Oh mince! Je l'aimos bin ch'ti-là. Un bon Charlot et un bon acteur aussi. I faijot cha qu'i voulot avec s'voix.

Mi je viens d'apprinte le décès d'eune collègue d'ouvrache. Tata Yoyo (Yolande). Cha faijot plusieurs années qu'elle se battot contre un cancer mais là, elle est partie tout d'un cop.

Nous l'dernier qui est mort ch'étot un "Charles" 94 ans, un ancien mineur des mines d'Alès, eune vrai baraque, avec des mains comme des battoirs, mais i étot calme, gintil, i faisot partie de l'chorale à Soaln?e.
D'pis tros s'minnes j'trouff' qui y in a eu gramint autour ed nous zaut'.

Ch'est pas gaie tout cha, arvenons à ch'sujet.

Euphémie, Augustine, Noëlla, Anselme, Fleurise, Edmond, Berthe, Micheline, Cigismond, Adèle, Fernand(e), Anastasie, Anthelme, Oliphie, Védastine, Rosalie, Béatrice, Léonne, Elyse, vous connaîchez?

J' avos un élèfe qui avot comme prénom Youri. Ch'ti la j' savos pour qui qu' sin père allot voter.

........

Min bieau père avot comme prénom Ildefonce...Cha devot pas li plaire, .i s' faijot appl'er ......Pierre ! ! !

........J' avos un mononque Alcide, ch' est pas courant nan pus.

Souvint dis l' temps à note prénom usuel les parints ajoutotent ceux des deux grands pères. Mi j' ai tros prénoms donc deux d' mes grands pères in pusse .....Jean et Gaston... J' pinse pas qu' cha s' fait core.

J'ai ouvré avec un Raoul, de m'n'âge... et à l'fabrique de pinard, in avot un cliint qui s'appelot Attila. I est mort. I étot rigolo.

Dins min village, mes afants is ont été à l'école avec eune Mercédes. Cha n'est nin courint mais ch'étot surtout nin malin de l'part d e ses parints.... is s'appelottent Diesel!

Eulalie j'aime bin. J'ai connu eune tiote elle ne voulot nin dire commint qu'elle s'appelot (des manières de guernoules). Du coup je l'ai baptisée Eulalie. Cha a duré des ins. Elle in riot, mais djaune!

L'grind mère de m'femme elle avot tournée bonne soeur après sin veuvage. Du coup in allot des fos au couvint et là à m'mote qu'is font des concours pour trouver des prénoms aussi tartes que possipe pour arbaptiser les bonnes soeurs.
L'grand mère elle avot hérité du prénom de Gertrude. I avot eune Hildegarde, eune Benoite, parmi celles dont je me souviens pour l'instint...

J'ai aussi connu eune Berthave....

Clémence ch'étot la femme à Jésus. Elle étot plus grinte que li.

Ben ouais, in parle toudis de Jésus et de s'grinte Clémence....

Loumarcel a écrit:

Euphémie,
Augustine, Noëlla, Anselme, Fleurise, Edmond, Berthe, Micheline,
Cigismond, Adèle, Fernand(e), Anastasie, Anthelme, Oliphie, Védastine,
Rosalie, Béatrice, Léonne, Elyse, vous connaîchez?

bin dins les prénoms qu't'as marqué i a les prénoms de m'maman (qui est auchi un des prénoms de m'file), de m'grind mère paternelle, d'min grind père maternel, d'une grind tante, et pis rosalie qui étot l'nom qu'in avot donné à un ojon, mais cha ch'est eune aute histoire

pépéPéBé a écrit:

Souvint
dis l' temps à note prénom usuel les parints ajoutotent ceux des deux
grands pères. Mi j' ai tros prénoms donc deux d' mes grands pères in
pusse .....Jean et Gaston... J' pinse pas qu' cha s' fait core.

Si ppPB cha s'fait cor, min aîné a comme deuxième et trosième prénom ceusses d'chés deux grinds pères et m'file cheusses d'chés deux grinds mères (dont un qu'alle a pas querre du tout...)...

et j'cros que j'vos ai d'ja raconté dins un aute sujet, l'histoire d'min prof de français (qui étot un vojin) que ses parints avottent appeler Pierre alors que leu nom d'famile ch'étot Tombal !!!! in a pas idée d'faire cha a un infant !!!... pas évident d'porter c'nom là pou un enseignant !

Pétronille...
https://www.youtube.com/watch?v=yAONnpERus0&feature=related

Cha n'a nin été rimplachi des gins comme cha. Si? Toute notre jeunesse vains dieux, des chansons à texte...

Elsa..Rose....Laure.....Annie.

flersois a écrit:

Elsa..Rose....Laure.....Annie.

Et pourquo nin Paul pindint que t'y es?

