L'matin in déjeunant j'lis l'tiot journal gratuit que min homme i récupère à l'gare la veille..
Ch'est pus tout à fait des nouvielles fraiques mais j'ai quer lire c'tiot journal pace qu' i a des fos des tiotes infos fort intéressantes.
Donc c'matin j'feuillette et j'arrife à l'pache météo, bon pas b'soin de l'lire car l'timps qui va faire i est d'ja passé, pis min argard vot eune tiote phrase qui m'a fait bin sourire, ch'étot écrit juste in d'sous de l'carte d'France :

"Pour prendre l'hiver à rebrousse poil, mange une tarte au Maroilles"

Z'avez vu cha ! nou tarte à eune renommmée nationale... pace que ch'gratuit chi, ch'est l'édition de Lyon !

A part cha, i arneiche d'pis 1 heure, ch'est de m'faute j'ai pas fait d'tarte au maroilles !

C'matin in allint à l'école de loin j'vos eune tiête d'pingouin qui dépassot intre deux carettes... J'me dis t'as l'berlue m'file !!! j'sais bin qu'in est invahie d'neiche pas quind même !!! si les pingouins débarquent ch'est pas bon sine et in est loin du récauffemint climatique.....
Ouf !!! l'banquise cha s'ra pas cor pou aujourd'hui ! ch'étot un tiot qui avot un bonnet in forme d'tiête d'pingouin ! bin mignon d'ailleurs c'bonnet, à min avis ch'étot du tricotache maison...

A part cha, i neiche toudis... in devot aller in Alsace samedi et diminche avec des amis, in arnonce au voyache...
Du cop j'vas aller donner un cop d'main à mes copines su l'stand des "nounous" pou l' Téléthon.... tous chés objets sont finis : décorations d'Noë, cartes d'voeux, tiots objets in bos peint, écharpes tricotées... tout cha fait par chés tiotes mains des "nounous"

ach t 'heure chi y fait moins cinq ,et y à del pleuf ed prévue pour es soir, cha va etre gai sur ches routes,el prudence al est de rigueur, el mieux ed tout pour ceux qui n'ont pas besoin ed lus autos chest d'aller à pied ou rester au caud as maison

ichi i fait - 6° mais pas d'neich ni d'nuach' dins l'ciel qui va passer au bleu.

asteur ,y pleut gare au verglas..