Pour chinger un tiot peu des quiens et de tous les animaux du zoo, je m'in va ichi ouvrir un contre sujet, avec les biêtes qu'in n'aime nin.



Rin que de le vir, cha gratte.

Non?

Nos ennemies les sales biètes. Les tiques.
.
El fox i in ramène d'ches sales biètes la. Alles s'intiquent dins l'pieau et, si té saques ed sure, l'tiète alle reste la d'dins et alle impoisonne el sang.
. J' couque ech tchien d' sur l'établi, (nan jé l'serre pas dins l'étau) eune tiote goutte d'acétone, et tout l'sale biète alle décolle

j'ai mis du produit pour ches tiques din ches thuyas, j'arrif pas à m'in débarrasser,des rutes saloperies ches bestioles là !!

mi i a deux sortes d'biêtes qu'j'ai pas querre c'est chés "madamesprout-proutmachère" pis chés "monsieurs-iaqu'à-fautqu'on", in a pas cor treuvé d'produits pou s'in débarasser

Eh... ch'est nin eune tique que j'ai montré, ch'est un pou.

Pour les tiques, i a un tiot otil super qu'in vind chez le pharmacien - peut-être ailleurs aussi - et qui est radical pour les avoir jus déhiors, intières et vivintes.

Les avoir vivintes cha permet.... de les tuer!

Cha a la forme d'un tiot pid de biche (le bazar findu pour arracher les gros clous). T'infiles l'tique dins l'finte et te tournes DINS LE SINS INVERSE DES AIDJULES D'EUNE MONTRE et ne vénez nin me faire braire avec vous montres à cadran sins aidjules, je vous l'fais bouffer. Je ne dirai nin de nom mais j'in vos eune paire qui arottent bin fait du mauvais esprit... Le bestiau i sort à chaque cop intier et intact.

Mi je chus épaté qu'i a des gins qui ont fait des études qui ont amené à l'conclusion que les tiques elles ont un filetache à droite!

Ch'est nin des cacoules hein.

tiote bellotte a écrit:

mi i a deux sortes d'biêtes qu'j'ai pas querre c'est chés "madamesprout-proutmachère" pis chés "monsieurs-iaqu'à-fautqu'on", in a pas cor treuvé d'produits pou s'in débarasser

Vinguette, elle mordrot cheule-là!

Te nous fais eune description d'eune madame proutproutmachère siouplait?

Pour les yakafoquons, cha va, à m'mote qu'in a tertous eu des chefs à s'fabrique.

In pourrot pas utiliser eune clé à molette pour dévisser ches tiques ? ? ? ? Cha n'irot pas l'tiète alle est in d'dins ! ! ! ! Ou alorsse i faut printe eune pinche multiprisse ! ! ! In n'in vind pétète alle pharmacerie ? ?
.

Mais ch'est qu'i crot que je raconte des cacoules monhomme!

Tins, vlà eune photo de l'otile. Ch'est vindu par deux: un grind et un tiot, selon l'tale du bétal à désincriquer.

in dirot in arrache clous, ou pied de biche en françois !!

in tout cas ch'est in bieau vert....

batisse sort pas tout ech matériel ed machonnerie hein !!

ch'duc a écrit:

in dirot in arrache clous, ou pied de biche en françois
!!

Eh ben ch'duc? I a du laisser aller? in répond sins avoir lu?Et quo que j'ai écrit à 19h10?

Te me copieras 10 fos "Batisse i ne raconte jamais de cacoules" in soulignint tros fos jamais.

Allez va, ch'est bon pour cheule fos ichi. Garchonal!

batisse a écrit:

Te nous fais eune description d'eune madame proutproutmachère siouplait?

bin ch'est eune madame chuchuqe tiot dogt in l'air
ou bin chelle qui s'exprimein dijant : oh c'est absolument adoraaaaaabbbbbbble avec leu bouque in tro du cul d'glaine.....

tiote bellotte a écrit:

in tout cas ch'est in bieau vert....

Ouais, cha existe dins plusieurs couleurs... pour être assorti au quien ou au cat, ou pour mieux contraster avec l'couleur du poil. Je sais quo que te vas dire alors tais te...

Perso je n'd'ai pus qu'un jaune; tiot modèle. Le gros i a disparu...

Alors vlà ichi sin portrait, pris avec min apparel à photos à piles auto déchargeables. Rieuse de gins!


Te ne devineras jamais quo qui s'a passé!

tiote bellotte a écrit:

batisse a écrit:

Te nous fais eune description d'eune madame proutproutmachère siouplait?

bin ch'est eune madame chuchuqe tiot dogt in l'air
ou bin chelle qui s'exprimein dijant : oh c'est absolument adoraaaaaabbbbbbble avec leu bouque in tro du cul d'glaine.....

T'arrive à dire adoraaaaable avec t'bouque qui fait "o" ti?

Eh ben ma chère, si que ch'est le cas, et que vous êtes ainsi contorsioniste avec vous bouque, vous êtes extraordinaaaaaiiiiiire! (parel, difficile à dire avec s'bouque serrée si qu'in veut que cha sonne bieau...).

Bon, i faut dire que t'bouque à ti, elle a de l'boutelle in ce qui concerne les sons qu'in peut in sortir!

croyez moi, cher ami, avec de l'entraîiiiiiiiiiinement on arrive à tout, tout est question de volonté mon brave, c'est exactement ce que je disais l'autre jour à cette chèèèèèèèèèère baronne de la tronche en biais......