Les prénoms que te dis ne sont nin "autremint qu'ainsi". D'ailleurs ch'est tous des prénoms de canteusses!

Bon, pour Laure ch'est nin sur mais des Laure i n'd'a plein les écoles à ch't'heure. I in a même eune à l'maison du café, qu'is in font de l'réclame au poste.

batisse a écrit:

flersois a écrit:

Elsa..Rose....Laure.....Annie.

Et pourquo nin Paul pindint que t'y es?

Les prénoms que te dis ne sont nin "autremint qu'ainsi". D'ailleurs ch'est tous des prénoms de canteusses!

Bon, pour Laure ch'est nin sur mais des Laure i n'd'a plein les écoles à ch't'heure. I in a même eune à l'maison du café, qu'is in font de l'réclame au poste.

Tde dos lire chés noms rapidmint..

C'est les filles de Mme Versaire

Eune file dins l' classe, eune françaisse j'précisse avot comme prénom Ulrika. J'cros bin que s' mère,qui vivot seule, alle l' avot ram'née,s'file, comme souv'nir, d' un voyache in vagance in All'mane ! !

...........

Eune cousine de m' finme avot comme prénom Mitzy, eune écriture comme cha. Alle avot hérité cha d' eune série américaine à l' époque ? ? ? pétète Dallas j' sais pus ? ?

..........

L' amour n' a pas de frontière.

Citation :

Tde dos lire chés noms rapidmint..

Batisse i a pas pu comprinte, passe que ch'est tiré par les ch'veux t'n'histoire ed files Versaire.
Faut lire vite plusieurs fos pou comprinte.
Enfin j'dis cha...

pépéPéBé a écrit:

...........

Eune cousine de m' finme avot comme prénom Mitzy, eune écriture comme cha. Alle avot hérité cha d' eune série américaine à l' époque ? ? ? pétète Dallas j' sais pus ? ?

...........

Mitzi Gaynor chéto ène actrice de t'n'époque, t'as du l'avir in poster dins t'chambre .

[quote="flersois"]

pépéPéBé a écrit:

"Mitzi Gaynor chéto ène actrice de t'n'époque, t'as du l'avir in poster dins t'chambre .

"

J' ai jamais été intéréssé par chette bêtisse la. J' ai jamais arguetté un seul épisote, m' finme nan pus.

In tous les cas, aujord'hu ch'est l'fiête aux Casimir.

Z'in connaichis ou avez connus? A part 'lmonstre gintil de l'télé

Ch'est vrai cha. Oups!

Bonne fiête Casimir le boyau rouche!

In 30 ans j' ai vu: un seul Batisse, un seul Pierre, aucune Martine aucun Marcel, aucun Casimir à l' école ? ? ? .

Te vos, ichi in est eune douzaine, cha fait le tiers d'eune classe, et t'as tout cha d'un cop!

T'as bin fait de venir....

hypolyte, hyacynthe,césar,rosemonde,prune,eustache....

T'in connos des gins qui zont ches prénoms la Ch'duc ? ?

M'grand mère paternelle ch' étot Zora ! ! !

Rosemonde ch'étot l'prénom d'eune soeur de m'grind mère, l'aute soeur alle s'appelot Flora... sin frère, Léon.
Un d'mes arrières grinds pères ch'étot Adolphe, un prénom qu'in n'donnot pus après l'deuxième guerre mondiale !!!! min papa né in 1930 l'a in deuxième prénom.... associé à Richard, min aute arrière grind père.
Eune vojine d'mes parints s'appelot Emilienne, eune aute Odette, in n'intend pus cheux là nin pus.

ouai pépé yacynthe y à travaillé avec mi et yà 62ans, les autes chétot des anciens voisins ed mes parints et y avot aussi elie ou ellie y etot pompier...

. J' avos un viux mononque qui avot fait la guerre 14 dins les tranchées, i s'applot Alcide. I avot arvénu aveuc eune bielle moustache 14/18. S'finme, Léonie, alle riot in dijant que , quand qu' mononque avot copé s' moustache alle ne l' arconochot pus. J' les adoros ches gins la....comme in n' in fait pus grandmint.

J' avos un camarate qui s' applot Hyacinthe.....Trognon.

. I habitot dins nos corons. I a été fusillé par les All'mands comme otache. Sin "crime", avoir crâché d'sur l' flamme, l' long drapeau aui pindot d' chaque côté de l' porte de l' Kommandatur. Arrêté par eule sentinelle, incarcéré, i a été fusillé, i avot 18 ans. Sin père travaillot comme tourneur sur bos à l' carpinterie des ateliers centraux d' Billy.



J' pinse pas qu'i n' da core grandmint qui saftent core c' qui est arrivé à ches gins la, fusillés.