bon tant pis pou vosautes, vos l'aurez voulu !!!!
incrinquez vos bin su vos caiëlles pou n'pas querre....
min diu ! même mi quind j'ravisse cha ch'étot in 1997 !!!!!!!!!

Bon, ch'est bin essayé mais te ne m'aras nin comme cha.

Ch'est eune qui t'arsonne un tiot peu, mais ch'est nin ti. Cheule de l'photo elle a des dints noirtes, pis des leunettes rontes.

Pis i a l'air qu'elle ne dit rin...

Eune burka, eune paire ed lunettes ed moto et un patalon d'zouafe, cha férot pas l'affaire ? ? ?

bin mi j'constate min tiot Batisse que cha te défrise (ah non cha c'est impossipe !) d'arconnaite que MI, mes photos elles sont bin classées dins chés albums....
NOUGATINEEEEEEEEE, vient confirmer que ch'est bin t'bielle soeur !!!!!

pépéPéBé a écrit:

Eune burka, eune paire ed lunettes ed moto et un patalon d'zouafe, cha férot pas l'affaire ? ? ?

pet ête ppPB mais j'avos pas tout cha sous la main..........

Ech sus cholé ! ! ! Vous connaichotes ech mot la vous autes ? ? ?
. Pa d'zous les messaches in devrot pétète mète eune tiote traduction pour ceusses qui z'apprintent le "ch'ti pour les nuls"

Tiote, tin truc là, cha a été fait avec eun' nasse à pichons ?

Au fait PB dû qu't'as vu ch't'expression "ech sus cholé" ?
Choler cha veut dire : bousculer cha peut aussi quique fos dire s'faire charier (pas porter hein!).
Qui ch'est qui est d'accord avec mi?

Ouais, pis eune fos qu'in s'est fait eu, in dit qu'in est marron!

Cha dot venir de là "cholé marron". Vous ne pinsez nin?

.......ou qu'in est vert ! ! ! !
. Ichi, cholé cha veut dire plié in quate! ! ! ! mort ed rire ! ! !

Des salop'ries aussi, les guêpes.
.In camping, min camarate mord dins eune panme. I a arsintu qu'cha faijot bzzzzz dins s'bouque, i a arcraché aussi fèle..... un morcieau d'panme et.... eune guêpe.
. Si qu'alle l'arot piqué, i n'étot pas clair ! ! ! !

. J' arviens à cholé, t'as raison Marcel, cholé cha veut aussi dire in boyauchrie, bousculer, ou plutot mète in boîte....et ète...marron ...après avoir été .......vert .... rire jaune.....in d'vénant....... tout rouche....in piquant eune colère bleusse.....! ! ! !

Merci Tiote pour el photo... in a tellemint été saches qu'in a eu eune imache ( pieusse?) et in arconnot bin Tiote dins sin costume antimouques. Merci.
Ch'est pos la peine ed braire après nougatine, in a tertous vu que tes photos elles étotent bien rangées.
Bon ben après avir joqué toute el nut après m'n'imache, j'va aller marcher et pis m'arposer un tiot peu.

Te deviens fayotte ti? Ch'est nouvieau cha...

Ben cmint qu'te veux que j'ramasse des bons-points et des imaches ti? un tiot peu d'ouvrache et un tiot peu d'fayotache, ch'est comme cha que gramind y z'avinchent dins l'ouvrache....

Mérilou a écrit:

i un tiot peu d'ouvrache et un tiot peu d'fayotache, ch'est comme cha que gramind y z'avinchent dins l'ouvrache....

J'connaissos pas ch'dicton, ch'est nouviau ?

ch'est bien Mérilou, j'te mets cinq crox dins min tiot carnet à bons points

Et on a drot à quo aveuc chinq crox hein Madame?

à in demi bon point ma tiote Mérilou

Merci Madame.. ch'est bin vous l'plus gintile des guernoules, que ch'est eune chince ed vous connaite et que si j'aurais su, j'aurai venue avint à vot école d'ù qu'in apprind tout pleins d'bielles poésies que j'récite à mémère et qu'elle brait à chaque fos..
Dis madame, j'dos faire cor combien d'ligne comme cha pour gagner l'aut mitan du bon point?

Et pis d'abord mi j'm'in fout des bons points pacque j'ai déjà eune bielle imache ed vous aveuc eune berlouffe à mouque au dssur ed vot capiau..; Merci Madaaaame!

attintion tiote Mérilou in dit pas 'j'm'in fout", faudrot pas perde un bon point...... allez ch'est bon pou eune fos, mais.....

j'm'in fous? ou j'm'in fouts? ou j'm'in foux?
Faut cor que j'révise mes conjugaisons pour avir chinq crox?

Bon, pour in arvénir au sujet, plus de chinq ins après, je voudros vous avis chu m'meilleure manière de se débarrasser de ches saloperies de limaces et assimilés baveux qui rondoultent dins les potagers.

Ouais, quitte à in faire s'étouffer de rire quelques un(e)s, je potage - oh nin grammint mais quind même un tiot peu de tout - et min potager in dirot que ch'est devenu l'liu de rassimblemint de toutes les séquos gluintes du quarti.

J'ai essayé de l'bière dins des gamelles, j'ai mis de l'sciure tout partout et j'ai fait des séquos ainsi, mais autint pichi dins un violon.Tous les jours i a des ravages.

Alors mes gins, j'offre toute m'reconnaissince, et éternelle in puq, à l'brafe personne qui me donnera un truc vraimint ravageux contre ches sales biêtes. un truc mort subite in ayint juste le timps de dire aux copines de s'in aller à tut berzingue loin de ch'liu de tous les dingers.

M'in fous si que ch'est chimique... faut juste que cha fonctionne et que mes salates et autres douceurs aux feules tindres elles aitent eune chince de vir l'mos de juin....

D'avince merci mes gins.

Dis me Batisse arrete ed faire tin gardin, l'timps i est tout défoutu ! Ensuite, t'as t'mémoire qui flanche !!!! Ouiais, ouais. Dins un' aute vie t'as déja posé c'te question. Te sais, des salates que t'avos arpiquées à l'place d'une jachère qui fleurissait nin. Cha i est, cha t'arvient ? Et l'réponse faite : MARE ED CAFE. et te t'tramateuves de tout cha qu't'as fait pour avoir tes mares ed café ? Allez, j't'laisse busiller. Bonne soirée à tertous. Te préfères cha  ou bin cha 

Marc de café? Ah ouais.... même que j'ai déménagé deux sacs de capsules à décafoter, probablemint pour cha, incore que j'aros plutôt parié chu les rosiers.... mais je n'd'ai qu'un!!!! et un tiot in puq!

Bon, ben je vas m'y mettre. Cha désimblavera l'hingar!

Euh... quand? Demain? Déjà?

Allez, eune bonne soirée à ti et à tertous. Ichi i a pleu eune un gros gruau mais à ch't'heure cha va un peu mieux. Du timps à limaces, crés vains diousses!

Bonsoir mes gins
nan nan j'sus nin mort!!!

Batisse mi aussi j'ai tout essayé pour m'débarrasser d'chés limaces, pour mi l'meilleux moyen ch'est d'aller dins eun' jardinerie ou eun' grinde surface et d'acater des granulés inti limaces, pour mi ché qui a d'plus radical....pour l'momint, infin ch't'année j'in ai core nin vu, mais l'année passé j'étos invahi...
promis d'main j'te met eun' photo d'min gardin avec l'cueillette de m'première salade, d'eun' echalote et de radis... n'guile nin.