| Quind in avot des prix à l'école | |
|
Auteur | Message |
---|
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Quind in avot des prix à l'école Jeu 21 Jan 2010 - 14:50 | |
|
cha ch'est eune photo prise in 1964 à la fin de l'kermesse d'l'école au mos d'juin d'ù qu'in archevot nous prix in est bin fiers min grind frère et mi, surtout min grind frère qui allot rintrer au collèche et qui avot donc archu in dictionnaire...... connaichant min frère j'sus sure qu'i l'a cor in pose dins l'gardin d'min grind père paternel au fond vos veyez l'ancien pigeonnier d'min grind père qui à cheule époque l'avot déjà trinsformé in atelier d'bricolache |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Quind in avot des prix à l'école Jeu 21 Jan 2010 - 15:01 | |
|
cha ch'est min "prix" qu'j'ai eu in classe préparatoire de Mme Debraye que j'ai récupé chez mes parints...... j'm'in rappelle pus bin de Mme Debraye, mais dins l'life i a eune étiquette d'ù ch'est écrit : Fête des Ecoles et Kermesse Laïque prix offert par le clercle laïc d'Escaudain à .......... cours préparatoire de Mme Debraye, école des filles Escaudain centre l'kermesse se passot dins l'gardin public, chés maîtres et maitresses étottent su l'kiosque à musique et in étot appelé classe par classe par ordre alphabétique pou archevoir nous prix.. je cros qu'tertous avot in life, premi ou derni... pis après i avot des tiotes danses et animations faites par l'amicale laïque et pis i avot l'harmonie municipale qui juot. à cheule époque j'auros bin voulu apprinde l'musique et juer dins l'harmonie mais....... finalemint ch'est in voeux que j'ai réalisé à pus d'30 ins, comme quo i faut jamais désespérer |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Quind in avot des prix à l'école Jeu 21 Jan 2010 - 15:17 | |
|
là à l'intérieur ch'est écrit : 4ème prix (j'travallos bin à cheule époque ), cours élémentaire 2ème année, 1965 là i a pas l'nom de l'Maîtresse |
|
| |
annie
Date d'inscription : 02/01/2010 Messages : 51
| Sujet: Re: Quind in avot des prix à l'école Jeu 21 Jan 2010 - 15:58 | |
|
mi aussi je n'avos tous s'zans j'étos d'autant plus fiére qu'ch'étot min conseiller municipal préféré qui m'l'donnot !!! min pére !!!! |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Quind in avot des prix à l'école Ven 22 Jan 2010 - 9:35 | |
|
à l'intrée in sixième j'avos eu in dictionnaire Français - Anglais in étot contint d'faire vir aux petits qu'in allot apprinde eune lanque étrangère, si in avot su combin cha allot nos faire trinspirer !!! |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Quind in avot des prix à l'école Mar 26 Jan 2010 - 12:40 | |
|
juin 1963, toudis à la fin de l'kermesse de l'école faut dire qu'à cheule époque in faisot des photos que dins les grindes occasions ravisez comme in est élégants, in rigolot pas avec les tenues, fallot qu'in seuche corrects pou archevoir nous prix !!! mi j'adore min frère in short avec eune quemiche blanque, eune cravatte et eune veste, z'avez vu mi j'ai des gants blancs !!!!! pis pas question d'mette des baskets, les baskets étottent réservées pou l'sport à l'école ma maman faisot gramint d'couture, pou l'famile et pis pou les gins, et ch'est elle qui m'avot fait m'rope et ma veste.... j'ai jamais voulu apprinde à coude avec elle, pis pus tard eune fos mariée j'ai suivi des cours d'couture, bon j'me débroulle pou tout c'qui est facile, mais cha va pas pus loin et asteur que mes infants sont grinds j'in fais pus, ma maman si.......... |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Quind in avot des prix à l'école Mar 26 Jan 2010 - 12:51 | |
|
z'avez armarqué ch'est la même rope que j'ai su l'photo d'l'année d'après in juin 64, ch'étot l'rope du "dimanche".... ma maman avot du défaire suremint l'ourlet, in faisot "durer" les habits |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Quind in avot des prix à l'école Mar 26 Jan 2010 - 13:14 | |
|
Commint peut-on imaginer qu'eune tiote guernoule comme cha, avec ses pids in dedins et sin tiot dogt in l'air, elle pourrot avoir eune aussi grinte babelle?
