ch'étot eune fos, eune bande d'copains qui voulottent arcréer in forum, après bin des écanges su c'qui faudrot faire et n'pas faire, l'pus calé d'intre eusses in infreumatique et création d'forum s'est j'té à l'ieau et là pou li les suées ont comminché...........

.... pace qui faut dire que dins c'groupe i a des rudes soyeux (et soyeusses)
c'qui faut souligner ch'est que dins cheule bande d'copains, certains se sont d'jà rincontrés in chair et in oches (infin pou certains ch'est pus in chair qu'in oches !) mais d'autes ne se connaiss'tent qu'à travers chés conversations su chés forums ou bin par émiles
donc l'paufe Roger (note grind chef à pleumes) avec l'aide importinte d'André (note porion modérateur) ont busié et argroupé toutes chés idées qui fusottent pus rapidemint qu'apollo 11....

.....mets du bleu....nan,du gris...et pourquo qu'cha clignote....et dù qu'in vot qu'y a quéqu'un qui a laiché un message....et commint qu'in s'y r'treuve dins ch"foutu bastringue....
les tiotes fées patienche et longueur de temps ont eu raison d'tout ch'monte là, all ont fait leu ouvrage....ch'grand chef à pleumes y s'a jomais démonté...
achteur y faudrot mettre eune bougie à st machin o sainte truc pou qu'tous ché babaches d'l'infreumatique (dont j'sus)y progressent'.....
Mais cha ché l'suite d'l'histoire qu'quiqu'in y va raconter...

Bon, in dit qu'i a des soyeux, cha se discute... disons qu'i a des gins qui ont des nerfs. Ch'est nin comme Roger, grind chef à pleumes in création de sites, qu'i s'est autoproclamé le plus calme de l'bande... Ch'est probablemint vrai.

In tous les cas, i faut dire cha qui est, le grind chef à pleumes i est peut-être calme, mais i a eune fierté grosse comme l'terril de Fouquières (i existe?). In tous les cas, ch'est un garchon qui n'aime nin qu'in critique s'n'ouvrache...

Et ch'est ainsi qu'après qu'un soyeux i li aiche dit "va vir ch'site là, i est bin", l'chef à pleumes, après avoir d'abord décidé que chétot trop copliqué pour li, i s'y a mis.

Ch't'eune caboche le grind chef à pleumes... Ch'est un boyau rouche pur jus.

Et vlà qu'i a créé un site qui s'a avéré hanté. Nin longtimps après l'ouverture, i a des fantômes qui se sont manifestés.

Est-qu'in pourra mette des photos ? Dis, commint qu'in fait pour les mettent ? Argarde. Te vos i a un butognot d'ouqu'i est écris "photo" te buque e't'sur, te tchié dins un serveur qui te dit de cliquer à gauche de t'sourite, te t'artrouve dins tin ordi (que t'avos nin quitté mais bon...) te cache e't photo, te clique su "héberger".... et berdaffe....t'artrouve pu t'photo, ch'est un quien blanc qui s'ballade astheure, libre sur les écrans et joue au fantôme....

Tertous y sait que les fantômes y z'ont nin de dints, hé ben ichi, y'n'd'avot qui avottent les dints jaunes.. mais jaunes! qu'in arot dit qui z'avottent chuché des cachoux Lajaunisse.
Heureusemint y'a eune momère fantôme qui étot dins l'majon du forum et qui étot moins babache que l'z'aut. Elle a été querre eune brouche à dints et elle a mis de l'poute ed dssur... et vous savez quo qu'ch'est qu'ch'étot, cette poute magique? Hé ben ch'étot....

du savon sinliche in paillettes !

Et du coup.. Eh ben

Eh ben les fantômes is font comme le pape: is font des bulles

Ch'ést peut-être des fantômes de papes d'ailleurs. A ch't'heure les papes is sont modernes, is ont eune papamobile, que ch'est eune auto blindée, mais dins le timps is n'avottent que des motos.

