Nou vielle carette, eune espace d'16 ins est quéhue in rade l'semaine passée alors que min homme i descindot à l'gare, alle s'est arrêtée d'un cop, avec tous chés voyants qui clignotottent dins tous les sins, heureusemint eune plache d'stationnemint l'long de l'route étot vide et min homme a réussi à la garer là... L'garache a téléphoné c'matin pou nos informer de l'étindue du désastre, i n'd'a pou 2 fos pus quer d'réparation que c'qu'in pourrot évintuellemint in tirer à condition qu'in réussisse à l'arvendre
C'étot eune brafe carette, alle pourrot in raconter des histoires.... alle n'd'a trinsporté des infints, les miens, leu' copains, mes tiots que j'garde, alle a connu tous chés stades, gymnases de l'région et même pus loin quind in accompagnot nos jones à leu' matchs...
Alle a fait tous les déménagemints d'nous infants (in les compte pus intre l'traval et les études !), l'derni in date, ch'ti de m'file fin aout....
Alle a trinporté l'matériel de l'orchestre quind l'véhicule d'l'école de musique i suffisot pas, alle a trinsporté chés instrumints et l'matériel d'scène du groupe d'musique d'min fils à leu' début...
Alle a bravemint et sins peur fait l'conduite accompagnée d'nous infints, pourtint des fos alle aurot pus s'arbiffer !

D'pis queques ins in s'in servot surtout comme deuxième carette pou justemint la ménager et s'in servir comme carette "utilitaire".... l'quemin de l'décharge alle le connaichot par coeur !!!
Alors bin sur, alle pouvot pas durer éternellemint, pis ch'est qu'eune carette, in va suremint pas braire, mais c'étot histoire d'dire qu'eune pache d'souvenirs s'tourne aujourd'hui pace que l'prochaine même si alle dure aussi lommint, alle aura moins d'cosses à raconter, les infants n'sont pus à l'majon

Tiote bellotte ch'est trop trisse eune hitoire parel acate un vélo cha s'ra moins quer .

ouais mais un vélo faut pédaler et ichi ch'est vallonné, donc cha grimpe (bon des cops cha descind forcemint aussi hein ) pis faudrot que j'mette min homme su l'porte bagache !!! cha s'rot cor pus dur à pédaler....

té sièges i faisotent couchette?

che drole, ch'que te dis là tiote pacheque, quind in a volé m'n'auto y a quequses années, pis que je l'ai artreuvée in plein camp à mitan brulée, ché siéges evintrés,pis tout cha, ché à des souv'nirs comme les tiens qu'j'ai pinsé, pourtant comme te dis, ché qu'eune carette!

Quo qu'ch'est qui a cassé?

Je parie chu l'courroie de distribution. J'ai bon?

In tous les cas, ch'est vrai, i a souvint grammint de souvenirs loyés à ches ferrales. I a qu'à vir commint qu'in réagit tchand qu'in vot eune 2CV, eune dauphine ou eune séquo ainsi...

t'as gagné Batisse, et l'courroie in cassant a aussi cassé des pistons et abimé aussi eune pompe, à eau ou bin à huile, j'sais pus, pis j'y connos rin... (ouais je sais les guernoules cha connot rin in mécanique) et pis i faudrot démonter l'moteur sins savoir quo qu'in va trouver d'abimé in d'sous.......
bref comme cha fait d'ja pusieurs réparations un tiot peu couteuses, in momint i faut dire stop cha suffit !!!
in y décernera eune médale pou bons et loyaux services rindus à l'famille

faut profiter, de n'aquater einne nouvelle,y font des reductions

I m'sempe qu'in dot faire réviser l'distribution de s'voiture tous les 60 ou 70000km pou pas avoir à canger d'moteur ou d'voiture.
Ch'est pas cha???

in avot déjà cangé l'courroie i a queques ins... mais i avot eu moins d'dégats...
quind à l'intretien, té peux faire confiance à m'n'homme, comme ch'est eune carette qu'in voulot garder l'pus lommint possipe in l'surveillot d'près...
là, in sort du garache, bonne proposition d'reprisse (vu l'état) et bonne occasion treuvée, bon in tiot peu d'pus que l'budget prévu, mais in peut pas avoir l'burre, l'argent du burre et l'cincière avec...

si toni y prind el sicière avec,t'est va devoir faire ménache à trois,et cha ch'est pas bon,(ej rigolle hein) !!!