Je ne sais nin si que je vos bin, mais si que t'as gardé t'robe 2 ins, à m'mote que tin frère i a gardé ses bottines au moins 2 ins aussi. I arot nin eune paire de pointures de trop? |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Quind in avot des prix à l'école Mar 26 Jan 2010 - 13:30 | |
|
Dins l'série des bottines hors du commun, je voudros vous causer de Madame Gillioen, eune incienne voisine 4 ou 5 majon plus loin tchand qu'in étot jones, qu'elle nous a fait rire à pichi à nous maronnnes avec ses achats de bottines.
In fait ch'étot nin elle qui racontot, ch'étot s'file. Annie je cros qu'elle s'appelot. Ch'étot un rude numéro. Un clown. Et pis rudemint bielle in puq. Elle étot eune paire d'ins plus vielle que nousautes. Bref, elle étot finite, avec tout cha qu'i fallot là d'ùche qu'i fallot. Et in puq, comique. Le rêve!
Bref, elle nous a raconté que s'mère elle s'avot eune fos de puq faite rouler in acatant au marché des bottines in pur chevreau. Eune affaire extraordinaire! Un prix ridicule pour des bottines 100% in cuir de chevreau, que ch'est nin courint et très archerché, qu'i ne faut nin laichi passer eune telle occasion pis tout cha...
Toudis est-il que sin garchon i a du mettre les bottines in question. 100% cuir, même l'semelle... et eune des particularités du cuir de chevreau cha devot être que ch'est impossible à ployer. Et l'autre qui mimot sin tiot frère in train d'essayer de marcher avec cha à ses pids. Je vous dis, in in arot pichi à nous maronnes.
Cha respirot le bonheur dins nous quartier. Mis à part eune bante de voyous qui habitottent in face, tous les autres ch'étot des bons.
Bon, je sais que cha n'a rin à vir avec le sujet, mais ch'est inspiré par les bottines à sin grind frère à Jeanne Bellotte. |
|
| |
Mérilou
Sexe : Date d'inscription : 12/01/2010 Messages : 737 Touraine
| Sujet: Re: Quind in avot des prix à l'école Mar 26 Jan 2010 - 14:49 | |
|
L'momère à Tiote Bellotte elle avot coupé l'couture ed l'ourlet de s'jupe.. et pindint qu'in y est, et qu'les ciseaux y étotent d'sortie, elle li avot copé aussi les caveux de c'tiote file...
Mi au même ache j'avos eune coupe ed caveux modèle parachutiste.
In n'veyot pus qu'mes oreiles . J'puvos oblier min peigne pour aller in colonie.
M'momère aussi elle cousot et tchin que rintros d'l'école, elle avot mis les rallonches à l'taff pour coper sin tissus aveuc ses patrons Burda. Elle avot plein d'z'aiguiles dins s'bouque ( serrées intre ses leffes) et elle me dijos sins lacher ses aiguiles '' Hé bé qu'j'ai d'la misère''( d'un air pincé... forchémint!).
Elle m'a appris un tiot peu à coute ( mais à l'époque in apprenot cha aveuc des ma chères soeurs à l'école) et j'in garte pos que des bons souvenirs.
