Dins un autre sujet, la clo qui a un talint particulier pour trouver des sujets, a mintionné des prénoms autremint qu'ainsi, pour des guernoules, vu que ch'étot dins un sujet relatif à des vielles femmes.

Du coup j'ai découvert des prénoms inconnus.

Je propose qu'in mette ichi des prénoms comme cha, qu'in n'intind pratiquemint jamais, pour des femmes ou des hommes qu'in a connus ou au moins intindu causer dins s'famile.

D'ac?

Palmyre, Gloria, Hyacinthe, Honorat

Eulalie, Euphrasie... que j'ai artrouvé dins un life dernièremint.
Par conte chés viux prénoms cha arvient à l'mode, à l'école maternelle in troufe "Philomène" "Octave" "Auguste"...

L'deuxième prénom de m'grind mère ch'étot Augustine, sin premi Claire et des fos pou l'faire indever avec min grind frère in l'appelot Clara-Augustine, ah jonesse !!!

mes grands mères, fèlicienne , germaine,mes grands pères, séraphin, auguste,in oncle,aimé et hyacinte,eustache...

in avot déjà fait un sujet sur ches prénoms anciens, je n'sais pus du, j'ai peur de m'répéter, ichi aussi in avot parler d'cha, pis sur note ancien site d'rincontes.
Rien qu'in faisant l'tour d'mes voisins quanque j'étot tiote, ch'étot pas mal, in plus y avot des prénoms mi temps français mi temps polonais, ou alors ceux in polonais qu'in déformot.
Je m'rappelle ed Gustave, Alcide, Aimé, (vous moquez pas d'mi) y avot Franeck, ch'est François, Edmond in disot "Eidjou"
Et aussi Hortense, Zulma, Sidonie, Berthe, Sylvia, Antoinette. J'in oublie ch'est certain. J'ai oublié m'grand tante Augustine, eune sainte femme qu'in pourrot écrire un roman de s'vie tellemint ch'est eune belle histoire.

ouais la clo, ch'est mi qui avot mis l'sujet, in avot surtout parlé justemint d'certains prénoms qui arvenottent à l'mode, mais ch'est mie grafe, j'sus sure qu'in avot pas fait l'tour de l'question

ch'étot là :
chés prénoms - chés prénoms.......

Cha y est Batisse t'as lancé un truc là, phénoménal !
J'sus in train d'préparer min repas d'midi et j'arvos min coron du que j'restos. J'ai cha in tête j'cache après tous les prénoms des anciens voisins et amis.
In vlà d'autes :
Alfreda
Elodie
Léontine
Florentine
Guénia - ch'est Geneviève

Léone, Euphémie, Océlie....
Just, Côme....pour ches hommes, j'ose nin mette Parfait in l'utilise pus, trop dur à porter pour un homme !

adèle,euphasie,aimé,constant,roland,alpfedou alfred,angèle,eugénie,gustave,marguerite,cloé(e),justin(e),alex,alexcendrine......

dins l'même famille à Berck y'avot : Simon Simone et Siméon

Eudeline (disez Udeline !)

Olympe, Gertrude, Camélia, Alcide, Marcelin. Tout cha du côté de m'femme.

Sin père à minloute ch'étot Léonce. J'avos jamais intindu.

Dins l'voisinage i avot eune Léona. J'ai été à l'école avec un Achille et un Augustin. A l'armée i avot un Eusèbe et un Philoménadin-Lazarre (i étot gâté ch'ti-là. Ch'étot un malgache)

Mi je me deminde pourquo qu'in ne m'a nin appelé Modeste ou Parfait.

In avot un mononque Désiré. Cha dot être bin de s'appeler comme cha.

M' mère chétot Victoria ,

mais l'voisne el dijot Victorine ?



Un copain d'armé qui s'applot Aimé .

J'vous dis nin l'fou rire dins l'salle quand ch'maire mariot les éfants d'min père...
fils ou fille de Monsieur Ve....... Roger Fidélius Cornélius..
Chétot les prénons d' min père, heureus'mint que l'premier chétot Roger.

m'grind- mère paternelle s'chétot Léocadie.
Tous chés prénoms sont arvénus, ché comme l'mode des fringues et des sorles," l'eternelle retour."

Te dis cha, mais des Léocadie, i n'd'a quind même nin grammint dins les écoles.

Infin, je cros....

Ouais batisse, ch'est Léo qu'à dit......

Hier au soir cha met arvenu d'un cop pindant l'chorale (pourquo là ? j'in sais rin !), l'prénom d'un tiot cousin à m'grind mère, Fulgence, qu'alle in parlot souvint. C'prénom là i est vraimint quéu dins les obliettes !
J'avos un copain au collèche qui s'appellot Léonce (i étot bieau, j'étos un tiot peu-gramint amoureusse d'li).

Tu cros qu'i se rind compte cha qu'i a râté ch'ti-là?

Ch'étot aussi un mingeux de nouilles?

Bon, à part cha, mi j'ai ouvré avec eune Wilma. Ouais, comme dins les Pierrafeu. Je ne sais nin pourquo mais avec min copain Jeannot (un boyau rouche d'Hénin) in l'appelot des fos in beuglint Ouilma, toudis comme dins les Pierrafeu, alors qu'ichi in Alsace is distent Vilma. Tcheu plaiji qu'in avot avec Jeannot...

In vacinces in a connu eune Esméralda. Pis eune Amandine, dins le même villache. Pis eune marchinde de bonbons qu'in appelot Marie Cacaque et qu'elle avot eune tiête à avoir un prénom autremint qu'ainsi...

In avot aussi eun' marchande d'bonbons qui s'applot Alphoncine.

Su min calndrier belche c'est gramin d'prénoms autremint qu'ainsi

:Eudoxie,Erwin, Astère,Joévin,Chad, demain c'est Guenole

et dins ène paire d'jours Perpétue..
.et Sainte Perpétue ché l'patronne des femmes mariées ché marqué..

eléonore,marjolaine,alfréda,léontine,berthe...

A not confirmation in atindot avec impatience l'momint que l'Evêque prononce in latin l'prénom d'not camarate Alain................................Alanus..

flersois a écrit:

A not confirmation in atindot avec impatience l'momint que l'Evêque prononce in latin l'prénom d'not camarate Alain................................Alanus..

Not évèque de Lille ch'étot Achille, v'là commint qu"ils l'ont représinté d'vint l'cathédrale de Lille..

J'vins d'apprinte la mort d'un Gérard qu'in aimot bin: Gérard Rinaldi

Oh mince! Je l'aimos bin ch'ti-là. Un bon Charlot et un bon acteur aussi. I faijot cha qu'i voulot avec s'voix.

Mi je viens d'apprinte le décès d'eune collègue d'ouvrache. Tata Yoyo (Yolande). Cha faijot plusieurs années qu'elle se battot contre un cancer mais là, elle est partie tout d'un cop.