bin mes gins, si vos connaichez cheule dinse ch'est l'momint d'réviser vous chorégraphies !!! z'avez armarqué j'ai pas parlé d'canchon pou l'solel pace que là in risquerot d'faire pluvoir incore d'pus !
c'matin j'avos un rindez vos et j'me disos qu'j'allos pet ête y aller à pid, comme ch'est quind même à 5 kms de l'majon (tout in montée pou y aller) j'ai hésité vu l'couleur du ciel ! bin j'ai eu raison d'prinde l'carette pace que j'avos pas fait 2 kms qui pleuvot à dic et doc et d'pis cha n'arrête pas ! j'sus même obligée d'alleumer l'lampe d'bureau pou pouvoir buquer su chés touches du clavier...
i paraitrot qu'in est au mois d'juin ?

Nous intre deux averses in a du solèle.
A ch'momint ch'est du solèle, j'viens d'coper quiques branques ed chés lilas, d'chés chènes, mais j'pinse que cha va pas durer.
Ouais i paraît qu'in est in juin.

j'va pas ête originale, ichi ch'est du parel au même, cha tape sul moral un temps parel !
armarquez nous in a del pluie sins arrêt, les foins je n'sais pas quanqu'ch'est qui vont les faire
mais à côté des imaches qu'in a vu à l'télé aujourd'hui ch'est pas graffe.
L'semaine dernière in rigolot pas dins nos coins pace que l'Vézère ale queminchot à déborder pis cha s'est calmé. heureusemint !

ouais ch'est terripe chés inondations, hier j'ai vu les imaches d'Givors, ch'est une ville d'ù qu'j'ai travaillé quind j'étos pus jone, j'ai essayé d'vir si ch'étot vers l'rue du cabinet médical d'ù qu'j'étos mais j'ai pas arconnu...
comme in dit l'fu in l'arrête mais l'ieau non !

Ch'est vrai qu'vous êtes gâté din l' sud avec el pleuf!
Ichi ch'est grand soleil,et un manque d'iau pour chés gardins.
in va nin s'plainte...

Bin in a eun' copine d'école qui est sus "copains d'avant" qui reste dins l'var et dins ch'coin là, j'li ai d'mindé si alle avot eu des dégats mais j'ai pas cor eu d'réponse.

bon, not' copine alle a pas eu grand quosse comme dégats, mais à moins d'unkm de s'amison i avot des moutons qui étottent gintimint in train d'minger ch'l'herpe bin is y sont tous passés, et i avot pus d'1000 moutons, ch'berger i est catastrophé, i a perdu tout sin troupeau.
Vous allez m'dire cha n'est que des bêtes, i a eu aussi gramint d'humains d'morts aussi et vous avez raison, mais quand minme
Ouais i a eu eun' vingtaine d'personnes qui sont décédés dins chés inondations ch'est incroyape mais quand in vot chés imach' à l'télé, chés torrents d'boue, chés voitures qui flottent etc... in peux dire qu'a pas intérêt à t'trouver là au milieu passe qu'in peut rien faire, chez in vrai piège.

Pour mi ,'quand ja ravisé les infos des inondations hier soir al'TV, j'n'ai pas pu m'impécher d'arvivre el'cauchemard que j'ai vécue fin février ! ché TERRIBE , et cha reste incore "marqué" d'em mémoire...!!! j'comprinds el'desaroi de tous ché gins qui ont tout perdu , les vies humaines disparues, en rien d'temps, car in peux rien faire; atteindre el'secours de ché courageux pompiers, qui sont su l'pied de guerre, et eux aussi, restent din leur mémoire, des traces, car ils ont, comme ché sinistres, un COEUR !!!alors , je tenos a les mettre a l'honneur, tout comme la croix rouge,...etc!
je suis toute bouleversée, devant cette catastrophe, eune fos de plus ! je leur souhaite, sincéremint, gramint d'courage, si des fos, l'un de vouzautes, connaichent des amis, famille, ...etc! Eune pinsée pour eux!