j'm'étos dit in l'écrivant qu'y arot bien quiqu'un qui arot sauté su l'occasion.....j'avos meume parié aveuc mi meume su l'identité...et j'ai gagné

In comminche à bin se connaître alors? Tcheue affaire!

Si j'comprinds bin, ch'l'histoire ch'étot eune attrappe à baloux ??

Bon, à cha que je vos, ch'est incore eune fos un homme qui va devoir se dévouer pour armettre un tiot peu d'ordre dins ch'bouvaque...

Tiot rappel: ch'sujet ichi i est supposé être historique vu qu'i devrot causer de l'histoire ou des histoires du forum. I a tourné presque histérique grâce à l'intervintion massive de certain(e)s.

Et pour chinger, in s'artrouve à causer de bouffe et d'articles de cuisine, sins causer de sin tiot bout de bidoche toute molle à Camanette.

Donc, tros ou quatre grinds coups de masse chu le bureau du juge pour armettre un tiot peu de calme dins l'assimblée, et artournons à nous moutons et à ceux de Jeanne Bellotte. Ne nous laissons nin berner par ses russes de guernoules qui dévie eune conversation vers eune autre, in faijint des ys de biche ou de merlan frit, ou in donnint eune séquo à minger in vintint les mérites du bain marie...

Déméfions nous de cheule-là. Déméfions nous. Ch'est nin l'amicale des ritaux du beaujolpif qui me démintiront. Rin que d'y pinser is devienntent tout nerveux. Du coup is vivtent tertous avec eune tiote boîte de pillules dins lus poches et ch'est devenu un réflexe conditionné: in lus parle de Jeanne... calmants! I n'd'a qui distent que cha va durer incore un rute momint.

Bref, tint qu'in est au tribunal des flagrants délires (ouais, parce que les flagrants délices de l'cuisine au bain marie, i faut incore des preuves à verser au dossier...) in va tinter de finir l'ouvrache.

Roger, nous grind chef à pleumes, i a perdu, à cause de Jeanne Bellotte, eune bonne touffe des cavux qui li restottent chu le dessus. A ch't'heure, tchand qu'in l'arwette par derrière, in dirot qu'in arwette un faisan qui se dépleume du croupion.

Donc, histoire qu'elle se rinte compte des dégâts qu'elle a déjà commis, je propose que Jeanne Bellotte nous explique commint qu'elle ferot pour rinte appétissint un faisan dépleumé... Qu'elle se mette un tiot peu dins ses pantouffes à cheule pauvre Jacqueline, sacrifiée chu l'autel du forum et qui se linguit d'amour pour sin homme qui se dépleume et qui passe s'vie à s'occuper des seuls boutons de sin clavier, de chinq heures au matin jusqu'à des minuit du soir.

Mâââme Jeanne, ch'est à vous, à moinse que quelqu'un de l'assistince publique désire dire eune séquo in rapport avec le sujet.

j'voudros rin dire, mais ch'est suremint pas à causse d'jeanne bellotte que, roger, nou grind chef à pleumes préféré, i a perdu l'pus d'caveux, i m'sempe qu'eune certaine colompe alsacienne motorisiée i a donné bin pu d'russes que cheule brafe jeanne bellotte....

alors pou rindre in faisan dépleumé appétissant, i faut qui seuche complètemint dépleumé et pis vidé, pis après in l'fait mariner dins in bon vin rouche, in tiot moulin à vent par eximpe, pou rester dins beaujolpif, i faut que l'faisan i seuche complètemint arcouvert d'vin, pis....
(la suite au prochain numéro car jeanne bellotte elle est infreumière aujord'hui avec tros tiots malates et qu'elle va aller s'occuper d'eusses)

Bon, ben Roger te vlà prévenu par Jeanne Bellotte... elle va continuer à te dépleumer, pis après elle va te vuder - autremint dit elle va te faire ch..r incore bin pire - pis après elle va te mettre au bain - ch'est eune manie chez elle - de beaujolpif jusqu'à ch'que t'pieau elle soche toute frippée.

Min pauvre Roger. Et te peux t'attinte à ch'qu'elle te farcisse de nouilles au mitan cuites. Avec de l'sauce tomates in bocaux.

