Pis ch'est pas tout, deux mariées, des pirates, un chevalier et des clowns...
Rassurez vos mes gins, j'ai rin funqué d'illicite (d'ailleurs j'finque pas) ni mingé des champignons allo-ici-gègènes et incore moins bu !
Non cheule après midi ch'est carnaval à l'école.
Min diu qu'is étottent fiers tout chés tiots, les apparels photos crépitottent d'partout... mi j'ai pas pus rester pace que j'ai deux tiotes qui font l'sieste mais à 16 h 30 j'monte min apparel pace qu'i faut que j'fasse des photos pou les mamans, pis j'ai déjà des commandes : "dis tu m'prendras en photo avec ma copine ?" "moi aussi, moi aussi !".... in est pas rintré ! surtout qu'i a des crêpes, gâtieaux et gaufes faits par chés parints d'élèfes pou l'goûter...
J'vas aussi déguiser les deux tiotes siesteuses pou 16 h 30...
Youpi ! ch'est la fiête....

té vas t'déguiser aussi tiote?

ouais ouais ouais....
d'vinez in quo ?

in tiote bellotte????

in indien? ou in garnoulle?

ni l'un, ni l'aute, pis in guernoulle pou pousser l'poussette cha s'rot pas pratique (et l'tiête des gins ! j'vos raconte pas !)
Ch'est des cops à faire peur à chés gosses, eune guernoulle géante !
non non, mi déguisemint étot très sobre, discret et d'saison..
J'vos laisse cacher cor un tiot peu, j'm'in va faire de l'aide infreumatique chez eune copine, qui comprind pas commint in fait un compte supplémentaire dins l'messagerie, classer sin fichier d'noms de chés contacts et mette un peu d'ordre dins sin fichier photos, que ch'est un vrai capharnaüm, eune vaque n'y artrouvrot pas sin veau !

t'étos déguisée in bouquet' d'feurs....

in marguerite? in tulipe?in gardinier avec un capiau d'palle?

in maguette?

ben Camanette et Roger vos êtes fortiches
Nounours, in maguette !! pouquo pas in baudet, pindant qu't'y es !

alors comme j'vos ai dit, ch'étot très sobre, j'voulos pas trop m'faire armarquer pace que des adultes déguisés y n'd'avot pas gramint (les gins quind is t'rincontrent is disent tertous : on voulot l'faire mais in a pas osé, mi j'dis que si in fait pas c'qu'in a invie à 50 ans in l'f'ra pus jamais, pis tint qu'ch'est raisonnape...)

tiote belotte ,ch'est tin capieau ed paille ,que t'avos aquaté à malo avec lyly,y manque eul mouette !!

ouais j'ai du l'inlever, alle voulot minger les fleurs !

dommache que chéto pas un abat jour les gins i z'aurotent bien rit,et nous z'autes aussi

bin j'y pinserai pou l'in prochain... faut dire j'sus eune leumière, toudis au courant et toudis branchée ! (pis modeste in pus)

Citation :

aut dire j'sus eune leumière, toudis au courant et toudis branchée ! (pis modeste in pus)

j' a d o r e !!

cha ch'est du tac au tac!!!

attention d' ne pas t' faire électrocuter