Grosse Histoire de "Bertrand Cocq"

Sujet: Grosse Histoire de "Bertrand Cocq" Lun 29 Nov 2010 - 16:00

Grosse Histoire

Oh, combien d'entre vous ont tapé d'sus min vinte,
Dijant, tout in riant: « té n'maigris point gramint ! »
Et combien d'comarates ont rigolé d'm'intinte
Réponte : Bin ouais je l'vos, pourtant té sais; j 'minge bien! »

Pasque vous n'savez pas vous chu qu'cha n' n'est d'ête gros!
Enfin, j' n' in vos tout d'même qui n' n'ont eine tite idée.
Aussi j 'vas essayer d'raconter in deux mots
Chu qu' ch'est d'la vie d' quéqu'un, un ptit peu développé.

L'histoire, alle comminche là, juste quand in vient au monte
Quand in est dins sin berche, in train d'chucher sin pouche,
Pus qu'vous vinte i fait d'plis, pus qu'vous figure est ronte,
Et pus qu'in vous troufe bieau, qu'in vous dit des mots douches.

Matante alle dit: « Mon Diu, que belle tite file Edouard! »
Mais qu'alle est bien potelée, qu'alle a des belles babaques !
D'ailleurs, ch 'est l'même matante qui, 25 ans plus tard,
Dira, in parlant d'vous: « ah ouais, j'vos qui, l'grosse vaque! »

Pas' qu'o l'savez, in dit: « ch'est eune belle grosse mémère. »
ln n'dit jamais de ch'jone : « ch'est un bieau jone sécrale »
Et même si i est taillé in boutelle Sylvaner
ln n'dira pas qu'i est bieau, si i est sec comme un râle.

Tout l'temps qu'o z'êtes éfant, in n'vous laiche pas tranquille
Sitôt qu'o n'mingez pas, in s'accourt à ch 'médecin
D'sus l'tartine au beurre, ch'est l'confiture qui guile,
Quand qu'ch'est pas des crapettes, ou un morcieau d'pain d'tiens.

Vas-y min loute, minche, té n'sais pas qui t'mingera.
Prind incore eine tartine pour aller à l'école,
Allez intique, intasse, dins t'n'assiette n'in laiche pas,
Profite va, in n'parle pas core ed' cholestérol.

« Vaut miux les vire comme cha putôt qu 'les vire malates ! »
« Vaut miux aller à ch'marchand, putôt qu'd'aller au médecin.
Tiens min loute, vlà 5 francs, va acater des chucrates
Et pour finir t'sauce, té veux in morcieau d'pain ».

L'jour de s'communion, n'vous étonnez pas,
Si l'tite graine qu'papa i avot mis à maman,
Fait un mètre quatre-vingt, et cauche du 43,
Et avale deux baguettes tout seu, in archinant.

Et pis, in d 'vient jeune homme, in pinse à fréquenter.
ln s'habile à la mote, in cache à mette des djines
Et ch'est là qu'les problèmes comminchent à s'amoutrer
Et qu'in argrette de n'pas avoir la taille fine.

Ch 'marchand dit: té sais, des pantalons min loute,
Je n'n'ai d'toutes les couleurs, j'cros n'n'avoir d'toutes les talles,
Mais in maronne, in n'fait pas core l'taille mammouth,
J'argrette, excuse me, mais mi, faut que j'rimballe.

Quand vient l'heure du mariache, qu'in a enfin trouvé
Eine belle pétite jonne fille qui veut bien quitter s'mère
Eine jonne fille qui veut bien devenir vous moitié,
N'croyez surtout pas ête au bout d'vous misère.

Ch 'bon râgout d'mouton, qu'vous mère faijot si bien
Ch'rassaquage avec ch'bon gros morcieau d'lard,
Vous ptite femme, alle f'ra tout pour l'faire aussi bien
Et vous petit à p'tit vous arsonnerez Babar.

Ch'est alors qu'vous pinserez à vous premier régime
A n'pus minger tant d'beurre à n'pus minger tant d'pain
Vous dites d'main ch'est sûr, j'comminche l'joginne,
Mais in est si bien dins ch'lit, surtout l'diminche matin.

Intre nous j'peux vous l'dire, des régimes, ch 'est du vint.
Tenez comme vous m'veyez, j'n'ai d'jà suivi plus d'dix,
ln f'sant l'compte des kilogs, j'n'ai d'jà perdu 120.
Et in n'est pas core prêt de m'traiter d'grande saucisse.

J'veux lancer un appel à tous chés méguerlots
Tous cheusses qui sont taillés comme des vasinques ingélées,
Tous cheusses qui sont fiers d'eux, tous cheusses qui s'crottent bieaux,
Pas' qu'eusses i passent derrière ch'l'affiche sans l'décoller.