Sin dada à m'momère ch'étot d'faire suiff les careaux in diagonale! tcheu brun! Elle faijot toudis des grimaces in ravissint les speakrines à l'télé... elle écoutot nin cha que Catherine Langeais ou Denise Fabre elle dijottent... nin non! elle mettot sin nez tout cron et s'bouque ed côté et elle dijot ;'' Non mais ravisse! les carreaux de s'rope y suiftent nin! ch'est bin la peine ed faire tout un brun aveuc les couturiers ed Paris!" |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Quind in avot des prix à l'école Mar 26 Jan 2010 - 15:02 | |
|
- Citation :
- elle li avot copé aussi les caveux de c'tiote file...
alors cha ch'est eune aute histoire........ jusqu'à 5 ins j'avos d'bieaux longs caveux tout crolés (orthographe ??) qu'i suffisot d'intortiller autour des dogts pou qu'is prenn'tent eune bielle forme...... pis in jour j'ai intindu m'maman qui dijot à m'grind mère qu'i serot pet ête timps de m'emmener chez l'coiffeur pou coper mes caveux c'qui permettrot d'les fortifier alors mi, j'sais pas c'qui m'a pris, l'peur d'aller chez l'coiffeur sins doute, j'me sus infreumée dins l'salle de bains, j'ai pris des ciseaux et j'ai tout copé à travers, vos auriez vu l'tableau !!! pus j'voulos rattraper l'cop, pire ch'étot !!! j'me rappelle cor de l'tiête de ma mère et de m'grind mère quind elles ont découvert l'dallache !!! et j'me rappelle cor de l'fessée à partir d'là j'ai eu les caveux courts jusqu'à l'adolescence, mais cha devot m'minquer mes longs caveux car quind j'me sus mariée is arrivottent jusqu'à mes fesses, i a fallut les arcoper in bon bout pou faire tenir l'voile !!!!!! |
|
| |
Mérilou
Sexe : Date d'inscription : 12/01/2010 Messages : 737 Touraine
| Sujet: Re: Quind in avot des prix à l'école Mar 26 Jan 2010 - 16:23 | |
|
J'sus surte qu'à ch t'heure, in t'ravissint aveuc tous tes caveux coupés in foufelle et coiffée aveuc un moulin à légeume in t'arot dit:'' Tiens t'a été chez un visagisse? ch'est bieau.. ch'est très moooode, j'adoooore!'' |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Quind in avot des prix à l'école Mar 23 Fév 2010 - 8:20 | |
|
l'fameux kiosque à musique d'ù qu'in arcevot nous prix... asteur ch'est in des derni kiosques à musique de l'arrondissement photo prise en février 2010.... l'jardin public d'ù que s'troufe l'kiosque a été complètemint rénové et in a copé chés magnifiques arpes qui étottent d'dins.... derrière l'kiosque y avot les bains douches, l'pigeonnier d'ù qu'in allot vir les films avec l'école (eune très vielle salle avec des sièges in bos) et su l'côté du kiosque y avot et y a toudis l'salle des fiêtes |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Quind in avot des prix à l'école Mar 23 Fév 2010 - 8:59 | |
|
l'jardin public version 2010... l'kiosque avec au fond, l'églisse aveuc s'tour de garde du XVIème sièque |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Quind in avot des prix à l'école Mar 23 Fév 2010 - 9:10 | |
|
min école maternelle (située in face d'l'églisse)... min école primaire (su l'plache gambetta), ravisez l'immense préau qu'in avot... elle a pas gramint cangé d'pis qu'j'y allos... ch'est dins cheule école qu'j'ai comminché à avoir du ruban adhésif su l'bouque pace que j'étos bavarde... cha n'a pas eu gramint d'effet dissuasif c'qui fait drôle c'est que l'femme d'in d'mes tiots cousins elle y est institutrice asteur... l'reule elle tourne !! |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Quind in avot des prix à l'école Mar 23 Fév 2010 - 11:07 | |
|
Dins "mes" écoles, ch'est toudis des dictionnaires qui zont été donnés aux élèfes qui avotent l'certif ou qui rintrotent in 6ème, autermint dit à tout l'monte.. |
|
| |
Roger
Sexe : Date d'inscription : 17/12/2009 Messages : 1281 Henin Beaumont
| Sujet: Re: Quind in avot des prix à l'école Mar 23 Fév 2010 - 15:58 | |
|
- Citation :
- min école primaire (su l'plache gambetta), ravisez l'immense préau qu'in
avot... Ch'est l'cour de récréation cha? |
|
| |
Roger
Sexe : Date d'inscription : 17/12/2009 Messages : 1281 Henin Beaumont
| Sujet: Re: Quind in avot des prix à l'école Mar 23 Fév 2010 - 16:01 | |
|
- Citation :
- l'fameux kiosque à musique d'ù qu'in arcevot nous prix...
