hier midi j'ai eu eune rude partie d'plaiji
avec min homme in est allé mingé dins in tiot restaurant-brasserie, à eune tape s'sont installés 6 hommes, discussions normales d'hommes devant arprinde l'boulot un tiot peu pus tard et commande de plats du jour ou bin de steak frites, rin que de très normal quind in a pas trop d'timps et qu'in va à l'essentiel....
pis sont arrivées 3 guernoulles et là l'festival à commincher... d'jà in a eu l'drot à des "tu crois qu'on s'intalle ici ? là il y a le soleil qui donne et j'ai telllllllllllllement besoin de soleil !!", ce à quo eune aute a répondu "oui mais moi je n'aime pas avoir le soleil dans les yeux"..... "oui mais là il y a eune banquette et là c'est des chaises" (!!!!!).... bref elles ont quind même treuvé eune plache...
l'serveur leu tend les menus - j'précise que ch'étot des guernoulles qui pourrottent passer derrière des affiches sins les décoller - et là in a eu drot à "je ne sais vraiment pas quoi choisir", eune aute "oh! les filles je suis descendue à 54 kg (les autes WHAOUUUUUUUUU formidape, in s'extasiant comme chi l'copine avot réussi un exploit) et je ne veux pas tout gacher avec une assiette de frites", l'troisième " et si on prenait eune salade composée ?"... "oh oui, bonne idée"...... comme chi elles savottent pas d'jà avint d'rintrer quelles allottent minger léger !!!
mi j'comminchos à avoir un fou rire, c'qui m'a valu in tiot cop d'pid dins les mollets
l'serveur arvient prinde leu' commandes : "alors moi je voudrais la salade ceci mais on pourrait retirer les pommes de terre ? ", l'aute "moi je voudrais la salade cela mais sans assaisonnement", l'trosième " c'est possible d'enlever les morceau de comté dans la salade ? ".... l'serveur qu'in connot bin car in va dins l'établissement d'pis longtimps, gardot sin sourire mais j'vos laisse deviner c'qui disot dins s'tiête...
l'paufe garchon se risque à deminder "et avec ça que boiront ces demoiselles, un petit verre de rosé ?.... "NONNNN eune carafe d'eau ?"...... là imaginez me plongeant l'nez dins min assiette car j'ai failli dire "donnez leur eune contrex pou bin éliminer"....
in pus elles ont eu l'culot d'deminder à ête servies rapidement car elles avottent des courses à faire avint d'artourner au boulot (in a tertous appris lors de l'conversation suivante qu'eune avot vu in tiot débardeur "abolument chou" et qu'il fallait "absolument" qu'elle aille l'acater)
j'vos passe les conversations d'eune futilité affligeante, concernant bin sur les régimes et les rhabillures, les assiettes d'ù qui a resté l'moitié de l'salate, et l'sortie du restaurant in dandinant du popotin...
cha vos énerfe pas des guernoulles ainsi ? in tout cas mi j'auros miux eu quer à ête à l'tape d'chés hommes qui avottent l'air d'bin s'amuser aussi à intinde chés guernoulles là...
in tous les cas j'vos l'dit elles ont au moins eu l'mérite de bin m'divertir... mais j'plains leu' hommes (infin si qu'elles in ont )

ouais, mais ché z'hommes, ché sur ché guernoules là qu'y s'artournent....in les r'fras pon!!!

Ouais, comme les quiens qui aboitent après les autos... is serottent bin imbêtés si qu'i n'd'attrappottent eune.

Infin, je dis cha, hein, mi je préfère tchand qu'i de l'viante après les oches. L'égout et les couleurs ch'est à n'y rin comprinte!

camanette a écrit:

ouais, mais ché z'hommes, ché sur ché guernoules là qu'y s'artournent....in les r'fras pon!!!

tint qu'is font que s'arteurner.........


pis Batisse, heureusemint qu'i a cor des hommes qui ont du goût, nous v'la sauvées