J'ai artrouvé au fond du carton d'artiques d'Noël des vieles pinces à bougies
pour accrocher aux branques du sapin. i m'reste core queques bougies d'époque, des très fines que j'va pas allumer bien sûr.
J'calculos que ches pinces et l'crèche et core deux boules anciennes,cha datot d'1948 ! cha fait un bail cha !
J'ai tout arsorti et installé. Y in a des souvenirs avec ches objets là.

Pis asteur, chés boules vont durer longtimps, alles n'cas'tent pus.. t'avos pas cor fait tin sapin, la clo ? mi j'ai querre faire c'sapin, j'seros même exclusife su ch't'affaire là, j'avos d'maux à laisser mes infants l'faire (ouais je sais, c'est pas bin, croyez me ch'étot un gros effort que j'faisos... mais même pas honte )

J'l'ai fait y a queques jours mais j'avos pas mis ches pinces. Dins l'temps à cause d'cha y in a eu des sapins qui prennotent feu dins ches masons.
i fallot vraimint guetter qu'ches bougies ale étottent pas trop près des branques.
Pour l'crèche comme j'étos un tiot peu fâchée avec l'bon dieu j'in faisot pus d'crèche pis j'sus arvenue sur m'décision pour ches jones j'l'ai réinstallée ; ch'étot m'mémère qui m' l'avot aquatée à Lens. Cha aussi ch'est un bieau souvenir. Elle avot fait croire à tout l'famile qu'ale l'avot ramassée sur l'route nationale, quequ'un l'avot perdue d'sin vélo.

Citation :

J'ai tout arsorti et installé. Y in a des souvenirs avec ches objets là.

Ch'est comme l'boîte à boutons, ou ch'tiroir à fouffes....
ya là d'dins tout plein d'séquos qui font rapp'ler de sacré souv'nirs...

Ch' est fou d'es qu'in peut artrover i a des quo.

. I avot un clochard dins l' rue. I m' a dit:"In inliévant m'' quémiche, j'ai a artreuvé l' gilet qu'j' avos avos perdu d' pus chinq ans." T' as qu' à vire ! !



"

Sacré pépé!

ouais, l'boite à boutons.quand que m'mère all est morte, j'ai d'mindé à mes filles cha qu'elles voulottent imm'ner comme souv'nirs d'leu memée.
l'pus grande all a voulu printe l'boite à couture. qu'est ch'qu'elle avot pu juer aveuc quand elle étot tiote!!
l'aut' jour in allant à s'mason,j'l'ai artreuvé l'boite à couture, ché dev'nu l'sienne achteur....mais au fond de l'boite y nn'a eune aute aveuc d'dins tous ché viux boutons, bouts d'fils, élastiques à maronnes....plein d'séquos que m'fille all s'in sert pon, mais qu'all jechtrot pou rien au monte!