Ch'est vrai, un in vot pu gramint des kiosques ! i n'a un comme cha à Billy Montigny. |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Quind in avot des prix à l'école Mar 23 Fév 2010 - 16:20 | |
|
Pusqu'in pale d'cour d'école. . . Au début, les écoles alles étotent pas mixtes. Dins ch'villache, i avot eune école aveu deux classes, eune pour les files aveu s'cour,et eune pour les garchons, aveu s'cour...Veillez l'dallache pour ches maîtes, chacun eune classse unique. . Agrandissez l'imache vous verrez " Ecole de garçons" . Puis ches écoles la ont été géminées, ch'est à dire mixtes provisoir'mint, pouvant arvénir deux classes uniques, ch'qui n'arrivot jamais ou dév'nir eune école mixte définitiv'mint, aveu eune classe pour les tiots et eune classe pour les grands....I avot donc deux pitites cours dins l'école pour n'pas mélinger les garchons et les files.... . D'sur el photo, l'école étant géminée, ch'est l' eune des deux cours, chèle des tiots ....aveu un tiot préau "privé"! ! !. . Inter les deux cours i avot l'gardin scolaire.... Inter les deux classes, el' log'mint d'ech "clerc" et la mairie ! ! .Cha a bin cangé ! ! ! |
|
| |
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: Quind in avot des prix à l'école Mar 23 Fév 2010 - 19:30 | |
|
A m'n'époque à l'école Loubet d'Bruay i avot aussi deux écoles eun' pou ches garchons : et à côté i avot l'école des files : comme vous pouvez l'vire in avot aussi chacun des grantes cours, faut dire qu'i avot dix classes ed chaque côté minme plus amon d'ches files passe qu'i avot des pétites classes pour ches 4 - 5 ans. Ch'est là qu'jai queminché l'école, l'deuzïnme année j'étos dins l'classe in bas à droite, là dû qu'in d'sous i a eun' sorte ed carette, ch'étot amon Madame Carré, l'aut' pou l'première année in l'vot pas ch'étot in bas aussi amon Madame Wacheux. |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Quind in avot des prix à l'école Jeu 25 Fév 2010 - 15:36 | |
|
- tiote bellotte a écrit:
- ch'est dins cheule école qu'j'ai comminché à avoir du ruban adhésif su l'bouque pace que j'étos bavarde... cha n'a pas eu gramint d'effet dissuasif
Ch'est déjà bin de s'in rinte compte.... Je me deminte pourquo que t'as pris Tiote Bellotte comme pseudo. Bon, d'accord, i a t'grind mère qui te le dijos, mais si qu'in va par là, je chus bin sur que comme grammint grammint d'autres - ch'est exprès qu'i a deux fos grammint - elle t'appelot Grinte Babelle. |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Quind in avot des prix à l'école Jeu 25 Fév 2010 - 18:40 | |
|
ouais bin ch'est pas mi qui ai 570 messaches, alors hein qui ch'est l'pus grinde babelle |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Quind in avot des prix à l'école Jeu 25 Fév 2010 - 18:49 | |
|
j'sus in train d'me dire que c'est dommache qui avot pas des prix pou l'pus grind bavard, j'auros toudis eu l'premi prix pour les files, mais pou les garchons ça aurot été sins aucun doute in dénommé Batisse |
|
| |
Contenu sponsorisé
| Sujet: Re: Quind in avot des prix à l'école | |
|
|
| |
| Quind in avot des prix à l'école | |
|