Ch'est dommage que t'aimes nin cha, parce que te le fais bin.

Disons qu'in sint que te t'intraines in douce, l'air d'arien.

T'as des guernoules ainsi à l'intrée ou à l'sortie des écoles d'ùche que te vas, telle Cosette affrontint l'hiver malgré sin vinte vude et l'neige qu'elle li arrive jusqu'à in dessous de ses bras, tellemint qu'elle est tiote?

J'espère que te mets un point d'honneur à nin trop faire de détours avec t'poussette tchand que lus 4x4 is sont un tiot peu de trop chu les trottoirs...

Oh que je t'imagine bin in train de faire tin groin dins un cas parel!

té cros pas si bin dire, i a in 4x4 qui m'im....bête d'pis d'début d'l'année, mais ch'est in homme qui l'conduit, in gros beauf qui s'crot malin !! l'ginre tout in muscle mais sins cervelle, le Ken de Barbie quo....
i m'laisse à peine l'plache pou passer avec m'poussette in s'garant su l'trottoir alors qu'in a in grind parkinge..... évidemment i s'gare là quind l'policier municipal i est pas là, mais l'pression elle monte tout douchemint et gare à li l'jour d'ù que l'soupape d'sécurité elle va péter...... i va vir c'que ch'est qu'eune mache femme GRRRRRRRRRRR !!! c'qui m'énerfe l'pus ch'est que c'est un père d'famile, i montre l'biel eximpe

Te ne connos nin un aveugle? Cha serot l'occasion de bin rigoler à vous deux....

Je t'explique: nous père i a fini s'vie aveugle à cause d'un glaucome nin soigné à timps.

Du coup i avot un baton blanc et i s'in servot comme i pouvot. Mais in général i ne sortot nin tout seu. Alors des fos, l'personne qui étot avec elle li dijot "attintion, i a eune auto chu l'trottoir..." et li - ch'étot un cas - i demindot in douce "sin chauffeur i est dedins?". Si que par malheur l'réponse ch'étot "ouais", je ne te raconte nin les coups de baton que l'carette elle prenot!

Et i nous dijot que jamais personne ne li avot rin dit...

Infin, je dis cha... te peux aussi deminder à un comédien, mais à m'mote que cha ne ferot nin parel.

Pour in revenir à nous ennemies les biêtes, in vlà ichi incore eune qui fait tourner bourrique.

Comme par hasard, ch'est foque les guernoules de ches biêtes-là qui nous impêchtent de dormir comme in veut.

In s'in a-t-i donné des claques à cause de ches bestiaux...

Et là le photographe i s'a même laichi faire pour le plaiji de printe eune photo.
In puq, i l'a aidée l'bestiole, in li présintint un morceau pré-tranché. Comme cha ch'étot moins dur pour piquer!

Bon, faut dire cha qui est, l'photo elle est bielle.

ch'duc a écrit:

j'ai mis du produit pour ches tiques din ches thuyas, j'arrif pas à m'in débarrasser,des rutes saloperies ches bestioles là !!

Mets-y le fu!

Incore eune tiote biête à rinte maboul.

Je ne sais nin si que vous avez cha dins vous coins. Ch'est eune horreur:

Cha s'appelle un aoutat. Ch'est tellemint tiot qu'in ne les vot nin.

Cha a eune prédilection toute particulière pour les élastiques. Du coup cha se sint bin aux tros trous des caneçons, tout alintour des sous tifs, in haut des cauchettes etc. Si qu'i a nin d'élastique is se débroultent quind même... un nombril ou un autre pli dins l'pieau cha lu va pile poil. I faut qu'i sochtent un tiot peu serrés pour être bénaches.
Eune fos que cha a trouvé eune bonne plache, cha pond in-dessous de l'pieau.

Et là... z'avez nin fini de vous gratter! Les piqûres de moustiques à côté ch'est de l'rigolate.

Apparemmint, cha vit surtout là d'ùche qu'i a des viux arpes. In n'd'a eus. Les viux arpes ont été copés. In n'd'a pus...

In tous les cas, ch'est des cops à rintrer de vacinches plus vite que prévu.

bravo , batisse !

Ch'est bin vrai cha qu'les aoutats ch'est des vraies saloperies. In dallot faire voler des planeurs à Dannes, i n'a pas d'arpes ! ! ! Et pourtant, in étot tertousse dévorés aveu cha.
.Cha gratte comme ch'est pas permis. I fallot loyer ses bas d'patalon et pis core, is arrivotent quand même à passer ! ! ! .

Nos ennemies les biètes, les poux ! ! !
Pindint la guerre (cha i est grand'père i va core nous paler d'es guerre) , i n'avot pas d'savon. C'qu'in no donnot ch'étot du savon d'argile, d'eule pierre ponce, i flottot d'sur el l'ieau ! ! ! In étot pas des crapés et pourtant, in avot tertousse des poux à l'école. In rintrant iin nous peignot aveu des peines à poux, aveu des fines dints fort rapprochées pour inlièver les lentes ! ! ! In nous lavot nous tiètes aveu d'el l'ieau vinaigrée, i n'avot pas d' Marie Rosse ! ! ! !
. Ach! La querre grosse malheur ! ! ! ! :pale: