|
Auteur | Message |
---|
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Eune première pour mi Mar 27 Juil 2010 - 8:32 | |
|
Hier j'ai eu de l'visite de gins qui ne sont nin du coin. Après avoir bin mingé, in a décidé d'aller visiter l'écomusée local (ch'est le plus grind d'Europe... si jamais vous passez par ichi, cha vaut le détour).
Et ch'est là qui m'est arrivé eune première...
A l'caisse l'guernoule elle me deminte si qu'i a des séniors dins le groupe.
Des séniors? Ch'est à partir de quel âge?
60 qu'elle répond.
Bon, ben in est tertous des viux alors que j'i ai répondu.
Elle a essayé de se rattraper aux branques pour expliquer qu'in n'étot nin viux mais bon, ch'est l'premire fos que je profite de min grind âge. Rabais de 30% inviron.
Comme ch'est des amis que j'ai connus il looooongtimps et avec lesquels j'avos un tiot peu perdu le contact, in a armué des vis souvenirs. Et là ch'est rigolo: des gins qu'in a connus i a 40 ins, in s'in rappelle comme is étottent i a 40 ins. Cha fait donc drôle de réaliser qu'untel i a à ch't'heure 75 ins, que ses parints is sont morts - ouais bon, vous me direz, ch'est assez normal... etc.
Valà, ch'étot foque pour dire. I n'd'a aussi des parmi vousautes à qui cha a fait drôle aussi d'être ainsi catalogué dins les viux?
Alors que ch'est clair que dins nous tiêtes in est plus jones que bin des jones énon? |
|
| |
Roger
Sexe : Date d'inscription : 17/12/2009 Messages : 1281 Henin Beaumont
| Sujet: Re: Eune première pour mi Mar 27 Juil 2010 - 9:14 | |
|
t'as raison Batisse,mi aussi je m'sins catalogué dins les viux,malgré qu'j'ai 57 ans. Pas plus tard que samedi passé,j'ai un n'veu qui a pinsé d'faire eun' cousinade à partir du site "facebook"et se sont réunis chez m'fille,malheureus'mint j'ai nin pu y aller,mais j'ai vu des photos de neveux et nièces qui avot longtimps que j'avos nin vu et j'te dis pas d'leurs éfants,j'ai même eun' nièce qui est grind mère! Ch'est là que j'me suis dit,bin Roger,pour eux té un viux... heureus'mint que din m'tiête, j'sus nin comme cha... |
Dernière édition par Roger le Mar 27 Juil 2010 - 11:44, édité 1 fois |
| |
la clo
Sexe : Date d'inscription : 25/12/2009 Messages : 647 Brive la Gaillarde
| Sujet: Re: Eune première pour mi Mar 27 Juil 2010 - 10:21 | |
|
J'y pinse pas trop à m'n'âche. Mi j'ai eu un momint d'arrêt ch'est quanque j'ai reçu l'invitation du Maire pour l'repas des anciens. Là, cha m'a fait vraimint drôle. Dins min traval, j'étos au courant d'l'organisation d'tout cha et vlà qu'à min tour j'in faisos partie. Quanque j'me sus artrouvée assise parmi tout l'monte j'ai eu un momint du qu'y avot pas mal d'visaches qui défilotent dins m'tiête et tous disparus ; heureusemint l'coup d'cafard cha n'dure pas , y avot del musique, inne bonne ambiance et ch'étot arparti. |
|
| |
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: Eune première pour mi Jeu 29 Juil 2010 - 8:12 | |
|
Bin mi cha fait un bout d'temps que j'cotoie les « séniors ».
Dins not clupe ed marche in a fêté les 80 ans ed not' doyen qui monte au Pic St Loup sans problème miux qu'certain jones et l'année prochinne i in aura deux aut' du même âge mais n'essayez pas d'les suiff' quand cha monte, des vrais maguettes.
Solan?e alle fait canter l'chorale du clupe " séniors » alors là cha passe à 90, 89 (li i est d'LIlle), 88 bon i a aussi des plus jones hein.
Vous veyez in les cotoie régulièrement et in va minme in voyach' avec eux.
Donc in a pas vu ed transition in fait partie des séniors à ch't'heure mais parmi les plus jones alors cha va, surtout qu'in leur met l'ambiance. |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Eune première pour mi Jeu 29 Juil 2010 - 9:08 | |
|
Ah cha, si que te fais partie de groupes d'ùche l'plupart des ginses cha pourrot être tes parints, t'es obligi de te sintir jone. Mi je chus plutôt intouré de jones dins min boulot ou min clup de motards... mais cha qui me fait plaiji ch'est qu'i n'd'a plus d'un qui m'a déjà dit qu'i étot prêt à signer pour être in forme comme mi à plus de 60 ins. Pourvu qu'is dittent parel dins 20 ins |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Eune première pour mi Jeu 29 Juil 2010 - 9:20 | |
|
- la clo a écrit:
- l'coup d'cafard cha n'dure pas , y avot del musique, inne bonne ambiance et ch'étot arparti.
