|
|
Auteur | Message |
---|
Minloute
Sexe : Date d'inscription : 25/12/2009 Messages : 178
| Sujet: ch' fond d écran Ven 25 Déc 2009 - 20:33 | |
|
Salut mes gins, in va canger le lien sur Histoires de Chtis, par conte l' fond d écran , enfin pour mi , j' trouffe que ch' bleu y est bin sompe et qu in vo pas bin , y a des coups ché écrit bleu foncé sur bleu foncé pas évident d' tout bin vire |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: ch' fond d écran Dim 27 Déc 2009 - 19:49 | |
|
Te bertonnes voyou?
Wette si que t'es bin vu: le bleu cha fait du mau à tes tiots ys... ni eune ni deux Roger - que ch'est le plus calme de l'bante - i te sort le tapis rouche.
Je ne dirai nin qu'i a un traitemint de faveur pour les boyaux rouches mais ch'est à se deminder.
A part cha, je préféros tin autre avatar. Je dis cha, je ne dis rin hein... |
|
| |
Minloute
Sexe : Date d'inscription : 25/12/2009 Messages : 178
| Sujet: Re: ch' fond d écran Dim 27 Déc 2009 - 19:59 | |
|
A l attention de Batisse, j in d'mindo pas tant , que ch' fond i so rouche asteure, j avo pont l' bleusse vue , j' voyo pas grand cosse, chéto écrit bleu sur fond bleu alors j' m a dit que si mi qui sort A PEINE d' ' l 'adolescence , et que j a du mau à vire c' qui éto écrit , j' m a dit so in' n a qui voyottent rin et qui osottent rin dire pour pas qu in disse qui faisottent partie d' la famile "la taupe bonne pioche" et là j' in a imaginé eune paire , avec des leunettes quadripe foyer pour essayer d' déchiffrer ché lettes
j a fait d' l humanitaire Batisse .... |
|
| |
Marie-Claire
Sexe : Date d'inscription : 25/12/2009 Messages : 160
| Sujet: Re: ch' fond d écran Dim 27 Déc 2009 - 20:45 | |
|
Et mi j'a ker el rouge, presque rouge basque .......... merci Roger |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: ch' fond d écran Dim 27 Déc 2009 - 21:18 | |
|
Dis me Marie-Claire, i a un rapport intre tin statut de pinsionnée et tin nouvel avatar?
Tins, in parlint d'avatar, te ne trouves nin que Minloute i avot des plus bieaux mollets tchand qu'i étot tiot?
Infin bon, i a du être dégoûté pour de bon des couches qui sertent ses tiotes cuisses. A ch't'heure i prind des shorts bin larches. Ti qui le connos miux que nousautes, te ne pinses quind même nin qu'i prind du 58 parce que ch'est au même prix que le 44?
Ou alors ch'est pour pouvoir rintrer dedins tchand qu'i a ses grosses bottines à ses pids?
A t'mote? |
|
| |
Minloute
Sexe : Date d'inscription : 25/12/2009 Messages : 178
| Sujet: Re: ch' fond d écran Dim 27 Déc 2009 - 21:39 | |
|
mi j a jamais d' chance avec mes loques so ch '' pull y est troué, so ch' short i est trop larche alors ché vrai ch' short i éto larche, mais cha y est j in mets pu in montane, non pas que j a pu d' belles gambettes , nan j a toudis autant d ''succés auprès des brebis, mais ché surtout que ch' t année j' a rincontré 4 coups des vipères dont un coup j' l avo pas vu , ché un gars qui marcho derriere mi qui m' l' a montré , j éto passé juste à coté, donc asteure j armets des longues marrones pour marcher , comme cha te sait tout
mais ch' te photo j' la ker, ché un espagnol qui a pris l' photo , te monte durant un bon momint et pi d un seul coup té débouche à ch' t indroit là, in est resté là comme deux cons à ravisser cha et in s a pris in photo mutuel'mint , cha y est te sait tout Batisse |
|
| |
Marie-Claire
Sexe : Date d'inscription : 25/12/2009 Messages : 160
| Sujet: Re: ch' fond d écran Dim 27 Déc 2009 - 21:55 | |
|
Bon Batisse pour el short Minloute i t'a répondu ..