Te t'imagines tourner rital et canter dins les rues de tin coron "oh l'seau i est mis haut, je dos frotter à tierre..." in faijint aller tes bras comme un semeux de l'incien timps?

A m'mote qu'i n'd'a qui te lincherottent des tomates ou des séquos ainsi. Cha dot être pour cha qu'is font tout à l'sauce tomate les ritaux: ch'est les ginses qui lus donntent gratis.

Rogélitto cha sonnerot pourtint bin...

t'as eu peur Roger, nou grind chef à pleumes ??
nin non, rassure te, j'vas pas finir de t'dépleumer, vider et faire mariner (in est pas des sauvache, tout d'même comme disot Popek)
par contre j'te donneros bin eune boutelle de moulin à vent , pis 1 L d'sauce tomates, je n'd'ai justemint fait c'ouiquende....

Ch'est nin '' Ho l'seau y'est mi haut'' qui cante not chef à pleumes, mais ch'est YMCA....mais j'pinche qu'à l'sauce tomate y n'va pu canter grind cosse, à moins qui ait sin tchul bordé d'nouilles!

In a buqué in même timps Tiote.. y'a pas à dire, ches grinds esprits d'guernoule cha s'comprind.
Ch'est nin la peine ed li donner un bocau d'sauce tomate à not peau rouche... ni du vin rouche, y va ête vermillon cramoisi fin pompette.

Allez, un tiot peu d'respect pour not grind chef à pleumes.
Eune minute ed silince et d'reccueillemint avint d'attaquer l'plat principal.

Et que personne y diste'' J'aime nin-in-in'' !

Incore des nouilles?

Y faut nin in printe ombrache hein Roger! in ne minge que les gins qu'in aime.. aveuc nos tiots in dit '' Ho Y sont craquants, in in mingerot'' et pis tchin qui sont ados in dit '' Bin, in s'deminde pourquoi qu'in l'a pas fait ''
Et pis les cannibales, y mingent les gins pour pu avir faim mais aussi pour printe leurs forches et leurs talints... et mi j'ai gramind à printe à minger not chef, j'y gagnero in infreumatique, in pachience, et in sagesse. L'problème ch'est j'ai nin d' appetit pour ête canibale ( surtout si y reste des pleumes, j'va m'énoquer)

N'ai pas peur Roger.. in n'va pas t'minger !

Citation :

Ch'est nin '' Ho l'seau y'est mi haut'' qui cante not chef à pleumes,
mais ch'est YMCA....

bin j' m'vos bien danser cha avec et m'gambe!!!
té eun' rude moqueux d'gins mérilou!!

J'excusse ed vous dminder pardon grind chef à pleumes mais ch'est nin sins l'faire exprès que ch'est pas mi que j'a cminchi d'abord! Ch'est à causse ed min frère qui m'a mal apprite

Intre nous z'aut YMCA, je n'pourros pas non pus... pacque j'sais nin gincher et que j'sus mate... et pis d'abord j'aime nin tortiller min tchul sauf tchin que j'bats des oeufs in neiche.

Aveuc tout min respect et l'exprechion de m'plus haute considération vu que j'sus grinde et que j'ravisse les gins comme si qu'j'étos chu mes grinds gevaux, grind chef à pleumes vénéré Hugh!... Non! Roger!

Ouais, t'as vu cha Roger? Commint que t'es traité par les guernoules? In puq, l'rieusse de gins aux grinds canassons elle in armet eune louche.

Balocher sin tchul in battint des oeufs in neiche! Avec un batteur éleuctrique, mais cha elle ne le dit nin...

Bref, i n'd'a eune qui veut te faire canter et dinser des séquos dignes de où est sin side à toni et l'autre qui veut te faire mijoter dins de l'vinasse et t'incriquer avec des séquos à la tomate que ch'est très mauvais pour ta ligne d'émir.

Je ne sais nin quo que te lus a fait mais in dirot qu'elles in veultent après ti. Et pis, va savoir pourquo, i m'a l'air que t'as tché chu les deux plus pirtes.

