|
Auteur | Message |
---|
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Al ducasse Lun 12 Avr 2010 - 18:03 | |
|
Les bidets d'bos. . . Ches manèches la avotent pas mal ed succés dins l'temps. . I n'da core dins vous coin ? ? ..A Boulonne i n'a un d'vant Nausicaä mais i n'a pas grandmint d'ciliints.. |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Al ducasse Mar 13 Avr 2010 - 7:00 | |
|
Les auto "tamponnantes" . . Chétot un manèche qui avot in grand succès. Les autos étotent "prisses d'assaut" quand qu'èlles s' arrêtotent pour canger d' "chauffeur" .. . |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Al ducasse Mer 14 Avr 2010 - 20:57 | |
|
mi c'que j'avos quer ch'étot l'chenille, pace que avec l'vitesse té glichos forcemint dins in coin de l'banquette.. alors si t'étos avec tin amoureux cha facilitot les rapprochemints.... in pus i avot des chenilles d'ù qui avot eune capote, cha faisot intime |
|
| |
annesophie
Sexe : Date d'inscription : 11/02/2010 Messages : 251 Nimes
| Sujet: Re: Al ducasse Jeu 15 Avr 2010 - 6:35 | |
|
Ouai ,ichi j'in connos deux d'manèches avec des qu'veaux d'bos un à Nîmes et l'autes à l'Grande Motte d'vant l'mer sur Nîmes cha n'marche pas bin fort mais l'aute ouai .Pour ches autos tamponneusses bin ch'est toudis parel is battrotent pour avoir l'carette pindant l'ducasse du villache in juillet aout |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Al ducasse Jeu 15 Avr 2010 - 9:03 | |
|
Manèche pour les infants. . . Un tiot manèche, un grand momint d'bonheur ! ! ! . ( ches gosses la vont bintot ètes pinsionnés...Photos prisses i a plus d'un démi sièque ! ! ! ouais ! ! ! ) . |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Al ducasse Mar 20 Avr 2010 - 9:32 | |
|
Al ducasse ed Billy . . . Un tiot voyache in avion pour rêver un tiot peu ! ! |
|
| |
nougatine
Sexe : Date d'inscription : 30/12/2009 Messages : 145 Ardèche
| Sujet: Re: Al ducasse Mar 20 Avr 2010 - 20:27 | |
|
Que des bons momints el ducasse, chétos vraimint l'fête d'sin village cha durot trois jours, din n'école in n'allos pon in classe lundi.et l'mardi in avos souvint inne rédaction justémint sur l'ducasse et la in rigolos moins. |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Al ducasse Mar 20 Avr 2010 - 20:41 | |
|
Bonjour Nougatine. L'ducasse ed Billy, ch'étot sans doute el pus grante d'el région, i a deux grandes plaches pour les manèches. |
|
| |
nougatine
Sexe : Date d'inscription : 30/12/2009 Messages : 145 Ardèche
| Sujet: Re: Al ducasse Mar 20 Avr 2010 - 22:51 | |
|
d'in s'nord l'grande ducasse chétos celle d'denain au mos d'avril car y'avos l'carnaval avec les gilles d'binche,et cha petiote in n'oblis pon ,ach'eure les mentalités ont bin cangé. |
|
| |
Invité Invité
| Sujet: Re: Al ducasse Mer 21 Avr 2010 - 4:53 | |
|
mi ,j'ai connu in forain qui avot fait in manège ed bidets ed bos sur in camion ,et y faisot el tour ed ches corons, léon y à dut connaite ,j'étos jeune, y passot tous les jeudi dins ches corons du trois ... |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Al ducasse Mer 21 Avr 2010 - 8:25 | |
|
Au moyen ache. . Pindint la guerre, i n'avot qu'eune auto qui passot, eune fos par jour ou par semaine dins les corons, ch'étot chelle du laitier, et pis core pas toudis pasqu'i n'avot pas d'...lait... .... ch'étot eune carrette 1930 peut ète pus vièle. Donc ches rues étotent désertes. I passot d'timps in timps, un tiot manèche tiré par un baudet, i prénot les 3/4 d' el largeur d'el route. I n'avot pas d'moteur. Les gosses montotent la d'sure pour un tiot peu d'soous et l' forain i l'faijot torner in l'poussant al main ! ! ! !. . . Pas d'essence, pas l'drot d'rouler à vélo, fallot un auweiss, un laicher passer, pour avoir el drot d'rouler aveu eune auto. . Pas d' grignotant, un bras un bos à gauche , décopé dins eune planque pour signaler l'cang'mint ed direction ......Pour lièver l'bras, i fallot tirer d'sur eune fichelle ! ! ! ! . Vous povez imaginer cha vous autes ? ? ? |
|
| |
therese
Date d'inscription : 22/12/2009 Messages : 81
| Sujet: Re: Al ducasse Mer 21 Avr 2010 - 9:50 | |
|
ichi ch'est André Quivoudrotbinartreuversinmotdpasse
Ouais, Tiote les chenilles ar'couvertes, chelles aveuc des capottes, enfin, j'veux dire aveuc ine grande capotte collective, ch'étot l'miux... Pour c'qui est des plaches prises d'assaut, cha s'battot autant que pour chés plaches d'auto tamponnantes, et si dins chés autos in prenot d'office ech' volant pour conduire nou passagère, dins chés chenilles, in occupot putot les mains d'chés filles pour qu'elles artien'tent nin leu jupons quand l'soufflerie alle se méttot in route...! |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Al ducasse Mer 21 Avr 2010 - 14:28 | |
