Armarque, demain je ne sais nin cha que je minge.

J'ai acaté des choumettes, mais cha ne va nin bin avec des moules énon?

Quo qu'ch'est des "choumettes",?

J'vas bintôt avoir des invités, j'vas essayer d'faire l'gâtiau d'La clo,mais pas avant 15 jours; J'vous direz quoi!

min nain a écrit:

Quo qu'ch'est des "choumettes",?

Acoute à t'n'orelle pac'qu'in l'a d'jà dit.... des "choumettes" ch'est des "p'tits choux" des choux-d'bruxelles quo.

Citation :

J'ai acaté des choumettes,

Bin vraimint!! j'in ai mingé avint hier!
des frais,avec eun' saucisse,et hier midi chétot du chou rouge,mais ch'est nin core l'bon momint,faut attinte d'avoir eu eun' gélée,ch'est meilleux....
Pour chés moules, j't'ais fait eun' rude chair...

Roger a écrit:

Pour chés moules, j't'ais fait eun' rude chair...

Gnagnagna...

Bon, finalemint, à l'plache de moules, j'ai acaté un lapin. Is nous les jetottent à l'figure: 5,95 roros le kilo, made in Alsace.

Cha va cha avec des choumettes?

Booof ! quemint au secours !
ch'est marqué pis espliqué

Eplucher les pommes enlever le coeur et les pépins
les placer dans un plat beurré allant au four

Verser la pâte autour des pommes
Remplir l'intérieur des pommes avec une noix de beurre

ches pommes INTIERES et l'pâte autour

autremint dit te minges des pommes au four avec un gâtieau in même temps

valà l'histoire !

Ouais, ch'est comme cha que j'avos compris au début, mais après j'ai réfléchi. Si si, ch'est possipe....

Min problème, tiote, ch'est le burre qu'in incrique dins le trou des pommes. In rin de timps i va être fondu et i va courir au fond du plat énon? Plat d'ailleurs déjà burré...

Alors, à quo que cha sert de mettre du burre là dins le trou?

Allez, in espérint que cha ne te gâchera nin tin ouaiquenne estival, je te fais eune grosse baisse.

Bon, cha dit, i a eune séquo qui ne chingera probablemint jamais: l'dérife.

In partint d'un gâtieau aux pommes, in a vite arrivé à des moules marinières...

batisse a écrit:

Ouais, ch'est comme cha que j'avos compris au début, mais après j'ai réfléchi. Si si, ch'est possipe....

Min problème, tiote, ch'est le burre qu'in incrique dins le trou des pommes. In rin de timps i va être fondu et i va courir au fond du plat énon? .

Pour éviter cha j'mettro bin ène goutte de calvados à'l plache du burre, cha s'ro aussi bon

Cha ch'est eune idée qu'elle est bonne!

In arconnot le fin gourmet.

Eune goutte te dis? Ch'est nin grammint cha... Ch'est vrai que dins un four à gaz, cha risquerot de péter. Du même cop cha ferot de l'compote.

Incore que... dins m'jonesse tchand que m'mère - ou mi - in faijot du pudding (du pain de quien comme is distent les boyaux rouches) i passot bin un demi litre de rhum dins l'mélinche et cha n'a jamais pété. Pourtint m'mère elle avot un four à gaz. Mi j'ai eu longtimps un four à bos...

Pis, hein, flersois, le calva ch'est meilleux que le burre pour éviter le cholestérol. Je ne tiens nin à attraper un cactus dins min biocarde alors le cholestérol je m'in déméfie.

Des fos...

Le fin du fin, cha serot un bouchon (de pâte?) au fond du trou, eune rincette de calva, et un bouchon (de pâte aussi?) par au-dessur...

Hmmmm la clo, t'n'arcette elle a archu eune tiote artouche masculine qui ne devrot nin li faire de tort. Quo que t'in pinses?

J'sus dins l'pays du calva in ch'momint, voilà pourquo j'ai eu c't'idée, j'vas incore in boire ène goutte à vot santé à tertous...

Mi ch'est fait. Un tiot vierre ch't'au soir. Un hasard parce que ch'est nin souvint... Je seros plutôt bière ou vin rouche.

In fait, pindint mes livraisons j'acate des fos du calva chez des producteurs chez qui je livre. J'aime bin ch'ti du secteur de Domfront parce qu'i a un tiot peu de poire dedins.

