Ch’ t’après midi, ch’étot tout calme dins l’quartier quand tout d’un cop j’ai intindu des gosses crier. J’ai vite été vir à l’fenête pour vir ch’qui s’passot, mais ch’étot que des gosses qui s’amusotent.

Vous m’direz quoi d’pu normal　?

Ch’est vrai, mais in est pu habitué à cha. Nous, dins ches corons, à peine fini nos devoirs du soir, in sortot dins l’rue même l’hiver, pour juer à l’marelle ou aux balles pour ches files , et au map ou à l’guise pour ches garchons..

Asteur, in n’vot pu d’gosses dins chés rues. Y sont tous d’vant l’télé, à l’ordi, ou à la WI. Et après in s’étonne que pu personne n’connot sin voisin, pu personne n’dit bonjour.

L’aut’ jour, in étot dins un hall d’hopital à atteinde l’secrétaire. Ch’étot l’heure de l’prise du boulot. Y est passé au moins eune quinzaine d’minettes qui n’ont pas j’té un regard sur nous et cor moins dit bonjour. Le seul qui nous a salué ch’est un médecin.

Et cor, nous, in est dins eune pitite région alors tout c’ qui s’passe dins ches grandes villes cha n’a pu rien d’étonnant. Y laicherotent tuer un voisin par des voyous sans intervenir.

Du qu’on va　?

bonsoir Thérese.ché vrai s' que t'écrit nous chéto les parties d' foot dins l' coron ateur cha n' s'ro pus possipe à cosse des carettes.combien d' carreaux d' cassés à cosse des ballons mais les gins n"étotent pas violents comme asteur nos pères i z'acatotent un carreau pour l' rimplacher et cha s' finisso par un apéro.

L'vie n'est pus l'même nin pus... ch'est vai qu'in intind pus trop juer chés gosses dins les rues l'semaine, mais ichi l'ouiquende dins l'lotissemint in les intind... in a un morcieau d'espace vert intre chés majons qui s'trinsforme in stade d'foot ou bin in aute cosse... mais l'lotissemint i vieusit et des jonnes i n'd'a pus d'trop.
Pis pindint l'semaine, si is ont pas d'"nounou" is restent à l'étude, pace qu'asteur l'majorité des maman traval'tent contrairemint à nous mamans qui étottent à l'majon et venottent nou querre à 16 h 30.... pis i n'd'a qui ont l'cathéchisme, intrainemint de sport ou bin d'autes activités, alors quind is rintrent chez eusses ch'est trop tard pou aller dehiors... i a les devoirs, l'toilette, l'minger...

Ah l'bonjour avec un tiot sourire, cha coûte rien et pourtant y in a d'moins in moins !
Ch'est même l'contraire qui étonne ch'est justemint quand quequ'un vous adresse l'parole.
Quanque j'travaillos core, un jour un tiot vient faire inne course pour s'maman, i rintre dins l'bureau, i inlèfe sin bonnet et lance un "bonjour mesdames" in arpartant un "Au revoir Mesdames".
L'porte à peine arfermée, in étot toutes à s'deminder qui ch'est ch'tiot là ?

notre petite fille, un jour va à l'boutique de journaux de ch'villache

"Bonjour, messieurs dames"
nin de réponse
alle acate sin journal, et avant d'sortir
"à r'voir messieurs dames.."
nin d'réponse
alle claque l'porte, l'ar'ouvre, passe s'tiête et d'ine voix forte:
"j'ai dit au revoir messieurs dames"
Tout l'monte a ar'levé s'tiête, l'eul tout rond, étonné, surpris, et alle a eu dro à ine réponse... forcée, mais réponse quand même...

Et si nous, chés adultes des fos in les considérot un peu, tous chés jone d'alout', au lieu d'lu tirer ine tronche pas possip' in les considérant tartous comme des voyous.
Cha ch'est dû à ine pugnie d'bons à rin, ine minorité qui finit par créer ine barrière intre les générations.

. Dins min coin, is sont core "cicilisés" les gins. Par eximpe quand qu' j' acate un seul artique et j' arrife à la caisse du qui a eune queue d' diape eveuc des caddies pleins à craquer, ch' est pas rare du tout qu'in m' dit " Vous pouvez passer monsieur.'

eune fos un tiot garchon d'5 ins et s'maman sont dins l'tiote supérette d'leu quartier, l'tiot vot l'directrice d'sin école, l'tiête dins ch'rayon d'conserfes, i dit à s'maman "maman regarde c'est la maîtresse de mon copain", la maman li dit alors qu'is arrivottent à côté de l'femme "tu diras bien bonjour"... "ben oui maman"
- l'tiot : "bonjour Madame"
- ......... (silenche radio)
- l'tiot pus fort "bonjour Madame, c'est moi"
- ........ toudis nin d'réponse, l'directrice concintrée su chés étiquettes
- l'garchon s'artourne vers s'maman, "maman je dis bonjour mais pourquoi la dame me répond pas ?"
- l'maman (in tiot peu énervée) répond bin fort "tu sais peut être que MADAME LA DIRECTRICE ne t'as pas vu ou entendu ?" (in pinsant qu'ch'étot nin possipe pace qu'i avot personne d'aute qu'nosautes dins l'rayon)
Bin à l'grinde surprisse de l'maman, l'directrice a tourné les talons et est partie dins l'aute sins, toudis sins réponde !!!...

cheule histoire n'date pas d'asteur, mais d'25 ins, l'maman ch'étot mi avec min garchon...

Mercredi derni in est allé s'ballader à Lyon, in a pris l'métro et j'ai vu un jonne homme aux caveux longs et à l'allure que certains aurottent treuvé "louche" s'lever et donner s'plache à eune dame d'un certain âche, alors que d'autes jonnes bin propes su eusses n'ont pas bougé... alors ch'est vrai qu'i faut surtout pas généraliser

Surtout pas.

Parel pour les ginses qui laistent passer les petons aux passages cloutés. Ch'est nin toudis des madame chuchuc ou des monsis proutprout bin propes chu eux.

. Ouais, ichi à Boulonne té peux traverser à un passache pour piètons sans risauer de t'faire écraser ! ! !
.
. Ach' t' heure i faut savoir aborder les gins aussi....Dins m' rue tout l' monte i s' dit bonjour, ch'est des gins de l' France du bas d'in haut ! ! !

. Quand que j' vas dins l' région d' Lille aveuc m' n' auto, faut que j' faisse attintion à mes avants et mes arrières sans oblier les côtés, eune binte d' sauvaches ! ! ! Cha déhuttes d' tous les côtés, d' sur les ronds points, cha saxonne pasque té vas pas essez vite .... nous, ichi quand qu' in est derrière un Bèche, in Inglais, un Suédois, in s ' énerfe pas, in sait bin qui cache (cherche) s' route ch' est pas toudis facile pour un étranger ou un .....59 ! ! ! ...alorsse cheux la is dotent pas avoir tout, in arot pus rin ! ! !