Et pour em n'avatar, non non cha n'a pas d'rapport aveuc min statut ed pinsionnée, d'ailleurs j'em lèfe toudis al même heure qu'avant si ch'est à cha que té pinses (que j'dors comme eune marmotte ..) , non ch'est plus simpe que cha , j'adore les marmottes et d'ailleurs j'auros ker in rincontrer eune mais là va falloir grimper .. Et pour tout dire chelle photo là del marmotte ch'est Minloute qui l'a faite |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: ch' fond d écran Dim 27 Déc 2009 - 21:59 | |
|
Ch'est vrai qu'i n'a nin forché chu le zoom tin espingoin, cha fait qu'in ne vot nin bin.
Mi je pinsos que t'avos mis eune photo de Frédéric Mitterand. T'as bin fait de nous/me rassurer.
Des guêtres ou des chaussures hautes ch'est nin miux qu'eune maronne contre les vipères? |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: ch' fond d écran Dim 27 Déc 2009 - 22:06 | |
|
- Marie-Claire a écrit:
- j'adore les marmottes et d'ailleurs j'auros ker in rincontrer eune mais là va falloir grimper .. Et pour tout dire chelle photo là del marmotte ch'est Minloute qui l'a faite
Cha ne m'étonne nin... i n'd'a trouvé eune qu'elle dot être boyau rouche: cha li armonte jusqu'à s'loupe du haut, qu'elle est rouche. Pour l'instint, ch'est nin la peine de cachi après des marmotes, à m'mote qu'elles dormtent à poings serrés ches tiotes biêtes. Et mi je vas aller faire parel... Allez, à pluche! |
|
| |
Marie-Claire
Sexe : Date d'inscription : 25/12/2009 Messages : 160
| Sujet: Re: ch' fond d écran Dim 27 Déc 2009 - 22:13 | |
|
- batisse a écrit:
- Cha ne m'étonne nin... i n'd'a trouvé eune qu'elle dot être boyau rouche: cha li armonte jusqu'à s'loupe du haut, qu'elle est rouche.
Non Batisse ch'est pas s'loupe du haut qu'ale est rouche ch'est ses dints qui sont jaunes |
|
| |
Minloute
Sexe : Date d'inscription : 25/12/2009 Messages : 178
| Sujet: Re: ch' fond d écran Lun 28 Déc 2009 - 8:18 | |
|
ché impossipe ed marcher avec des guetres, t as tout d' suite trop caud, ché guetres ché bin que l hiver et cor j' dirais que ceux qui en ont vraiment besoin ché les alpinistes, qui font des efforts certes, bin loin d' mi d''dire le contraire, mais des efforts en fin de compte plus lents , je ne dis pas moins intenses, que peut faire un randonneur
et y a des coups te marche dans des sentiers qui sont intourés d' bruyeres, et te vo pas grand cosse , alors un pantalon ample ché pour mi j' diro pas la solution idéale mais in tout cas ché djà mieu que rien
quand que j' va marcher ché des marches d' chinq heures en moyenne , et pour la photo l important chéto nin d' vire m' gouane d' près chéto pour mi un momint du que j éto aux anges
cha arriffe pas tant qu' cha dans la vie, alors ché pour cha que j' l a choisi |
|
| |
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: ch' fond d écran Lun 28 Déc 2009 - 23:29 | |
|
Minloute aux anch', ouais in ravisant de loin t'as p'ète l'air, mais in vot pas bien, mi j'diros putôt qu'avec tes mains à hauteur de t'chinture que t'armontes t'maronne après avoir coulé un bronsse. |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: ch' fond d écran Mar 29 Déc 2009 - 8:02 | |
|
Ch'est nin incompatipe... suppose que ch'étot un particulièremint dur, je chus sur que tertous i pousse un soupir de soulagemint béat eune fos qu'ch'est passé.
