| dins tros jours m'n'homme y'est pinsionné | |
|
Auteur | Message |
---|
Mérilou
Sexe : Date d'inscription : 12/01/2010 Messages : 737 Touraine
| Sujet: dins tros jours m'n'homme y'est pinsionné Lun 13 Déc 2010 - 16:14 | |
|
Y'est parti au matin aveuc eune prope quemiche In foufelle d'artouver ses cliints ses remisses et s'carette d'VRP rimplie tout plein d' papis des borderaux d'comintes et pis des offres ed prix ed tous ses fournisseurs qui li donnent à oeuvrer Dins tros jours m'n'homme y sera pinsionné
y va garer s'carette , désserrer es cravatte ringer ses bieaux sorlets et mette ses vieles savattes jeter ses viux papis dins l'fu de l'cheminée et rintrer tut duchemint dins eune vie d'artraité
Y va pincher à li et printe el timps ed viff Acouter de l'musique et pis ouvrir des liffes Réparer l'visse carette, S'occuper du gardin Armette drot el majon et pourmener sin quien réparer el nochère, inviter des amis ringer les visses photos: hé bé qu'in a vieusi!
Y'attindot c'momint là depis djà fort lomin Mais cha li fait tout drôle d'ête au bout de l'quemin de s'vie professionnelle, d'avoir fini s'n'ouvrache de passer à aut cosse, vlà, cha y est: ch'est d'sin âche
Hier in courte maronne, aux billes, y juot cor dins l'cour de s'visse école aveuc ses camarates y'a nin vu passer l'timps et y se sint cor fort mais pourtint de s'ouvrache des fos y se sint mate
J'sus surte que dins queque timps y' sera fort bénaiche d'arrêter sin réveil et d'rester bin au caut les matins d'û qui a l'pleuff et parfos même d'el neiche et d'ramener pour sin fu eune pleine berwouette ed bos
Quand in ravisse les gins qui sont djà pinsionnés In s'dit qui z'ont de l'chance, qui n'doiftent nin bertonner Y z'ont cor plein d'projets, ed fiêtes et de voyaches Et qu'in vrai ch'est dins l't'choeur qu'in peut compter sin âche
Y'est parti au matin aveuc eune prope quemiche In foufelle d'artouver ses cliints ses remisses et s'carette d'VRP rimplie tout plein d' papis des borderaux d'comintes et pis des offres ed prix ed tous ses fournisseurs qui li donnent à oeuvrer Dins tros jours m'n'homme y sera pinsionné |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: dins tros jours m'n'homme y'est pinsionné Lun 13 Déc 2010 - 16:22 | |
|
T'as vraimint du talint. Bravo Mérilou. Ch'est superbe. |
|
| |
Matante
Sexe : Date d'inscription : 28/12/2009 Messages : 781 au Nord
| Sujet: Re: dins tros jours m'n'homme y'est pinsionné Lun 13 Déc 2010 - 17:27 | |
|
T'es in forme in dirot ti !!!!! Mi ch'est d'main à 9 h que j'rincontre min directeur, convoquée par lette arcommindée pour préparer m'date d'ête pinsionnée. |
|
| |
Mérilou
Sexe : Date d'inscription : 12/01/2010 Messages : 737 Touraine
| Sujet: Re: dins tros jours m'n'homme y'est pinsionné Lun 13 Déc 2010 - 17:38 | |
|
Ben te vos, tout y arriffe! j'va t'faire eune bielle poésie rin que pour ti. Si cha vient du tcheur, cha sort tut tut |
|
| |
la clo
Sexe : Date d'inscription : 25/12/2009 Messages : 647 Brive la Gaillarde
| Sujet: Re: dins tros jours m'n'homme y'est pinsionné Lun 13 Déc 2010 - 17:46 | |
|
Ben cha ch'est terminer l'année in beauté. I va n'avoir des arrosaches, intre ches pots d'départ à l'artraite avec ches fêtes qui arrivetent. Pis bienvenue au club ! I va prinde sin temps pour faire tout c'qu'in peut pas faire in travaillant. |
|
| |
André
Sexe : Date d'inscription : 23/12/2009 Messages : 71 à 2 incâblures de ch'Mont St Michel
| Sujet: Re: dins tros jours m'n'homme y'est pinsionné Lun 13 Déc 2010 - 18:19 | |
|
Si cha vient du tcheur, cha sort tut tut dis tu... Dins tin poême tout est vrai... Pis, au début, d'attaque In est là tout arv'leux Prêt à ar'faire el' mond'. In ar'f'rot bien l'baraque, Tout contint, bienheureux, De n'pu raviser s'montre Pis, les années passant, Allant à hue à dia, Prénant ses aises toudis, In s'dit "J'in fais pu tant!" Pinsant que ch'l'agenda Des fos y'est trop rimpli Bin, ch'est nin toudis vrai, Y n'est nin si querqué, Y'a pu d'blanc qu'y paraît. Seulmint in prind sin temps, In a moins b'soin d'saquer In n'est pu si vaillant... Mi, v'là m'moralité, Faut aligner chés ans Sans trop d'questions s'poser, Sans jamais s'intêter, Faire que cha dure longtemps, Et bien sûr s'arposer
|
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: dins tros jours m'n'homme y'est pinsionné Lun 13 Déc 2010 - 18:42 | |
|
Coïnchidinche, j'ai archu ch't'au matin un émile d'eune tiote cousine qui m'invoyot un résumé de l'vie de pinsionné.
