Mes gins, c'soir in a concert avec l'orchestre et cha va ête eune grinde première pour mi, in effet, j'vas diriger un morcieau, cha fait pusieurs mos que j'répète, ch'est qui faut s'y artreuver dins toutes chés portées des différints instrumints, j'vos dit pas l'dallache que ch'est pou suife su un conducteur (nin ch'est pas un chauffeur d'bus, ch'est comme cha qu'un appelle l'super partition du chef d'orchestre)...
J'peux vos dire qu'j'ai d'jà les gampes qui trannent !

ahh bon....mi j'coyos qu'y fallot seul'mint alloter s'baguette!!

cha, cha dépind dins quel sens !!

comme tout musicien qui s' respecte tiote belotte ej te dit m....

frotte et'beudéne contre el mienne philomene!!!


al'a pas l air mais al'a la musik

m.... pour euss'war!!!!

POISSON D'AVRIL.........


Mais l'concert ch'étot vrai ! tout s'est bien passé, in avot invité un aute orchestre, in a fait chacun nou programme et à l'fin de l'soirée in a réuni les deux orchestres, soit 80 musiciens, j'avos les trompette juste derrière mi et j'ai failli finir l'soirée complètement sourde !!!! in avot un morciau qui "pétot" in dernier et chés trompettes n'sav'tent pas juer piano (vos allez m'dire ch'est normal ch'est pas des pianos...), z-avez qu'à vir, des cops j'm'intindos même pas juer !
Comme ch'étot l'premi avril in a fait des blagues, pou nou orchestre, nou chef a présinté l'aute formation in disant qu'is avottent eune spécialité qui étot de juer in 3D et HD et qu'à l'intracte in allot distribuer des leunettes espéciales au public. Ben croyez me i a quequ'un du public qui a dit à la fin qu'in avot oblier de donner les leunettes et j'sus pas sure qui blaguot !
Pou l'aute orchestre, au deuxième morcieau quind l'chef à levé les bras pou donner l'départ tous les musiciens ont jué n'importe quelle note et crié "poisson d'avril"...
Bref l'soirée s'est terminée par un pot de l'amitié, in a ringé l'matériel, in a mingé, in a bu (avec modération), in a ri et in s'a couqué à 1 h du matin.... asteur i faut faire l'ménache à l'majon, pis chés courses pace qu'in a du monte au soir (un copain saxophoniste que j'essaie d'faire venir dins nou orchestre d'pis pusieurs années... vais-je réussir à le convaincre ce soir ?.... suspence !)....

merte jai quéyu dins l' panneau

Nounours j'cros que té le seu à ête quéhu dins l'panneau.... Ravisse i a pas grind monte qui a réagi à c'que j'avos mis.
In tout cas j't'armercie d'avoir cru in mes possibilités et d'pinser que j'étos capape de l'faire pace que in vérité, cha s'apprind l'direction d'orchestre, pis faut savoir lire in clé d'fa, d'ut et de sol (bon cha ch'est m'clé alors cha va), si l'clé d'fa j'arrife à lire, pou l'clé d'ut, l'timps que j'trouffe que note ch'est, chés musiciens is serottent déjà à l'fin du morcieau !! pis faut apprinde à bin alloter s'baguette (comme dirot Camanette) et pas s'gourer dins l'rythme et l'tempo....
Ch'est comme si té voulos m'faire juer de t'guitare, j'sais pas lire eune tablature.. in aurot l'air fin tous les deux su scène, ti avec m'clarinette basse et mi avec t'guitare... cha s'rot un bieau pichon d'avril

cha m' a bien fait rire d'em faire avoir tiote belotte. cha m' rappelle l'année passée quand j'avo fait à croire que j'avo créé min prope site .in pluse chétot bourré d'erreurs n'imphêche qui in a qui l'ont cru est qui ont essayé d'aller vire.j'ai rit pendant 2 jours

domache que t'habite aussi loin in auro pu faire un "boeuf'" in mettant un casque pour pas archuvoir des pichons ou des sardines in pleine tête.ti ale guitare ,mi ele clarinette in se s'rot fait démonter l' portrait.

Comme t'avos pas parlé d'arcoute tes boutons ou d'accater un nouviau corsach' j'ai tout d'suite pinsé à un pichon d'avril.
In allotant t'baguette t'auros arrosé d'boutons chés premiers rangs, t'auros minme pu éborgner quelqu'un.
j'rigole hein!

Mi, je l'ai cru....

Tout simplemint pasque j'sus un grand amateur ed'pichon, au court bouillon ou dins l'dos !

Pou c'concert du 1er avril, l'conservatoire devot faire eune affiche pou l'publicité, seulement i a eu un oche dins l'potache et l'affiche a foque été prête l'31 mars, alors cha valot pus l'cop d'aller l'placarder ou d'l'invoyer par courriel..
L'secrétariat l'a quind même trinsmise à nou chef d'orchestre qui s'est empressé de m'la faire passer pace qu'heureusement qu'in a pas placardé cha ! cha arot pus ête mal interprêté, ravisez putôt :


L'vrai titre ch'est "le dernier des mohicans"... vos croyez que l'secrétariat du conservatoire a voulu faire un pichon d'avril ou bin i n's'in est pas rindu compte ?
In tous les cas cha va devenir un collector dins nous archifes de l'orchestre..... et devinez qui ch'est qui s'occupe de l'mémoire de l'orchestre et d'tout collecter ?