Infin, ch'est cha qu'in me dit, parce que je ne chus nin un si fin biec que cha et que le goût de poire.... i est archi discret pour m'guiffe!

T'y a été in mobylette in Normindie?

batisse a écrit:

T'y a été in mobylette in Normindie?

Eh non,et j'argrette bin...

Je pinse bin, avec le timps qu'i fait...

M'infin bon, je ne sais nin pour combien de timps que t'y es mais à partir du mitan de l'semaine, i devrot arcomminchi à faire du timps normal.

In va bétôt armettre des snips turbo éleuctriques pour faire de l'mobylette...

batisse a écrit:

Je pinse bin, avec le timps qu'i fait...

M'infin bon, je ne sais nin pour combien de timps que t'y es mais à partir du mitan de l'semaine, i devrot arcomminchi à faire du timps normal.

In va bétôt armettre des snips turbo éleuctriques pour faire de l'mobylette...

Je n'dai vu et surtout intindu des milliers de motos aujourd'hui,et dire qu'in Gelbique depuis le premier septempe in est obligés d'mette des gands, des hautes bottines et des longues manches pour rouler. Tcheu brin quand i fait si caud...

Tout cha ch' est pas pour immerder l' ovrier, cha dot ète pour l' protéger quand qu'i ramasse eune bonne gamelle .

.

ben valà inne idée quale est bonne
inne tiote goutte - même deux ou trois - ed goutte cha peut pas faire d'mau à l'arcette.

j'traine pas j'min va à inne inauguration et à inne présentation d'nouvelles constructions d'logemints sociaux qu'in dit.

Bonne journée tertous.

J'ai ramassé gramin d'pommes , dins m'n'auto avec l'caleur, l'odeur de pommes elle va surmint rester longtimps...

Y a des fos, jé m'demande si tin laisse placer une aux autes , Batisse. I t'arrife ed respirer quequ'fos?????

Pour arvénir à nos moutons, tin lapin, in l'minche pas aveuc des mouchettes, oh! pardon des choumettes mais aveuc des frites et d'el salate! et là, c'est le paradis!
J'viens de m'rente compte que j'ai pas encore lu la page 3

Qué brun pour comprinte ichi !
in passe des caneçons turbo eleuctriques aux rhabillures des motards belches , in faijant un détour par l'ceuillettes des pommes dins l'carette à Flersois et vlà ach t'heure main nain qui nous parle des choumettes et du lapin aveuc des frites.
J'ai beau gratter à m'tiête que tous mes caveux y tchettent... j'comprind pos.

mérilou vache pas àcomprinte,t'es vaavoir in maux ed crane..

pas vache,cache pas

Mérilou a écrit:

Qué brun pour comprinte ichi !
in passe des caneçons turbo eleuctriques aux rhabillures des motards belches , in faijant un détour par l'ceuillettes des pommes dins l'carette à Flersois et vlà ach t'heure main nain qui nous parle des choumettes et du lapin aveuc des frites.
J'ai beau gratter à m'tiête que tous mes caveux y tchettent... j'comprind pos.

Quoque qu'té veux mérilou i a des incorrigipes ichi qui dins eune arcette d'dessert vienn'tent parler d'moules, choumettes (chimettes comme in dit chez mi) pis la d'sus i a un lapin qui vient minger les pemmes que la clo alle avot mises dins sin gâtieau, i n'd'a même qui in profitent pou s'boire eune tiote goutte in muchette, sous prétexte d'in rejeuter dins l'treu des pemmes...
c'sujet chi in dirot eune arcette d'cuisine moléculaire (cha existe cha mes gins, sis, si) ch'est aussi compliqué..
Pourtant la clo avot mis eune arcette qui étot simpe.... au départ

pou ceusses n'ayant pas tout suivi faut tout arprinde d'pis l'première pache, là in in est à l'trosième.... et ch'est pet ête pas fini...

Ben non, parce qu'in ne sait toudis nin commint que cha se sert et minge ch'gâtieau-là: ch'est eune espèce de pâte à gros trous, avec des pommes dins les trous.

Commint que te veux servir cha in restint propre?

Incore in bazar à minger dins le plat tchand qu'i n'a personne qui arwette.