à 11 h 15, j'me prépare pou aller querre mes tiots à l'école quind l'téléphone i sonne, numéro masqué, j'étos à l'presse mais j'réponds quind même :
"allo madame tiote bellotte, ici monsieur truc-bidule de la société machin-chose, vous avez gagné..."
mi, j'y laisse pas l'timps d'aller pus loin : "je vous remercie mais je n'ai besoin de rien, au revoir" et j'raccroche....
aussi sec cha arsonne, comme j'vois toudis numéro muché, j'réponds pas et j'm'in vas
quind j'arviens d'école j'vos tiote leumière du répondeur qui clignotte, alors j'acoute l'messache et là j'intinds :
"RHONN RHONN, groinnnn groinnnnnnnn, brrrrrrrrr, rrrrrrrooooooooonnnnnnn"...
ch'tot l'même type qui a du ête vexé que j'acoute pas sin baratin jusqu'au bout...
in tout cas, chés cris d'pourchau, si y crot qu'cha m'a contrarié i est d'la revue pace que cha m'a bin fait rire
infin j'me sus quind même dit qu'asteur si t'es chez ti et qu't'as rin demindé t'as pus l'drot d'réponte que t'as b'soin de rin à ceusses qui viennent t'déringer sous peine de "représailles".... pis numéro muché ch'est courageux de l'part d'chés sociétés !

el plus pire din tout cha ché qu'cha arrif ed' plus in plus souvint ,
mi quand y insiste , j'mets ch'l'écouteur d'ech' téléphone et j'le fais acouter min casque qu'yé branché d'su l ' télé , passeque bin sur el plus souvint ché intre 12 h et 14 h , pindint ech' diner , et apres ché m'sieste , ou alors apres 20 h

Ch 'est fou c' qu' in peut gagner ! ! ! !

j'viens cor de m'faire avoir !!!
cop d'fil, toudis numéro muché, j'réponds quind même car j'ai des amis qui sont in liste rouche et qui apparaissent donc in muché...
eune vox pré inregistrée m'dit "vous venez de recevoir un message important" avec chés esplications pou acouter ch'messache... c'que je fais car min pus jonne est quéhu in panne d'carette hier in v'nant al majon et s'carette alle est queque part dins eune rue intre Lyon et m'majon, j'pinse donc que ch'est pet ête un messache d'l'assurance ou bin du dépanneur, pace que s'carette alle fuit d'partout et qu'à min avis ch'est mal barré pou eune simpe réparation...
eh bin non mes gins, ch'étot bin un messache d'concessionnaire d'carettes mais pou aller vir l'derni modèle qui vient d'sortir... à croire qui sav'tent qu'eune carette de l'famile est in rade ! cha m'énerfe !!!

mi din chés cas la j' raccroche ( cha arrif souvint ) y parait qu'in plus d'el réclame ché des appels surtaxés ,

Nous in va essayer s'que fait eun' copine, all' décroche et quand ch'est un n° caché all' dit : "je n'réponds pas aux numéros cachés" et all' raccroche.
Ch'est vrai cha, si is ont un n° caché is n'ont qu'à laisser un messach' et in les rappelle.
Cha d'vient ch... t, ch'est toudis quans té in train d'minger qu'is appell'tent.
J'sus comme ti Tiote cha m'énerff'.
I a donc des gins payés pou pourrir la vie des z'aut', et vous allez m'dire qu'i faut bien gagner s'croûte hein! bin ouais.
Mais in écrivant cha, j'trouff' qu'i a grammint d'gins qui sont payés pou imm...der l'monte, surtout quand is traval'tent pon.

Pas plus tard qu'hier midi.
min téléphone fixe,i sonne,j'ravise qui ch'est, numéro caché, j'laisse sonner, au moins dix sonn'ries et pu rin, à peine quinze secondes, ch'est ch'portab',j'fais nin intintion, j'décroche,chétot min gin qui v'not d'téléphoner sur min fixe...
Du qui a eu min numéro portab' chti lal?

mi ch'est pas compliqué min fixe i est débrinché j'utilise pu qu'min téléphone ip et m'n'homme et mes tiots i zont leur portape !!!
j'sus tranquille i a que l'famile qu'al m'appelle !!!!

Vinguette, vous avez des téléphones modernes vousautes... in vot que vous avez les moyens.

Le mien i sonne - nin souvint - et pis ch'est tout. I ne me dit nin le numéro du quelqu'un qui appelle. Et tchand que cha sonne à vous porte, vous avez un signal qui dit "facteur" ou "témoin de gévéor" ou "belle mère"? Je dos incore vivre à l'âche de pierre mi...

Mi je m'in fous, pindint qu'is font lu présintation, je cache à trouver eune excusse déstabilisatrice. Sauf à l'heure des repas... là je préviens que ça refroidit dins m'gamelle et que je vas raccrocher.

un cop, i a au moins 15 ins, j'me sus quind même trouvée gênée :

d'pis tros soirs in avot toudis l'même agosil (pou des cujines intégrées, j'cros) qui téléphonot à l'même heure, vers 19 h au momint d'ù qu'tertoutes mères d'famile sont bin occupées avec chés tiots et l'préparation du minger
l'quatrième soir, j'avos décidé d'pas réponte, pis j'ai pinsé que si j'répondos pas i allot appeler pus tard (pace ch'est tenache chés démarcheurs) !!
DRINNNNGGGG, !! (ouais, i avot pas cor des bielles tiotes musique )
mi : ALLO (grrrrrrrr)
oui, allo, madame tiote bellotte ?

