Ben vlà, tout est dins le titre!

Cha s'est passé cheule nuit. Ch'est eune tiote Zoé de 52 cm et un peu plus de 3.7kg. Tertous i est bénache.

Sur ce, batisse i va fiinir de se préparer et i va monter chu s'mobylette pour aller li faire eune grosse baisse et li offrir un nounours, in région parigote.

A plus!

Les boueux vont être déçus, is n'auront nin mes poubelles demain au matin...

Bon, ben les boueux is sont sauvés par un rindez-vous chez le docteur demain au matin...

In attindint, j'ai le timps de ringer un tiot peu min bouvaque et de m'organiser plus calmemint.

Et de mettre mes poubelles....

7 fos...

Félicitations au Parints Binv'nue à l'tiote et Bravo au Pépé ,hier mi j'étos ma tante pour l'septième fos . 1 fos 2 fos ...7 fos ch'est toudis magique

félicitations aux parints et grands-parints.
mi ej queminche à m'impatienter.
ej pour la si j' vit cor cha va dantesque.eune méga teuf comme in a jamais vue.

bievenue à zoé et felicitations a ches parints et a ch' grand père

Félicitations au grand'père, et fais bin attintion à ti sur l'route...

J'm'imagine ch'Batisse avec s'tenue d'motard avec ch'tio dins ses bras....

flersois a écrit:

J'm'imagine ch'Batisse avec s'tenue d'motard avec ch'tio dins ses bras....

Les tiots is aimtent bin faire un tiot tour in mobylette dins le gardin avec lu grind père. In n'a nin l'plache d'aller vite mais is sont contints quind même. In roule tout partout, surtout dins l'herpe, in faijint du slalom intre les arpes.

L'première fos is y vont à reculons, mais après is ne veultent pus deschinte

batisse , pourquoi t'a quadrillé et tete??

ch'duc a écrit:

batisse , pourquoi t'a quadrillé et tete??

J'sais pos mais j'ai bin ène p'tite idée...

Pour vife heureux vivons quadrillé.

7 fos grand père!Batisse
félicitations à chés parints,ainsi qu'au grand père
té féras eun' grosse baisse à l'tiote Zoé de m'part et d'Jacqueline...
Commint qui t'appelle tes tiots éfants! Papy, grind père,pépère?

Je t'in foutros du pépère!

ch'duc a écrit:

batisse , pourquoi t'a quadrillé et tete??

Ch'est un photographe de canal+ qui a pris l'photo.

Non, in fait ch'est parce que je chus timite... Personne ne veut le croire, mais ch'est vrai que je chus timite.

Cha va pas tiote bellotte, t'photo n'est pas là..

Je resterai pour toudis un éternel incompris....

In un seul mot!

t'as eune belle mobylette , batisse !!!

Ch'est bien alexia: in ne te vot nin souvint mais tchand que te viens ch'est pour dire des séquos sinsées

Ch'est vrai que ch'est eune bielle mob. Ch'est nin eune jonesse, vu qu'elle a 16 ins. Comme quo l'âge cha dépind de commint in le porte. Depuis que je l'ai - juillet 2009 - sin compteur i augminte de 30 000 km par in. Ch'est dire si qu'elle va bin....

Bon, chu l'photo in ne vot nin que l'peinture elle a déjà bin souffert. Mais je l'ai acatée comme cha. Les seules séquos de mi au sujet de l'peinture, ch'est les traces d'insectes explosés chu le carénage et laissées là tellemint longtimps que cha a bouffé le brillint.

Et eune tiote finte chu eune sacoche...

Te roules aussi in moto?

et su t'selle?

Bienvenue à Zoé, pauff tiote , in cminche à li souhaiter bienvenue tins s'jonne vie et pis tut d'sute in parle de l'motobylette du pépère, des mouques crevées qui mingent l'brillint de l'calandre et même de l'fente su l'sacoche! cha ch'est des jeux...

In tous les cas, je n'vins pas tous les jours chu l'forum mais j'sus fin bénaiche d'artrouver tertous ichi et pis j'sus cor grind matante.

In vieusit.. nos visses mamatantes elle piquottent, j'espère que Zoé elle viendra ichi aveuc ses 2 soeurs sins faire des mnoules et nin en cantant comme Perret'' Nin nin nin j'irai nin chez ma tante, ch'est nin bieau et cha sint l'pipi d'cat... elle boit du tilleul menthe etc etc ( ch'étot l'quart d'heure culturel)

Elle est rance comme un biscuit de soldat.

Cha se voit bin qu'elle est moche, elle arsonne à papa, elle filerait la chocotte à Dracula.

Elle est magnifique cheule canchon.

Et à la fin i cause et i "ah cha non, j'irai nin chez la vioque... l'dernière fos elle m'a filé eune avoine juste parce que j'avos fait un trou din ses varices. Un tiot trou de rin du tout, avec eune toute tiote aidjule. Rin que pour cha cha a été ma fiête..."

J'aime beaucoup Pierre Perret. Sauf quand il se croit malin a faire dans le vulgaire.
Armarquez, si qu'i a un marché, i arot tort de se priver...

In tous les cas, je chus fin bénache d'artrouver Mérilou ichi-dessur.