A Vitry
Après l’libération, les Américains avotent utilisé l’terrain d’aviation d’Vitry en Artois . Zeph, qui aimot bin vire les avions, i allot tous les jours après s’jornée aveu Bolek. I s’rindotent utiles, timps in timps, en donnant un tiot cop d’main par chi par la.. Les Amerlos leur donnotent des cigarettes des chichimgommes ! ! ! Des rations K ou des KK….
« You, vouloar , yous , vos vouleï, faire un petit proménade avec moa ? ?» Leur demande un jour un pilote américain.
« Té veux monter Bolek ? ?
- Nan vas y d’aborrrd, j’irrrai prrrès ! li répond Bolek.
- Mi , bin vouloir monter aveu you ! ! !
- OK come with me , gets into the plane ! ! (1). You, assooar , derriere moa.OK! ! ! »
Zeph grimpe dins l’avion, un T6, un tank volant,. In l’attache …pour pas
….qui déchinte inroute( comme arot dit Fernand), et lesv’la partis ! ! !
Cré nom dé Diousse, v’la ti pas l’avion comminche à faire des un loupinges , des tonniaux , des barriques, des vols dos …..
Bolek qui étot resté à tierre rigolot in s’dijant à li même, « Zeph, té vas n’avoirpour tes quate sous ! ! ! »
Après avoir fait tout ch’carpin la pindint vingt minutes, l’avion arvient et atterrit. L’pilote américain oufe el verrière, saute à tierre
« All is well my boy ? ? ? (1)
Zeph n’répond pas, n’déchind pas d’lavion,
« All is well my boy ? ? ?
…..Bolek raccourt à z’élan …..
« Alorrrse Zeph, cha va ? ? ? »
Zeph , tout vert, n’répond pas , i busiot ! !
« Alorrse Zeph, cha va, té n’déchinds pas, à quoi qu’té busies ? ?
- Acoute Bolek, j’n’arrife pas à comprinte, …
j’comprinds pas commint j’ai pu faire dins min patalon aveu mes gampes in l’air.