Minloute aussi, suremint. Surtout si que ch'est dins un coin bin aéré comme cha. A l'occasion i étot tellemint ému qu'i avot des tiotes larmes à ses ys. |
|
| |
Minloute
Sexe : Date d'inscription : 25/12/2009 Messages : 178
| Sujet: Re: ch' fond d écran Mar 29 Déc 2009 - 8:13 | |
|
Pour Lou Marcel, j' su réglé comme eune horloche quand que j' va en randonnée, j a toudis ch' p q dins l'poche such"coté du sac .....
grand mère al' dit ti té un vrai canard : té minche , té tchie ......à méditer mes gins ... |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: ch' fond d écran Mar 29 Déc 2009 - 8:34 | |
|
Rassure me, te ne marches nin in balochint tin popotin comme un canard ou eune guernoule? |
|
| |
Minloute
Sexe : Date d'inscription : 25/12/2009 Messages : 178
| Sujet: Re: ch' fond d écran Mar 29 Déc 2009 - 8:40 | |
|
nan j' te rassure pi j' marche toudis tout seu , j a im'né grand mère au tout début in randonnée , 8 jours in montane chéto nos premieres vagances insempe, alors ale a trop rin dit, mais y a un momint j arriffe au sommet et j' dis " t as vu grand mère comme ché bio l ' paysache'"
et là j a intindu eune vo qui éto cor dins l' montée, à quat' pattes dins ché rochers et qui m a répondu '" j in ai marre " avec eune telle virulence que j a sintu qu ale iro pu marcher avec mi ..
ché certain'mint l' meilleure chosse qu ale pouvo m' arriver, et d'puis ch' temps là am' laisse tranquile quand que j' pars in randonnée, et cor quand qu on éto en région parisienne, j' parto 8 jours tout seu in montane cha année ...........cha fait réver hein, 8 jours sans s' garnoule ....bon 8 jours chéto l' maximum pasque aprés j avo les zormones qui travaillotent .... |
|
| |
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: ch' fond d écran Mar 29 Déc 2009 - 9:14 | |
|
Hé! mes gins j'pinse qu'in est pas à l'bonne pach' pou raconter tout cha et ch'est de l'faute à Minloute qui est v'nu chi (ici pas ch... cha ch'est mi) parler de ch'fond d'écran (pas d'maronne hein! cha ch'est cor mi) sus l'pach' ed présintation. |
|
| |
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: ch' fond d écran Mar 29 Déc 2009 - 9:31 | |
|
Ch'est pas sérieux d'partir tout seu Minloute, i peut t'arriver n'importe quoi, d'ailleurs t'as vu qui avot des vipères dins tin coin, té pourros aussi t'faire poursuiff' par un bouc ou un bélier hum! ou alors querre sus ed tiète dins un coin perdu sans pouvoir prév'nir. Nan, mi minme quand j'va arconnaît' eun' rando in est toudis deux au minimum, faut dire qu'ichi ch'est pas du plat et qu'ch'est plein d'cailloux, ou alors ch'est des pistes, ch'est rare quand in a d'l'herpe. |
|
| |
Minloute
Sexe : Date d'inscription : 25/12/2009 Messages : 178
| Sujet: Re: ch' fond d écran Mar 29 Déc 2009 - 11:17 | |
|
Lou Marcel, je sais cha empèche te pas qu in peut s' faire eune entorse , rincontrer eune vipère , querre , avoir un malaisse j' dis pas l' contraire j en suis conscient
mais j' me dis que j' prinds autant d' risques in circulant en carette , et comme ché min plaiji, j' peux pas m in passer ché vraimint comme eune droque, j' marche toutes les semaines , vaut mieux y a des coups ché meme grand mère qui m' dit "te vas pas marcher ?'
ch' sait bien ché ptete aussi qu ale veut savoir l' date du que j' su pas là pour que sin amant torrite i passe al' barraque, mais quo ? j va pas quand meme randonner in faijant ch'tour du paté d' mason .............