Ch'est eune guernoule qui, au matin, deminte à sin bonhomme pinsionné quo qu'i va faire de s'journée.
"Rin" qu'i li répond.
Sur quo elle inchaîne "T'as déjà rin fait hier..."
"Ouais, eh ben j'ai nin fini!"
Je trouve cha magnifique. |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: dins tros jours m'n'homme y'est pinsionné Lun 13 Déc 2010 - 22:18 | |
|
Bravo Mérilou ! t'as été bin inspirée J'te passe comminde pou min homme dins.... 4 ins, té vos t'as l'timps d'busier... Pou mi t'as incor pus l'timps d'préparer quette cosse aux tiots oignons, bin qu'j'ai comminché à travaller à 17 ins, que j'ai eu tros infants, que j'ai tout fait comme in dijot que ch'étot miux d'faire, faut qu'j'travale jusqu'à 62 ins, ouais j'sus née in 56, 6 mos trop tard pou bénéficier du départ à 60 ins... cha m'in fait cor des couches à canger si au moins j'pouvos donner tous mes trimestres in trop à mes infants !... Mais rassure te j'garde l'moral, j'ai l'sinté, ch'est un bien inestimape... pis j'les ai quer mes tiots... heureusemint ! |
|
| |
camanette
Sexe : Date d'inscription : 22/12/2009 Messages : 611 chef lieu du pas de calais
| Sujet: Re: dins tros jours m'n'homme y'est pinsionné Mar 14 Déc 2010 - 10:47 | |
|
bon, bin si ché l'heure d'passer commande, mi, ché au mos d'avril....si t'inlièves ché congés, cha va m'faire partir début Mars..... pusse d'temps pour camanetter.....dins la vie comme su ché planques!! |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: dins tros jours m'n'homme y'est pinsionné Mar 14 Déc 2010 - 11:33 | |
|
Cha nous ramène à début jinvier cha alors? |
|
| |
camanette
Sexe : Date d'inscription : 22/12/2009 Messages : 611 chef lieu du pas de calais
| Sujet: Re: dins tros jours m'n'homme y'est pinsionné Mar 14 Déc 2010 - 14:13 | |
|
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: dins tros jours m'n'homme y'est pinsionné Mar 14 Déc 2010 - 14:49 | |
|
méfie te camanette, batisse i va bintôt dire qu'i avot lu que t'avos dit que té partos in janvier dins un précédent messache !!! mi j'ai bin compris qu'avec tes congés inlevés, té partos début mars à l'plache d'avril... |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: dins tros jours m'n'homme y'est pinsionné Mar 14 Déc 2010 - 14:59 | |
|
Elle a dit avril moins les congés cha fait mars, moins les camanettaches. Donc j'ai estimé les camanettaches et fait le calcul à s'plache, cha qui amène à janvier.
Je sais qu'elle a dit PLUS les camanettaches, mais cha m'étonnerot qu'elle fasse du rab pour aller camanetter avec ses copines.
In bonne guernoule qui se respecte, i faut comprinte que tchand qu'elle dit plus cha veut dire moins.
Te sais, in dit que ch'est dur de comprinte cha qu'i se passe dins l'tiête des guernoules, et ch'est vrai! |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: dins tros jours m'n'homme y'est pinsionné Mar 14 Déc 2010 - 15:02 | |
|
Oups! J'avos mal lu.... excusses à camanette... elle dijot qu'elle ara plusse de timps pour camanetter.
Elle n'avot qu'à nin écrire si tiot! |
|
| |
Roger
Sexe : Date d'inscription : 17/12/2009 Messages : 1281 Henin Beaumont
| Sujet: Re: dins tros jours m'n'homme y'est pinsionné Mar 21 Déc 2010 - 16:38 | |
|
j'l'avos nin vu? Bin Mérilou Avec chti lal que t'avos fait pour Thérèse, chapeau bas! ch'est magnifique. |
|
| |
Matante
Sexe : Date d'inscription : 28/12/2009 Messages : 781 au Nord
| Sujet: Re: dins tros jours m'n'homme y'est pinsionné Mar 21 Déc 2010 - 17:27 | |
|
Bin ouais, ch'a i est astheure, t'n'homme i est minsionné !!! Mi j'ai eu des ruses à faire comprinte m'situation à min directeur : l'loi elle dit artraite à 62 ans alors i me d'mindot de travaller jusque fin 2013 !!!!! |
|
| |
camanette
Sexe : Date d'inscription : 22/12/2009 Messages : 611 chef lieu du pas de calais
| Sujet: Re: dins tros jours m'n'homme y'est pinsionné Mar 21 Déc 2010 - 17:47 | |
|
des esscuses qui viennentt' tout drot d'mon batisse?? j'lavos mis lu ch'message là..... j'vas l'incadrer!! |
|
| |
Contenu sponsorisé
| Sujet: Re: dins tros jours m'n'homme y'est pinsionné | |
|
|
| |
| dins tros jours m'n'homme y'est pinsionné | |
|