Je me deminte si qu'in a bin fait d'arrêter le service mirlitaire pour tertous qui n'est nin pistonné.

Je me suis payé un tiot apparel à scanner les films 24x36 et cha m'a donné l'occasion d'aller arplonger min nez dins des vieuseries, dont des photos d'armée. J'ai nin tout artrouvé et cha me contrarie un tiot peu, vu qu'i n'd'avot des d'ùche qu'in n'étot nin tout à fait opérationnels.

In tous les cas, j'ai artrouvé des photos de garte au fort du mont Valérien, que ch'est un rute point stratégique pour définte Paris et ses mini stères. (I parait qu'is couptent le bos plus court qu'ailleurs in région parigote, je ne sais nin pourquo... In tous les cas, is le vindtent plus quer qu'ailleurs...)

Bref, les parigots de l'époque is avottent raison de dormir trintchilles, vu qu'is étottent défindus par eune jeunesse motivée et super équipée.

Vlà ichi l'photo d'un camarate à mi, que vous ne minquerez nin d'armarquer qu'au magasin i n'avot nin de veste avec des manques assez longues pour li.
Comme je ne voudros nin qu'i me reproche de mettre sin portrait et nin le mien, je mets le mien aussi. In étot bieaux hein? In ne risquot nin de se blesser avec les fusiles, vu qu'in n'avot nin de munitions. Je cros qu'in avot eune bayonnette...


Si vous êtes saches, je vous montrerai les ouaters....

Je compte chu vousautes pour être discrets hein, vu que ch'est du secret définse

Dis donc ti, t'es un rude raconteux d'cacoules !!! t'arrête pas d'dire que té sais pas dinser et in a l'preufe par l'imache que té connos l'chorégraphie de la dinse des canards !!!!

Ah? Ch'est comme cha? Ch'est pour la chasse aux canards alors?

A m'mote que ch'film-là je l'ai scanné à l'invers... in a tous les deux déjà passé l'arme à gauche!

Avec ce que tiote bellotte à marqué au d'zeur, j'in brais!!

Ch'est in personnache qui m'dit quéquosse cha?
t'as nin jué dins ch'film,
"les bidasses in folie"

J'aros pu, mais in étot grammint à faire le zouave!

. In dirot qu'is sont dins les gogues in train d' couler un bronsse ! ! !

J' risquos pas d' blesser quéqu'un aveuc m' sulfateusse, j' ai jamais vu seul'mint eune seule cartouche.....
.......
Pour les boyaux rouches, pas bésoin d' sulfateusse ! ! !
....
Et quand qu'in déclarra la guerre.
...............qu'in déclarrra la guerre.
In ira tous sur nos frontières !
. Aveuc eus....(sinsuré).....in l' air
.Et in s' battra à cops.(sinsurè) .......
.......
.Paris i peut dormir tranquille ! ! ! !

T'avos un calot in tricot?

Mi j'aime bin l'limpe de poche qui est accrochie au mitan du pare brisse... ch'étot qu'i n'avot nin de radio in état de fonctionner alors les caméons is communicottent intre eux in morse.

Mais comme i n'avot nin de rétros non pus - i a qu'à vir chu l'photo - i fallot se mettre côte à côte ou face à face pour invoyer les signaux! Ch'étot nin au point...

Sérieux: sins munitions, t'étos quind même nin in Algérie?

. J' nai pas fait l' guerre d' Algérie..... l' photo alle a été prisse au cours dé s' qu'in app'lot eune périote d' quinsse jours. J' étos l' chef de section d' caméons bennes et j' étos l' seul à l' pas avor min permis ! ! ! même V.L. ! ! ! .
......
. Ches caméons la té dos les connaîte miux qu'mi, ch' étot des tanks mais cha tutot sec.......
......
. L' bieau père d' min fils a fait l' guerre d' Algérie comme app'lé.
. Un jour , i étot assis à l'plache du mort, quand qu' dins un col, is sont treuvés d' vant un barrache fait aveuc des rochers. I a vu un arape sortir des buissons, l' mète in joue et tirer d' sur li ..Heureus'mint qu' ch' étot un GMC sans portes, i a plongé in bas du GMC. I a archu une pastille d' poinçonneusse dins sin pied....Is étotent bloqués, les balles, alles claquotent d' sur ches tôles....I n' da pus un qui bindot....Ch' est les avions, des T6 qui les ont tirès d' affaire....
Ach! La querre grosse malheur ! ! !

.L' photo alle a été prisse à Soisson ! ! ! !

rassure me, ch'est quind même pas ti qui a cassé l'vase ?

." Monsieur l' Inspecteur, j' ai l' honneur de porter à votre connaissance que, dans ma classe, aucun élève ne sait qui a cassé le vase de Soisson.
. Réponse de l' Inspecteur.
.... ce n' est pas grave , achetez en un autre......