Infin... parmi les plus pirtes, parce que je chus sur qu'i n'd'a in deuxième ligne qui attindtent lu tour pour te mettre in piches aussi et i n'd'a là-dedins qui ne donnerottent nin lu part au cat.

Ne te laiche nin faire garchon! Déjà qu'in n'est pus grammint d'hommes, faut qu'in résiste. Sinon, si que cha continue, in va s'artrouver in tutu et in bas à résile... armarque in pourrot aller à carnaval à Dunkerque, pour cachi après Lili déguisée in mouette rieusse!

Oh non les hommes faut nin partiiiir!
In va ête saches et amiteusses et tout et tout et quo qu'ch'est qu'in ferot sins vous?

In a pus d'nouvelles ed Lyly? cha n'migre nin ches ojeux là?

batisse a écrit:

Je ne sais nin quo que te lus a fait mais in dirot qu'elles in veultent après ti. Et pis, va savoir pourquo, i m'a l'air que t'as tché chu les deux plus pirtes.

En vrai les guernoules elles aimtent les hommes ed pouvoir Carla célébrité cha tient à cha!
Not Chef à pleumes, ch'est quéqu'un tut d'même. Dins la nature les plus belles glaines paonnes elle cache après l'plus bieau paon qui a les plus bielles pleumes et ichi chu l'foroum, ch'est bin not Roger l'plus garni!

Citation :

qui a les plus bielles pleumes et ichi chu l'foroum, ch'est bin not Roger l'plus garni!

ça ch'est bin vrai, comme dijot la mère denis (cor eune sacrée comique cheule lal, z'avez armarqué les mains qu'elle avot ? des vrais battoirs à linche, elle t'auros mis eune margnouffe, t'auros fait tros tours dins tes soulers sins quitter l'sol)

Tcheue bande de fayotes!

Roger le plus garni...
Infin, Marcel - au moins - réagis! Roger i moute s'tiête chu sin lavatar et le moins qu'in puisse dire, pour eune tiête garnie, ch'est que pour vir cha aussi velu qu'eune brouche à cabinets, i faut grammint d'imagination ou d'auto suggestion!

Ch'est comme si qu'in dijot que min vélodrome à mouques i fait pinser à Jimmy Hendrix!

Ah ches guernoules... Roger, je te le répépète incore un cop: déméfie-te garchon, elles vont t'invouter et t'hypnotiser et après elles aront comme un juet téléguidé.

A part que le juet ch'est le grind chef à pleumes, Rogélitto.

Mérilou a écrit:

In a pus d'nouvelles ed Lyly? cha n'migre nin ches ojeux là?

Te cros qu'elle a partie dins le midi pindint l'saison de l'banquisse à Malo?

In tous les cas, in ne dira à personne que te l'as traitée d'ojeau.

Elle pourrot tourner sin biec...

In l'aime bin not Lyly ed Malo les mouettes, elle nous minque. Je n'voudros nin qu'elle tourne sin bec.
J'rectifie su l'garniture à Roger Rogellitto Hugh! j'parlos d'ses pleumes , nin d'ses caveux...non mais, y n'd'a qui suiftent ichi?
Au début de ch t'histoire, l'garniture ch'étot l'sauce tomate, le beaugolpif et les nouillesmais in s'a ravisées par respect.
Nou Roger, in l'préfère nature... dins l'mote original.
Tertous y sait que dins l'art les originaux y z'ont gramind pus d'valeur que les copies.
Ichi dins l'coin des artisses, in ne copie nin, in n'triche nin .
Par exemple l'histoire du tiot quien blanc, ch'est Copie rate.

Lyly alle a grandmint d'travale à sin boulot ! ! !

batisse a écrit:

Ne te laiche nin faire garchon! Déjà qu'in n'est pus grammint d'hommes, faut qu'in résiste. Sinon, si que cha continue, in va s'artrouver in tutu et in bas à résile... armarque in pourrot aller à carnaval à Dunkerque, pour cachi après Lili déguisée in mouette rieusse!

Nou ministre ed la Qulture y peut dormir trintchille, l'sujet y a déjà été ravissé pus d'mille fos.
Par conte j'pinche que Lyly elle pourrot chinger d'trottoir si elle tchée sur Roger et Batisse in tutu et bas à résille