OUI, (GRRRRRRRRRR) c'est pour quoi ?, parce que j'en ai marre d'être dérangée à l'heure du repas (sur un ton que j'vos laisse deviner et comme si j'parlos à un sourd)

"Heu, excusez moi, ici, le curé de (min villache)..." (vox toute hésitante, i devot s'deminder d'ù qu'i étot quéu)

mi, comme si j'avos arçu un séiau d'ieau frode su l'tiête : "ah, bonjour monsieur le curé" (tout in m'demindant bin pouquo i m'appellot du fait que j'le connaissos pas)...
in fait in devot juer avec mes amis clarinettistes dins l'égliche et comme i n'arrivot pas à joinde nou "chef" i m'appelot pou m'dire qui avot nin problème et qui s'rot très contint d'nos prêter sin égliche...

mi (avec tros kilos d'miel dins l'vox) : "merci beaucoup, bonne soirée monsieur le curé, à bientôt..."

là j'arviens dins l'cujine et j'vos min homme et chés tros gosses pliés d'rire

commint in dit déjà : est pris qui croyait prendre....

Je les archos toudis bin ches gins qui téléphontent, foque si que je chus à taffe, comme j'ai déjà dit.

Par contre, je m'amusse avec...

Pour les marchinds de cuisines, meubles, cauffache, isolation, économies d'énergie, meubles etc... l'majon elle est à vinte. Je le dis plus ou moins vite dins l'discussion. Conversation finie in 30 secontes!

Pour les marchinds de forfaits téléphone, internénette et tout cha: je fais comme si que je mordos, je prinds des notes et je dis "merci pour les détals... je vas contacter min fournisseur actuel. I a des chinces qu'i s'aligne ou qu'i me dise d'ùche qu'i est le lézard...". Cha finit l'conversation vite fait vu qu'avint toute possibilité de suite i faut que je contacte min fournisseur....

Dins l'catégorie des soyeux, i a les témoins de gévéor. Pauvres gins bin à plainte. Pour eux j'ai eune tiote arcette qui marche à tous les cops, incore que je ne les vos nin souvint.
Je lu deminte si qu'is ont lu la bible. J'aime bin destabiliser les gins...
Forchémint is répondtent que ouais. A partir de là ch'est mi qui mène l'discussion... je lu deminte si qu'is ont lu l'page 1 et si qu'is sont passés à l'page 2 sins problème... In général is distent que ouais mais un tiot peu chu l'définsife. Là je dis que ch'est qu'is sont prêts à gober n'importe quo vu que déjà à l'page 1 la bible elle prind les gins pour des nonoches.

Ch'est à cause du coup de l'genèse. Le tiot bon diu i arot tout fait dins un ordre que les journalisses is ont noté: leumière, ciel et terre, arpes, animaux et je ne sais pus quo. A la fin, pour que cha soche bieau, i a même mis des décors, dont le solel.
Et alors, d'ùche qu'elle venot l'leumière qu'i avot alleumée au début si qu'i a invinté le phare qu'à la fin? Cha tient debout cha? Allez, réveillez vous, ch'est du flan tout cha!

. Allo!
. Allo, ouais, c'est à quel sujet ? ?
. Voila, c'est au sujet du remplacement de vos portes et de vos ......
. Excusez moi Monsieur, on n' a pas le téléphone ici ! ! !
... ...

Bin mes gins, mi j'ai pon du tout d'téléphone portape du cop ej sus fin bénache! quo qu'on faisot dins l'timps ?
Min JJ i n'a un et yé toudis déringé.
Un plus ché pon bon pour l'tête et ché orelles, in peut attraper des maladies (soit disant). Mi min téléphone au bureau i sonne tellemint que cha m'suffit !
A dé mes gins !

Pus qu'in est contactape pus qu'in est déringé ! Mi j'in sus sûre et certaine !

LYLY a écrit:

Pus qu'in est contactape pus qu'in est déringé ! Mi j'in sus sûre et certaine !

Ti, t'es eune rute observateusse.

Puisqu'in est dins les suretcertainités, mi je chus sur et certain qu'au puq qu'in sort de s'majon au puq qu'in rincontre des gins.

bin cha dépend d'ù qu't'habites !
l'berger dins chés alpages même si i sort 10 fos par jour de s'bergerie i vot toudis les mêmes moutons

Gnagnagna... des fos i vot des vacinciers ou des gins comme cha.

T'as bétôt fini de toudis cachi à me ridiculiser aux ys de Lili tisaute?

Malotrute!

MI ??? eune tiote innonchinte comme l'agneau qui vient d'naître !! (agneau de l'bergerie bin sur....)

Ouais, parce que des agneaux de pouchier, ch'est moins frisé.

Je t'in foutros de l'annochinte!

j'buque su "Bouton sérieux" (si si ! cha m'arrife d'timps in timps):
pouchier ? j'connos pas, cha a un rapport avec les tiots pouchins ?

Laisse tin dogt chu le bouton sérieux... tros jours... cha va étonner saint Toni...

Pourchier et pourcheau, ch'est la même racine. Te devines à ch't'heure quo qu'ch'est qu'un pourchier et pourquo que ses habitints is sont moins frisés qu'un agneau?

Allez va, inlève tin dogt, in dirot eune nonoche...

Ch'est vrai que j'avos écrit pouchier.... mais t'aros pu corriger de ti-même énon?

ah bin ouais mais si té m'induis avec de l'erreur, j'peux pas deviner hein !!
té sais mes neuronnes is sont mis à rude épreufe c'soir, j'sus in train d"réviser mes canchons pou l'concert de l'chorale et là comme cha finque j'ai buqué su l'bouton "pause" pou au moins 5 minutes....

In dirot qu'in parle d'biete ichi...Ché ti pas biau la nature.........