Parce qu'in dinse à ches dîners d'inciens? Je sins qu'in ne m'y verra nin souvint alors, déjà que cha ne m'inspire qu'au mitan. L'mise in route de l'musique ch'est généralemint le signal du départ tchand que je vas à eune fiête. Infin... i faut de tout pour faire un monde. Tant miux pour les ceusses qui aimtent cha. Par contre, si qu'i a des vrais musiciens, je sauros passer m'soirée à les arwetchi. Mais par ichi ch'est grammint des canchons romintiques à l'allemante - souvint in allemind d'ailleurs - avec eune bande son chu ordinateur. Beurk. |
|
| |
la clo
Sexe : Date d'inscription : 25/12/2009 Messages : 647 Brive la Gaillarde
| Sujet: Re: Eune première pour mi Jeu 29 Juil 2010 - 9:26 | |
|
Du qu'in va danser, y a tous les aches mais y a inne dame super sympa, j'veyos bien qu'ale bougeot moins vite qu'ches autes quand même, et dins inne série disco ale a été appelée sul scène puisque ch'étot s'n'anniversaire. Ale a fait l'animation, et bien, j'vous assure ! Là l'propriétaire des lieux nous l'a présintée comme l'doyenne : 95 ans !! J'n'in revenos pas, et cha continue ale vient régulièrement, valse lente, marche,tango cha cha et même disco y a toudis un cavalier, jeune ou moins jeune pour l'faire danser. Incroyape. Là je m'dis j'ai core du temps d'vant mi. |
|
| |
la clo
Sexe : Date d'inscription : 25/12/2009 Messages : 647 Brive la Gaillarde
| Sujet: Re: Eune première pour mi Jeu 29 Juil 2010 - 9:28 | |
|
Ah ben, Batisse, si t'as pas querre danser, te vas ête contint de m'réponse au dessus. |
|
| |
nounours-94
Date d'inscription : 27/12/2009 Messages : 1567 Bolbec (76)
| Sujet: Re: Eune première pour mi Jeu 29 Juil 2010 - 11:07 | |
|
esse sus guitariste la clo, si té m' paye el billet ed' train,j'irais ed juer eune romance a t' fernête |
|
| |
la clo
Sexe : Date d'inscription : 25/12/2009 Messages : 647 Brive la Gaillarde
| Sujet: Re: Eune première pour mi Jeu 29 Juil 2010 - 11:22 | |
|
A bin cha alors ! j'avos queminché m'réponse et hop ! à l'trappe, tout effacé. J'te disos que si ch'est pour eune romance i t'faudra canter, pas trop fort j'sus au rez de chaussée. et pis pour l'guitare pas du hard rock hein ! J'rigole, mi j'ai querre toutes ches musiques du momint qu'ale sont bonnes. ed Luis Mariano à David Guetta in passant par ches musiques folkloriques, j'sus bon public. |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Eune première pour mi Jeu 29 Juil 2010 - 11:43 | |
|
Mi j' n' arrife pas à mète dins l' idée que j' sus un vieillard ! ! ! . Quant à danser, mi j' veus bin, mais pas d' sur de l'machine à bruit, à bruit infernal...mais d' sur d ' eule vraie musique et des vraies danses... . .Quand que j' les vos s' trémouser comme des dingues les uns d' vant lles autes in jéchtant les bras in l' air .... J' ai pas invie d' les imiter.... . Rin qui vaut un tango, eune valse, et même eune polka, eune masurka...et des autes machins comme cha... . Que malheur ! ! ! ! Du qu'in est parti ! ! ! ............... . Un maison d' viux cha devrot ète accolée à l' maison des jeunes, cha sérot sympa pour ches viux d' cotoyer la jeunesse....! ! ! .............. . pépé vous dit: |
|
| |
nounours-94
Date d'inscription : 27/12/2009 Messages : 1567 Bolbec (76)
| Sujet: Re: Eune première pour mi Jeu 29 Juil 2010 - 11:49 | |
|
ej te juerais du Tino Rossi ché 10 euros el morcieau. |
|
| |
la clo
Sexe : Date d'inscription : 25/12/2009 Messages : 647 Brive la Gaillarde
| Sujet: Re: Eune première pour mi Jeu 29 Juil 2010 - 12:11 | |
|
10 € vinguette in a rien pour rien ! pp, t'as bien rason in devrot mélinger ches générations. Y a bien des essais d'faits pour qu'ches tiots i viennent vire ches anciens. surtout qu'maintenant ches tiots i 'vivent même pus tout près d'leurs papy et mamy. Dins l'temps y avot des "vieux" papy d'note club du 3è âge qui faisotent un tiot gardin près d'l'école du villache avec ches tiots de l'école. Cha avot un rute succès. Planter des radis, du persil et pis des tiotes fleurs. Cha faisot garder l'contact inter générations comme in dit. In s'parlot plus quanqu'in s'rincontrot dins les rues. In devrot arlancher ch't'idée là dins nous coins. |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Eune première pour mi Jeu 29 Juil 2010 - 12:39 | |
|
Supposons que te connoches quelqu'un au consel muricipal... |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Eune première pour mi Jeu 29 Juil 2010 - 14:19 | |
|
Nounours, aveuc Tino Rossi, té finiros par m' indormir. I paraît qu' les Corses is sont pas nerveux J' ai jamais été un fan de ch'ti la. 10 zeuros l' canchon, cha fait un tiot peu caire quand même. . T' exagères. .......... . La Clo, avant et après la guerre, chaque maison d' euvrier devot avoir un gardin. A l' école iavot du gardinache au programme du certif et bin souvint un gardin scolaire. . Ch' étot in 1960 .... ...déja ! ! ! ! . |
|
| |
Roger
Sexe : Date d'inscription : 17/12/2009 Messages : 1281 Henin Beaumont
| Sujet: Re: Eune première pour mi Ven 30 Juil 2010 - 15:51 | |
|
in sa rappelle d'chés l'çons science comme cha, chétot bin expliqué,quand chétot su l'pomme, tous chés jones ram'notent l'sienne,idem pour leçon d'carotte etc...et à l'récréation in dégustot cha! Chés des bons souv'nirs cha... |
|
| |
Contenu sponsorisé
| Sujet: Re: Eune première pour mi | |
|
|
| |
|