hein, pos l'fromache) et un jour y'a été écrit sur l'portail à côté des murs d'ù qui avot des tessons d'bouteles pour pas qu'in s'sauffe, y'étot marqué '' Riri pourie le peuple aura ta peau'' ch'est nin mi, d'abord j'arros mis 2 r à pourrite !
J'ai foque fait eune affiche ''Wanted mort ou vif mais mort ed préférince'' et pis tout plein d'argumints valapes aveuc l'photo d'un garchon d'ma classe, y'avot perdu eune photo qui étot tchée d'sin portefeule et cha a bin fait rigoler not sous directeur.. mais beaucoup moins not prof principale ( prof de chimie Mme Allais qu'in appelot forchémint la vache Allais).
In savot s'ameuser aveuc rin...
Ch'est vrai qu'min frère y m'a jomais surveillée tchin que j'ginchos pacque je n'ginchos nin.

Par contre je t'ai vue guincher l'in passé... ch'est impressionnint!

Ch'est surtout l'tiot quinquin qui étot déchainé.. in pouvot pus l'tenir. A ch t'heure y n'sait pt'ête pus arquer?

Eclaircissemint:
Faut expliquer que l'année dernière, j'étos aveuc min frère et y a eu de l'musique pour gincher.

Comme je n'sais nin gincher ( à part armuer min tchul tchin que j' bats mes oeufs in neiche sin batteur eleuctrique) hé bin, ch'est un poupon jouet qui ginchot du rap. Mi je n'faijos que l'tenir mais y étot déchainé c'tiot quinquin.
Moralité: mi j'sais cor arquer à ch t'heure alors que l'poupon y est mat au fond d'eune banse!