Et in les a bin intindues les motos papales. I n'd'avot pour des papes de la haute, avec des soupapes, et i n'd'avot pour des papes plus modestes, sins soupapes.

Et à ch't'heure les papes de la haute et les papes de la basse is se disputent intre eux. Is lavtent lu linge sale in famile. In l'a intindu aussi.

mais ch'tien blanc qui jue au fantôme y s'a pon laiché faire:il a pon voulo qu'in y breuche ses dints au sunliche....
"si qu'vos m'attrapez, j'm'in va m'trinsformer in mouette d'malo:et gare j'vas vous bombarder, j'ai des espions là bas savez"

. Mi ch'est aveu du MIR qu'j'ai failli m'laver les dints et in puque, m'faire un lavache d'estomac in même timps.
.... In étot in camping aveu em mère. Alle avot l'mauvaisse habitute, d'mette ech' Mir dins des boutèles à bière aveu des bouchons mécaniques.
. J' n'arrêtos pas d'li dire: " Unjour i a un gosse qui va printe el boutèle et qui va s'in verser un verre pinsant qu'ch'etot d'el limonate."
. Tétue comme eune vièle guernoule :
. " J'peux pas m'tromper d'boutèle, j' loye un chiffon d'sur el goulot d'el boutèle pour el l'arconnaite !". .
. A midi, in s'met à tape. I avot eune boutèle à bière ed sur el tape , j'm'in sers un grand verre .......vingt diousses, ch'étot du MIR ! ! !,Jé n'ai pas avalé, mais ch'Mir étot quand même arrivé jusqu'à les amygdales.
. Furieux, j'ai arcraché in voulant crier:
. " T'AS VU J'Té L'AVOS DIT !!!!! !"
. J'ai pas pus i est sorti d'em bouque eune énorme bulle grosse comme un ballon ed ducasse ! ! ! ....
. Ch'est dangereux d' faire des conneries comme cha, is arrotent pu mourir ed rire tertousse. M'finme, m'mère, les gosses tout l'monte i étot pliè in quate. Is arrivotent pus à s'in armète. ...
...............I n'avot qu'mi qui rios pas, j'sais pas pourquoi ! ! !
.

Bin j'fais toudis des bulles mi quand j'sus dins l'bainoire et pourtant j'y mets pas d'mir et pas sinlich' in paillettes non pus, minme pas du produit à faire el lessif' et un pus cha a pas toudis l'minme odeur cha canche à chaque fos, quique fos cha a minme pas d'odeur du tout ch'est bizarre quand minme.
Ch'est comme ches bulles du Pape in in intint parler mais in les vot jamais, mi au moins j'sint les mïinnes et j'les vos.
:bball:

Note de l'editeur* Sinliche cha veut dire leumière du soleil in ingliche.

Tertous des lecteurs de not romin fleuffe y a compris à ch'heure qu'in étot dins un foroum hanté aveuc des fantômes aux dint blanques aveuc des bulles tout partout mais que ch'est nin eune bédé tout d'même parcque ch'est du sérieux c't'affaire là et pis y'avot nin les bruits d'chaines qui vont aveuc les fantomes mais y'avot des bruits d'moto. (* note de l'éditeur: déjà Marcel Proust écrivait de longs paragraphes exempts de ponctuation, ce qui est un signe de génie littéraire reconnu chez tous les linguistes et mangeursdepetitsfours dans les salons littéraires)
Ch'est pour suiff l'inquête judiciaire qu'y a fallu imployer un gindarme qui buquot in muchette sur eune visse machine à écrire qui faijot gramind d'boucan et là y'a des jurés ( qu'in va in parler plus tard.. suspence suspence!)qui z'ont juré qui l'avottent nin intindu l'bruit de buquache de l'visse machine à écrire.

L'enquête elle étot difficile. Les témoignaches d'eune guernoule y étotent bizarres et du coup tertous y pinchot qu'elle étot un tiot peu balousse.