j' fais attintion au maximum, si j vo que ch' temps y cange, j' insiste pas
Faut toudis s' dire qu in est invité in montane, aussi bin dins ché patures pasque cha appartient à quéqu un mais aussi que la montane ale est pas à nous et qu ale peut canger d ' aspect vite fait
T'el' sait aussi Marcel, quand que l orache i qué , faut pas faire ché marioles .............. |
|
| |
mady
Sexe : Date d'inscription : 29/12/2009 Messages : 27 mouscron(belgique)
| Sujet: Re: ch' fond d écran Mar 29 Déc 2009 - 21:33 | |
|
bonsoir marcel bin t'es un grand courageux d'marcher comme te fait ,on di que ché bon pour l'santé ,,bin continu comme cha tu vas aller jusqu'a 100ans ,, eej'te souhaite ed' bon tchieur mady , |
|
| |
Minloute
Sexe : Date d'inscription : 25/12/2009 Messages : 178
| Sujet: Re: ch' fond d écran Mar 29 Déc 2009 - 21:43 | |
|
j' dos avouer Lou Marcel, que j s'u un peu perdu such' site, que j'cache du que j' do réponte , mais bon te dit rin à Roger sinan i va accroire que j' le fais d 'expret , mais bon in va s y faire ché comme tout eune question d' habitute .......... |
|
| |
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: ch' fond d écran Mar 29 Déc 2009 - 22:18 | |
|
Bin ch'est facile Minloute, i suffit d'mète un sujet dins ch'forum mais pas dins "présintons nous" là ch'est pou l' présintations d'ches gins au fait ti té t'as pas cor présinté, i in a qui t'connotent pon. Bin faudrot l'faire hein! passe que in sait qu' té va dins ches montannes mais lesquelles. |
|
| |
Minloute
Sexe : Date d'inscription : 25/12/2009 Messages : 178
| Sujet: Re: ch' fond d écran Mar 29 Déc 2009 - 22:49 | |
|
j do pas cor et' au bon endroit, enfin mi j' vo eune touche que ché "réponde" alors mi j' réponds et j' pinso m et' présenté , am'mote que ch 'sujet i do et' ailleurs |
|
| |
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: ch' fond d écran Mar 29 Déc 2009 - 23:01 | |
|
Bin ravisse Minloute, cache si té l'as fait, té ravisses dins tous ches sujets comme cha té verras qu'mint qu'cha fonctionne ichi acht'eure. |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: ch' fond d écran Mer 30 Déc 2009 - 7:23 | |
|
Allez Marcel, ne va nin nous perturber nou tiot canard boyau rouche... I faut être tout douche avec li, i est sinsipe te sais. Un tiot peu comme un cor au pid ou eune carie dintaire.
Minloute, nou tiot canard à nousautes, ch'est vrai que te t'as présinté - t'mémoire elle ne te fait nin que des misères, t'es trop jone pour l'maladie d'Adenauer - mais ch'étot nin ichi. Ch'étot sin sin premi forum à Roger. Ch'ti qui a bin fait de rimplachi par ch'ti-chi. In ne dira jamais assez merci à Roger. Pinse à le faire.
Du coup t'as réussi un exploit de puq: t'as le plus long fil de l'histoire actuelle de ch'nouvieau site tout cha in causint de tes histoires de maronnes trop grintes de t'vitesse de trinsit de tes soucis de daltonisse de t'femme qu'elle bertonne tchand que te l'immènes à un indrot qu'elle a nin invie (t'as au moins cha de normal: t'femme!) et tout cha chu un sujet qui s'appelle présintons nous d'ùche que te t'as nin présinté.
Eh, t'as vu? Pour que te comprennes miux, je t'ai fait exprès pour ti eune phrasse de 6 lignes sins un pet de ponctuation... i faut-i que j't'aime!
Allez va, i serot peut-être timps de t'arprésinter, pour les ginses qui ne te connochtent nin incore. Is auront ainsi eune trace de l'indrot d'ùche que lus vies trintchilles elles ont pris un virache... |
|
| |
Contenu sponsorisé
| Sujet: Re: ch' fond d écran | |
|
|
| |
|