|
L'chenile cha roulot aveuc eune vitesse ed diape. I avot d'ja des capotes à ch't'époque la ! ! ! . Cha s'imbrasoot sec quand que l'capote alle étot arfreumée..... In pus i avot eune soufflerie qui faijot armonter les cautrons des filles.... Ch'étot pas l'manèche pour les éfants...mais pour les tiots vicieux ...enfin un tiot peu ! ! ! i |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Al ducasse Mer 21 Avr 2010 - 14:41 | |
|
Un grand dadais d'sur un tiot baudet. . . Is étotent bin contints les gosses. . I avot core un manèche qui étot core prisé par la jeunesse , chétot" l'casse gueule". Cha donnot l'grand frisson. T'étos assis d' sur un sièche pindu par des lonques chaînes, comme l'avion au d'zeur . Quand que l'manèche i tournot, t'avos intèrêt à avoir l'coeur et les tripes bin accrochés. J'dos core avoir avoir eune photo mais faut qu'j'arcahe( recherche) dins mes archifes, i n'da tell'mint ! ! ! l. . .... |
|
| |
nougatine
Sexe : Date d'inscription : 30/12/2009 Messages : 145 Ardèche
| Sujet: Re: Al ducasse Mer 21 Avr 2010 - 18:29 | |
|
Bonjour tertous. j'mé souviens din certain manége y fallot attraper le ponpon accroché au bout d'un ballon et là un avos un tour gratuit, sans oublier un acquato des chucartes sur l'ducasses et aussi y'avos des stands d'loteries pour gagner des peluches, un fos chu arvénu avec un canard à maison j'vous dit pon l'parties plaisir avec mes copines. eh! ouais lendemain m'maman a cuit bestiole chéto bin bon. |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Al ducasse Mer 21 Avr 2010 - 19:41 | |
|
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Al ducasse Mer 21 Avr 2010 - 22:48 | |
|
ouais, l'pompon mi aussi j'avos quer l'attraper, cha dot v'nir d'min papa qui étot marin dins sin jone temps, parait qu'cha porte bonheur d'toucher l'pompon ichi, in c'momint, dins l'région d'Royan, j'vos l'océan mais pas gramint d'marins, faut dire is s'promènent' pus in uniforme, alors va-t-in les arconnaite !!! ch'est pourtint bieau l'uniforme des marins..... pou arvenir dins l'sujet j'avos quer l'manèche avec les avions, in tirot su l'manche et in avot l'iimpression qu'ch'étot nos qui faisottes décoller l'avion pou les manèches à g'vaux d'bois i n'd'a cor un bieau à Lyon (un vrai), j'vos mettrais l'photo quind j'arviendrai chez mi car elle est pas su l'même manicraque que chti chi.... |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Al ducasse Jeu 22 Avr 2010 - 16:31 | |
|
Ch'est bin biau tout cha mais ch'ti qui va al ducasse i perd es plache! ! ! |
|
| |
annie
Date d'inscription : 02/01/2010 Messages : 51
| Sujet: Re: Al ducasse Sam 15 Mai 2010 - 15:06 | |
|
mi quand j'étos jeune j'loupot jamais l'ducasse ed billy !!j'avos ker ch'casse gueule in s'touillot din ché chaines in avot un rute plaisir !!!!! |
|
| |
nounours-94
Date d'inscription : 27/12/2009 Messages : 1567 Bolbec (76)
| Sujet: Re: Al ducasse Sam 15 Mai 2010 - 18:15 | |
|
tiote belotte el pompon t'svo pas besoin ed l'attraper té l'a ed pis ed naissance heu.. ej cros que l'ai aussi |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Al ducasse Lun 17 Mai 2010 - 13:00 | |
|
- tiote bellotte a écrit:
pou les manèches à g'vaux d'bois i n'd'a cor un bieau à Lyon (un vrai), j'vos mettrais l'photo quind j'arviendrai chez mi car elle est pas su l'même manicraque que chti chi.... bon, m'photo elle est pas terripe, i vaut miux si vos voulez vir l'manège, buquer "manège du parc de la tête d'or +Lyon" ch'est un authentique carroussel d'1895 |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Al ducasse Lun 17 Mai 2010 - 14:14 | |
|
I n'a un d'vant Nausicaa à Ble mais i manque el musique d'origine, un orgue avuc des cartons perforès....cha manque dins ch'tableau. Jé m' demante même si ch'est pas des bidets d'bos in plastique. Va falloir qu'alle vire cha d'plus près ! ! ! |
|
| |
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: Al ducasse Lun 17 Mai 2010 - 20:16 | |
|
Ichi à Montpellier i a cor un manech' ed bidets d'bos. J'essaie d'vous mète l'photo mais j'y arriff' pon. |
|
| |
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: Al ducasse Lun 17 Mai 2010 - 21:49 | |
|
He[URL=http://www.monsterup.com] bergement d'images[/url] |
|
| |
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: Al ducasse Lun 17 Mai 2010 - 21:50 | |
|
Bon j'ai quand minme réussi. Avec bin des russes |
|
| |
Contenu sponsorisé
| Sujet: Re: Al ducasse | |
|
|
| |
|