In fait, ch'étot eune annochinte victime d'eune injustice aveugle, aveuc eune bante ed voyoux moqueux d'gins et d'voyousses maches linques qui avottent été chosi pour ête les jurés du procès.

Elle se défindot du miu qu'elle pouvot mais les gins y n'crottent nin à ses témoignaches in dijant que ch'est foque que des cacoules. Y'avot grammind d'suspince dins ch'foroum jusqu'à ch qu'un témoin berlou y arriffe aveuc s'maronne trouée et ses botines à clous.
Ce mystérieux personnache ch'étot....

un émotidéconne qui s'appelot Joe et qui venot pour causer à la barre .
El procureur principal y li dit alors:'' Allez à la barre Joe''
Et alors...

L'site i dot ète désinvouté, j'intinds pus l'moto, machine à écrire tout cha ! ! !
....

Eune fos à la barre, Joe i a dit: "deux baguettes bin cuites siouplait".

Alors le sous procureur - forchémint, si qu'i a un procureur principal, i n'd'a un moins gradé - i li a dit: "à m'mote qu'i a erreur monsi Joe. Ichi ch'est tribunal"

Joe i pinse à des délires d'hommes très minces. Alors i s'arwette et comme i est tout rond, i se dit que li n'est à priori nin concerné.

Alors i dit "bon, ben donnez me les deux premières baguettes qui vientent, tint pisse si qu'is sont nin assez cuites"

"Mais nin des crutes quind même hein..."

Alors le procureur in chef i prind s'grosse voix à la Gérard Darmon - que ch'est un homme très mince - et i dit: "Monsieur Joe, vous êtes accusé d'avoir fait passer eune annochinte pour eune balousse. Quo que vous avez à réponte à cha?".

"Mi? Elle est annochinte l'guernoule là? Si que vous le dites... Elle a quind même l'air de savoir eune masse de séquos chu la vie énon? Elle a des ys qui pétilltent plus que ceux d'eune bonne soeur énon? Mi je voudros des preufes qu'elle est aussi annochinte qu'elle voudrot le faire acroire pour écapper à l'justice. Allez, j'attinds..."

''Faites intrer d'accusée!'' qui dit l'sous pape fantôme.. que personne y vot mais qu'tertous y'intind.
Alors à ch'momint là...

Joe y s'artourne et y s'énerffe, y devient tout rouche.
Alors tertous y crie '' Du calme Joe du calme Joe''.
Mais l'vox du fantôme sous pape à moto elle continue et elle dit:...

"quo ? ch'est mi l'accusée ? D'quo vous m'accusez ? J'ai rin fait mi ! J'ai vu, ch'est nin pareil ! J'vous dis qui a un fantôme et même des émoticones (nin des connes émotiffes hein !) qui m'parlent. Ch'est un délit ? "

ouais c'paufe guernoulle innochinte, elle avot été tirée du lit d'ù qu'elle avot fait des cauchemars, (elle étot atttaquée par des boulettes d'cambrai) pou s'rinde l'pus vite possipe au tribunal... l'paufe guernoulloe a même pas eu l'timps d'mette chés pus bielles rhabillures et ch'est in rope d'champe berbère et savatte rosse qu'elle s'est présintée devint l'juge qui a faillit querre dins les pemmes in veyant sin accoutremint
in li faisant les gros yux, i li dit :.........

'' Hé bé tcheu dallache ichi? j'sais bin qu'nous z'aut, les juches in a des rhabillures ed ropes noirtes et pis des poils d'hermine ou d'cat au bout de not foulard.. mais vous pauff guernoule, quo qu'ch'est que c't'allure ichi?''

Ch'est à c'momint là qu'l'accusée elle a ouvert tout grand s'bouque pour réponte, mais y faut nin oublier qu'elle avot mingé de l'boulette de Cambrai caute sur des tartines qu'elle avot trimpé sins s'chirloute au matin.
Alors dins l'salle, y'avot pus eune mouque et j'juche y li dit: ''.....