Zeph, d'pus qui avot s' pinsion, i s' immerdot pindint les courts jours, quand qui faijot pas d' gardin. Pour passer sin temps, i suivot.
.....les interr'mints..... In s' distrait comm in peut.
. C' jour la, i avot un monte fou derrière l' corbillard..... Pour "ète bin plaché", i s' plache jusse derière, et, comme ch' est un bavard i intame l' conversation aveuc ch' t' homme qui étot à côté d'li.
. " Dis, biloute, ch' est quéqu'un de t' famile qu'in interre aujord'hui ?
. - Ouais, ch' est m' belle mère.
. - Ah ! ....Alle étot vièle ?
. - Nan, pas tell'mint, 62 ans.
. - Ouais té l' as dit, alle n' étot pas vièle...... Alle étot malate ?
. - Nan, alle est rintée dins l' majon sans prév'nir .....mes deux picbulles is z'ont sauté s' sure, et l' ont dévorée.
. - Ch' est terripe, alle a souffert ?
. - Pour cha nan, cha n' a pas traîné, alle n' a pas eu l' temps d' vire clair..."
. Zeph, i busit un momint et i arprind l' conversation.
. " Dis, biloute, tes picbulles, té pourros pas .....m" les prèter un momint ? ? Pasque l' mienne d' belle mère....
. - Bin si, té vas derrière, et fais la queue aveuc les zautes! ! ! !
.

PépéPéBé

(\__/)
(='.'=)
(")_(")

inne fille ed 18 ans elle rinte ed l'école pi elle dit à sin pére :
Papa esse su incinte !!!

Sin pére qui dit ...Ché pas possip cha et dis me qui ché l'pére ?

La elle i dit ....Dis donc quand té minche inne boite ed fayots té sé ch'ti quit fait péter Ti ???

ché cafougnette qui r'vient ed l'intermint, et y rinconte sin camarate!!-tiens ?? cafougnette cha va? tin fait eun ed'tête quo q'ché qui t'arrife??-min parle pas j'arviens ed'l'intermint de mad'leine!!-ah bon ,et quo qelle avait???-ohh pas grand cosse, ....eun'tape ; des cayelles , et qelques foufes !!

Nénesse viens ichi ! ! ! Viens ichi tout t'suite ! ! !
I n'avot' point l'air contin l'Zeph ! ! !
- Ouais p'pa !
-Nénesse, quess que ch'est que ch'travale ! J'viens d'trouver tin carnet d'notes scolaires su tin bureau ? Mais qu'est c'qui ch'passe ?
- Mais pap..
- Tais teu quin j'parle ! ! ! Malpoli, zéro in orthographe ! !
- Papa ch .
- Tais teu quin j'te parle?..Mais qu'est c'qui s'passe ? ? Deux in calcul ! ! ! zéro in histoire ! ! ! Zéro in géographie, mais qu'est c'qui s'passe? Té fais eune collection d'zéros ? ?
- Pap..
- Tais-te quin j'te parle ! ! ! Deux in rédaction : Un point pour l'encre un point pour l'papier!! Bravo! ! !
- Papa ch'est..
- Tais teu j'té dis .. Té pal'ras quin qu'j'arai fini ! Malpoli !! J'continue ! ! J'lis : N'apprends pas ses leçons ! Fait l'imbécile en classe ! ! ! Se prend pour la malice incarnée. Court plus souvent après les filles qu'après l'relais au terrain de sport ! Mais qu'est c'qui s'passe ? ? ?... T 'as invie eu'd faire mourir eut'mère?? Ou quoi ?
-Et la?, et la?alors, ? la ? , ch'est l'cerisse sur eul Macdo :
"Va être renvoyé de l'école s'il continue de montrer la partie la plus charnue de son anatomie pour faire rigoler toute la classe pendant les cours d'éducation sexuelle! "
- Mais qu'est c'qui spasse ? ? Qu'est c'que ch'est, mais qu'est c'que ch'est que ch'travale ???? Té peux m'espliquer Qu'est c'que t'as à réponte à cha ? Hein ? T'as invie d'eul faire mourir eut' paufe mèr' ?

- Papa ! ! Té m'laiches pas parler, ch'est pas l'mien d'carnet d'notes, ch'est l'tien qu'j'ai rtrouvé hier, in ringeant l'gernier, avec maman ....

"Loconno, zéro, a copié d' sur sin voisin...
...................sans rancune bin sur, j' rigole ! ! ! pépéPéBé

) A l’hôpital Ste Barpe

. L’Zeph i étot malate.

. Zulma al i avot pris s’fièfe aveu ch’baromète . Pour el mete ch’a core été , pour el’l’artirer pus moyen, i étot resté bloqué.. In a du l’immener à l’hôpital pou l’opèrer.
. Deux heures après l’opèration, Zeph s’révèle. I étot dins inne grante champe du qui avot déjà deux autes gaziers.
. « Alorse biloute, té réveillé ? Cha va ? ? Qui li dit l’un deux.
- - Ouais, cha va et vous z’ autes, i a longtimps qu’vous ètes ichi ? ?
- - Ouais, mi, cha fait trois mos qu’ej'’ sus la . In a du m’opérer deux fos, l’première fo, l’docteur i avot oublié des tiots cisiaux dins min vinte ! ! ! alorse , in a du m’opèrer inne deuxième fos .
. - Ah bon ! ch’est comme cha qu’cha spasse ichi ? ?
- - Ouais qui li répond l’deuxième, mi, in m’a opéré tros fos, l’ deuxième fos pasque ch’docteur ’i avot oubliè in pansment dins m’panche, l’ troisième fos pasqu’i’ avot oublié inne tiote béquette dins min vinte ! ! ! J’ai été opéré tros fos !! Tros fos ! ! Té t’rinds compte, ! Acht’heure ej'’ comminche à m’inquièter sérieus’mint ! ! ! »
- ………….El porte al s’oufe, el’chirurgien passe es tiète :
- « Pardon messieurs, excusez moi de venir vous déranger. Quelqu’un aurait-il vu mon parapluie par hasard ? »

- (\__/)
. (='.'=) « Té sur equ’té n’as pas avalé un ti ? ? Par el mauvais coté ? ? «
. (")_(")

pépéPéBé a écrit:

"Loconno, zéro, a copié d' sur sin voisin...
...................sans rancune bin sur, j' rigole ! ! ! pépéPéBé

Y'a pas misère mais j'la dit del debut qué zavo archu comme cha !! ahahah

Bonjour Laconno.
Mi ch' est parèle, j' invente pas mes histoire mais j' modifie chelles que j' intinds pour que les dialoques seuchent parèles à cheux qu'arotent eu les personnaches d' mes histoites.. J' ai comminché vers 2005 et j' les ai mites dins un dossier. J' in ai plus d' 150.....
Comme dijot Henri, "Faut wigoler"