Ch'est l'saison des pommes fot in profiter
Pour 6 personnes

6 pommes reinettes
4 oeufs
125 g de farine
75 g sucre en poudre
10 cl de lait
50 g de beurre
1 pincée de sel

Eplucher les pommes enlever le coeur et les pépins
les placer dans un plat beurré allant au four
Mélanger les jaunes d'oeufs et le sucre jusqu'à ce que
le mélange blanchisse.
Verser doucement la farine puis la pincée de sel et le lait.
Ajouter délicatement les blancs montés en neige.
Verser la pâte autour des pommes
Remplir l'intérieur des pommes avec une noix de beurre

Cuire à four chaud th 6 - 40 à 45 mn -

In peut rajouter pour ches gourmands un tiot peu
d'confiture par d'sus ches pommes
mi j'rajoute de l'castonade.

Justemint, ya m'fille qui nous as ram'né des pommes de s'n'ape!
Eun' recette que j'vas faire vir à m'fimme...

Donc té pommes alle restent intière dins l'plat et té mets t'pâte autour d'eusses....

Si j'ai bin compris....

Mi j'ai rin dit parce qu'in dit toudis que je dis...

Mais j'ai compris comme ti Lili: in met de l'pâte dins les espaces qu'i a intre les pommes.

L'recette elle n'explique nin commint que cha se minge. A m'mote que ch'est pour deux repas: au premi in minge les pommes intières cuites et au deuxième in minge l'pâte qu'i avot alintour.

Infin, bon, je serre m'guiffe....

Mi jé pon bin compris non pu...

Est-ce qu'in dot couper ché pommes in morciaux ou les laisser in intier avant d'mette l'pâte au d'zeur ?

Pétète que j'sus babache....

Besoin d'éclairchichemint....

A bétôt.....

faut couper ches pommes,ch'est comme eine tarte aux pommes!!

Ch'est nin écrit de les coper, donc les pommes elles sont intières, avec foque eune quéminée dins le mitan, là d'ùche qu'i avot les pépins et les machins alintour, qu'in appelle le tchoeur, ou le trognon si qu'in a mingé tout cha qu'i a alintour.

Bon, à l'limite, à m'mote qu'in pourrot les coper in deux pour les vuder, si qu'in n'a nin le machin exprès pour faire eune quéminée dins le mitan. Mais avec des demi pommes, ch'est l'version arcette de paufes qui vont jamais à l'foire de Lille pour acater des bubuses de cuisine qui ne servtent pratiquemint jamais...

Bon, ch'est nin pour dire, mais pour incriquer eune noix de burre dins le trou, i faut pousser avec sin tiot dogt ou avec un dogt d'afant. Ou alors i faut eune poque à andoule et ramoller un tiot peu le burre avint. Bonjour l'vaisselle grasse...
De toutes manières, eune fos dins sin trou et le trou dins le four, le burre i dot fonte vite fait et s'artrouver dins l'pâte. Ou alors... l'bonne version cha serot l'version du paufe - comme le café, te connos cha Lili? - qu'in pose les demi pommes chu lu partie arondie et qu'in incrique le burre dins l'cuvette qui a au-dessur. Là le burre i peut fonte à s'guisse. Comme dins les caracoles. Mais sins persil ni al.

La Clo, au secours!

In tous cas, in ch'qui concerne l'pâte, ch'est écrit qu'i faut la verser AUTOUR des pommes, nin au-dessur. Je ne vos nin commint que te peux comprinte qu'i faut l'verser chu les pommes.

Si que ch'est des pommes copées in deux avec l'arondi in bas, mettre l'pâte alintour des pommes cha arvient à faire un gâtieau gruyère.

La Clo, r'au secours!

ch'duc a écrit:

faut couper ches pommes,ch'est comme eine tarte aux pommes!!

Cha, cha m'étonnerot. Commint que te veux rimplir l'intérieur avec eune noix de burre alors?

Ch'est incore eune arcette de guernoule, d'ùche qu'au final in fait comme in veut du momint que cha a le goût de pomme.

Sacrées guernoules!

Des reinettes ché aussi des guernoules

Cha s'épluche?

Batisse ej t'armercie gramint aveuc l'explication que j'ai du mal à comprinte quand meume.

Ej vais essayer ed vire si ej peux décafoter tout cha!

A dé!

Ej m'arposse!

Mi j'comprinds que les pemmes alles sont copées in deux (comme i dit Batisse), pis les pemmes reinettes ch'est pas des grosses pemmes, alors i reste assez d'plache dins l'tourtière ou l'moule à gâtieau pou verser l'pâte alintour.... i a que 6 pemmes dins l'arcette.

Tiens cha m'fait pinser à l'comptine : "pomme de reinette et pomme d'api, tapis, tapis rouge, pomme de reinette et pomme d'api, tapis, tapis gris", j'vas l'canter à mes tiots t'à'l'heure

I a des grosses reinettes. Toute m'jonesse j'ai vu des pommes reinette énormes. Mais acides quind même...

Bon, à part cha m'journée elle s'illumine: i a au moins eune guernoule - et eune habituée des arcettes de cuisine - qu'elle n'est nin surte de quo qu'i faut faire in lijint l'arcette d'eune autre guernoule, elle aussi fine cordon bleu espécialisse des arcettes.

Ichi je vos arriver gros comme un caméon l'excusse à deux balles: ch'est arcopié d'un life écrit par un homme.

Ben heureusemint qu'is sont là les hommes pour l'invintivité. Un des meilleux eximples ch'est ch'duc. Li i trinsforme aussi sec in copint les pommes in rondelles et in fainint eune espèce de clafoutis.

Parel pour l'tourte au saumon: i l'fait avec du gambon à couenne, avec du lard funqué et des poreaux.

Te fais eune sacrée équipe tisaute tertous!

Ouais in est des créatifs nosautes tertous, des ARTISTES...

in fait ce qu'onss peut avec à rien et pas cher

I n' da qu'is font des gatieaux aux guernoules ? ? ?

.

tiote bellotte a écrit:

Ouais in est des créatifs nosautes tertous, des ARTISTES...

Eh l'artisse, elle est collée au plat l'dinde?

Un homme i fait cha, tout i est par tierre et i se fait in prime ingueuler par bobonne

...Et i li répondra:" Si t' es pas continte fais le ti-même ! ! "

......et Toc ! ! !

In peut aussi faire des cuiches ed garnoules à l'ail.

Mais là cha sint l'ail ! Des cuiches ed garnoules qui sintent l'ail ! Enfin ché comme des moules à l'ail ! y paraitrot que ché bon ! Mi j'ai querre des moules marinières !

Les goûts ed tertous !

Ej vais faire un tour ed digue ! i fait trop biau ichi !

Té connos les moules provencales, à l' tomate ?

Citation :

Mi j'ai querre des moules marinières !

Ch'est ce que j'minge ce soir!!!
j'pins'rais à ti pépé ainsi qu'à Batisse!

Té vas minger des moules ou des fesses d' guernoules ?

Pinse à mi in mingint tes moules, t'as bin raison... Mi je vas me continter de béféler, vaurin!

batisse a écrit:

Pinse à mi in mingint tes moules, t'as bin raison... Mi je vas me continter de béféler, vaurin!

J'm'attindos à ch'que te dises que t'en avais acatés et que t'in mingeros comme li et in mime timps qu'li !

In est loin du gâtiau aux pommes !

Armarque, demain je ne sais nin cha que je minge.

J'ai acaté des choumettes, mais cha ne va nin bin avec des moules énon?