Cha ch'est eune arcète quanque j'sus pressée ou bien quand j'ai des tiots qui n'veuletent pas trop minger, et là miraque i veuletent

C'est un genre de grosse crèpe :
pour une galette :
l cuillère à soupe de farine
l cuillère à soupe de lait
un peu d'huile
l oeuf entier
faire cuire à la poêle
(les bords de la galette se retournent comme les bords d'une oreille de cochon)
Saupoudrer de cassonnade

Cha ché facile à faire quint in est tout seu, pour ène fos, j'ai tout quo qui faut...

Même Batisse i va pouvoir l'faire sins s'poser d'question
Infin i va pet ête deminder d'que grosseur alle dot ête l'cuillère ou bin l'payelle ou bin quelle ginre d'farine i faut... suspence

Cha m'est déjà arrivé d'faire cheule arcette avec in puq 1 pemme copées in morcieaux qu'in fait légèremint dorer avint d'verser l'pâte.

Citation :

Infin i va pet ête deminder d'que grosseur alle dot ête l'cuillère ou
bin l'payelle ou bin quelle ginre d'farine i faut... suspence

ou bin si ch'est un oeuf d'poule,ou un oeuf d'caille?

Citation :

Cha m'est déjà arrivé d'faire cheule arcette avec in puq 1 pemme copées in morcieaux

bin li i pourrot bin faire cha avec eun' tête d'ail!!!

Citation :

Cha m'est déjà arrivé d'faire cheule arcette avec in puq 1 pemme copées in morcieaux qu'in fait légèremint dorer avint d'verser l'pâte.

J'aimos bin cha avec ène boule d'glace à la vanille sur l'crèpe

J'aros bin su in minger ène aute...ché fin bon...

ch'sus continte qu'cha t'a plu. Quanqu'in a mingé cha in est ...
paf !
Te vos j'ai mis l'arcette et pis hier j'in ai pas fait pour nous, ch'est mi graffe, j'va m'rattraper un aute jour.

j'in ferais samedi, cha changera ed souper,cha et eine pitite salate cha fra l'affaire

j'me disos aussi ch'duc li qui sait bien cuisiner i dot connaite cha !

ej m'in rappelos pus,mais j'in mingeos in etant jeunes chez mes grands mères,ch'est l'occasion d'in refaire

Roger a écrit:

Citation :

Infin i va pet ête deminder d'que grosseur alle dot ête l'cuillère ou
bin l'payelle ou bin quelle ginre d'farine i faut... suspence

ou bin si ch'est un oeuf d'poule,ou un oeuf d'caille?

Citation :

Cha m'est déjà arrivé d'faire cheule arcette avec in puq 1 pemme copées in morcieaux

bin li i pourrot bin faire cha avec eun' tête d'ail!!!

Oh grind chef à pleumes, te ne vas nin t'y mettre aussi tisaute...

Je vas un jour essayer, évintuellemint avec eune tiête d'al (et toc!).

Et pis j'essayerai de l'réussir un tiot peu miux que Flersois. Li a fait eune orelle de poucheau bin arpassée pour être bin plate. Et bin ronte pour eune orelle de pourcheau....

I dot vivre avec sin lapparel à photos à s'main toute l'journée ch't'i là.

Pourvu qu'i n'attrape nin eune gastro un jour....

Ou d'z'hémoroïtes!

Déjà qu'in a déjà eu des portraits de ses pids et de ses mollets...

Citation :

Je vas un jour essayer, évintuellemint avec eune tiête d'al (et toc!).

Cha f'ra ène orèle d'cochon al'al

al est bonne!!

Ch'est vrai que le pourcheau al al, même si que ch'est eune étiquette à la mote, ch'est rare...

Et un pourcheau qu'in noie, ou qu'in étouffe, ch'est un pourcheau cache air? Ch'est cha, j'ai bon?

batisse a écrit:

Ch'est vrai que le pourcheau al al, même si que ch'est eune étiquette à la mote, ch'est rare...

Et t'aimes bin des moules al'al, c'mint qu'te fais pour les dégorger ?

Te voudros bin me pousser dins les décors tisaute hein? Ouais, ben du chuc!

Bon, pour in arvénir aux orelles de pourcheau, je viens d'in faire pour min 4 heures. Cha m'a pris comme eune invie de pichi! D'habitute je ne prinds nin de 4 heures, à moins qu'i aiche de l'crême de caramel au burre salé ou un piège à goulaffe ainsi.

In fait, pour être honnête, cha a mal parti avec l'arcette... j'ai mis comme la clo elle dit, eune cuillère à soupe de farine. J'ai nin fait dins l'dintelle, j'ai mis eune bonne cuillère, bin bombée.

I a eune date limite de consommation chu de l'farine? In tous cas ch'étot de l'vielle.... dins eune boîte in fier!

Après i fallot mettre eune cuillère à soupe de lait. Comme je n'arrive nin à faire des cuillères bombées avec du lait, je m'ai dit que pour équilibrer le volume de farine i faudrot bin 2 cuillères de lait. J'ai mis 2 cuillères de lait... Frais le lait.

Rebelotte avec les oeufs. Pour équilibrer le volume de l'cuillère de farine, j'ai mis 2 oeufs. Frais aussi.

Après, vu que Roger i me l'avot soufflé, j'ai rajouté de l'al. Eune grosse gousse bin écrasée au presse al.

Après un long touillache anéintisseux de grumeaux, j'ai fait cuire.... j'ai attindu que les bords is s'arlèvtent comme elle dit la clo. Et cha ne s'a nin arlévé. Comme je veyos que les bords is prenottent eune couleur annonciatrice de cramache, je me chus linchi dins un artournache, comme in fait avec les couques baques. J'ai essayé à l'volée. Ch'étot nin eune bonne idée mais finalemint le bazar i s'a quind même artrouvé à l'invers.

Et là, surprisse, cha arot eu tindince à s'arléver chu les bords. Cha s'a aussi craquelé du côté qui avot cuit in premi.

Avint que cha ne tourne à l'catastrophe totale j'ai glichi cha dins eune assiette et je m'y ai attaqué.

Eh ben, avec de l'al, je vous le conselle. Ch'est bon. A m'mote incore meilleux que sins.

I m'est d'avis qu'avec des lardons funqués copés bin tiots cha dot nin être mal non pus.

Et peut-être qu'in rajoutint du gruyère râpé cha arot tindince à monter in soufflé...

Mais je ne voudros nin esquinter s'n'arcette à m'copine la clo hein!

Et te minges cha avec de'l castonnade blonde ou brune ?

Et quo qu'te bos, de l'blonde ou de l'brune ?


In a l'drot d'savir non !

Ch'est vrai, j'avoue, j'ai nin mis de chuc. Et comme je ne chus nin un flamind, j'ai nin mis de mayonnaisse non pus.

Et j'ai fait foncer cha avec un tiot reste de rosé...

Et je viens de faire un rot d'al. Cha ne dot nin être particulièremint digeste sin bazar à la clo.

Ene crépe parèlle inroulée, recouverte d'bonne crème bin fraîche et d'fromache rapé, passée au four, cha dot ète à's pourléquer sec non !

Ou bin inreulée avec du chocolat fondu d'dins et des nojettes in morciaux, cha f'rot comme un gâtieau dit roulé.

Ché tout cha bin bon, mais j'préfère minger de l'joue d'pourcheau, j'in fais à'smidi....Mmmmmmm