N'vous moquez pas d'chés gros, d'chés forts, chés obèsses,
I a eune affaire sans doute que vous n'avez pas busiée :
Vous qui avez eune carrure d'boite d'allumettes inglaisses,
« Pusqu' eine ginse alle est grosse, puisqu'alle a d'amitié ».

Bertrand Cocq

Sexe : Date d'inscription : 17/12/2009 Messages : 1281 Henin Beaumont

J'ai artreuvé cha dins in livre que j'ai acaté sur ch'bon coin!
j'me suis bin régalé d'avoir lu ch'poème la,eun' pure vérité...
Quand j'pinse que mère avot mis au monde un premier Avril un pichon dix livres!
Chétot mi!!!

Sexe : Date d'inscription : 11/02/2010 Messages : 251 Nimes

Merci Léon (Bertrand) .Et pis Roger, merci à ti d'avoir mis c'poème cha fait du bin et pis d'mau, parce que touchée d'près . Ch'est bieau et tell'mint vrai Crying or Very sad

Sexe : Date d'inscription : 25/12/2009 Messages : 4646 Wimille 62126

.......
...Quand qu' j' étos au villache, min camarate voisin cultivateur avot un sacré cop d' fourchette...J 'li avos dit, "Si vous continuez à minger comme cha vos allez printe du poids, vos allez grossir e si cha continue, vous verrez pus vos pieds" . I m' a répondu...avec justesse: " J' vas quand pas m' laicher avoir misère!".
.........
..... L' homme creuse sa tombe vec sa fourchette!
.....
Merci à Roger d' nous avoir fait connaîte ch' magnifique poème ...félicitation à Bertrand ! ! ! !
Very Happy

Grosse Histoire de "Bertrand Cocq" 880436

Grosse Histoire de "Bertrand Cocq" 563562

Sujet: Re: Grosse Histoire de "Bertrand Cocq" Mar 30 Nov 2010 - 10:33

ah, ouais, cha sint l'vécu cheule histoire.....
min grind père faisot 4 tartes au libouli l'samedi matin, l'diminche soir i n'd'avot pus, in mingeot avec mes parints et mes frères chez mes grinds parints l'diminche : "allez minge, tiote bellotte, profite tint qu't'es jonne, vaut miux faire invie qu'pitié" ! mi aussi j'l'ai intindu tous les diminche..
pis asteur, j'sus rondelette (bon j'avoue les tartes au libouli n'sont pas les seules responsapes Very Happy

)
L'aute jour j'ai fait taire mes copines, talle pot d'chuque, qui dijottent, autour d'un bon arpas intre amis, "ah faut que j'me mette au régime, j'ai 2 kg à perde".. "t'as vu m'maronne alle me boudine" (ah ouais et d'uche ?) et gnagnagna et gnagnagna....
J'leu ai dit que si alles continuottent, j'cangeos d'plache, que j'allos m'assir à côté d'chés hommes, qui parlottent sport-filet d'boeuf-vagances etc (des conversation normales quo !) pace qu'alles comminçottent à m'énerver avec leu 100 g à perde, alles qui n'savottent pas c'que ch'étot d'toudis faire attintion à c'qu'in intique.... l'conversation s'est arrêtée tout d'suite, et j'ai apporté l'dessert... un gâtieau au chocolat et là j'ai ri pace qu'alles in ont pris deux fos.... in aurot dit des cats devint eune jatte d'lait ! Very Happy

Sexe : Date d'inscription : 25/12/2009 Messages : 4646 Wimille 62126

. Vaut mieux faire invie qu'pitiè ! ! ! Vous veyez cha, vous autes, les mâles, juer aux ochelets aveuc un ...........sacazoches ? ? ?
Very Happy

Faut d' es qu'i faut du qu''i faut ! ! !
Grosse Histoire de "Bertrand Cocq" 563562

Sujet: Re: Grosse Histoire de "Bertrand Cocq" Mar 30 Nov 2010 - 23:11

Ouais, mi j'ai d'jà aussi intindu :
- intique intasse, t'occupe pas de chti qui passe
et min Père i disot :
- in dit toudis eun' belle grosse femme mais jamais eun' belle sèque femme.

Bref, ch'texte à Léon ch'est la Vérité vrai.

» Grosse histoire de Bertrand COCQ
» Soyez indinnes! de Bertrand COCQ
» Monsieur XAVIER BERTRAND
» Bertrand et Gérard tout seul à deux.....
» Orèles d'cochon (sorte ed grosse crèpe)

Grosse Histoire de "Bertrand Cocq"

Grosse Histoire de "Bertrand Cocq"

Sujets similaires

Sujets similaires