Roger
Sexe : Date d'inscription : 17/12/2009 Messages : 1281 Henin Beaumont
| Sujet: On a vu pire " André BALLE dit Tit Louis d'Peuplingues" Jeu 25 Déc 2014 - 21:31 | |
|
ON A VU PIRE Acoutez-chi mes gins ... acoutez ch'tiote histoire que j'vas vous conter: y avot eune fos ... 0 voyez, cha commin che bin comme dins les contes ... y avot eune fos, un tiot ménage eud' pauvers gins ... Figurez-vous qu' ch'est un ménage Qu'il attindot un héritage ... J'vous parle eud' cha, ch'est déjà viux, y a mille ans ... Peut-ête eud' plus ... Ch'étot Joseph sin nom à li Et s'tit femme alle s'app'lot Marie, y z'avait' ent espoir sur un fiu Pour eul' baptijer : Tit Jésus, Oui mais, voilà, y a des méquants Qui z'attindait'ent après l'éfant Pour li fair' tous les mill' misères. Eul' père y dit - « Quo que j 'vas faire . Je n'vos qu'eune chose ... y faut filer . Marie! Va vit' queurt eul' baudet Té prindras des loqu's pour l'éfant Et pis en route ! Il est grand temps !... Les v'là partis dins la nature Aveuc eul baudet, sans voiture, Marie, jouquaie su l'canasson, Joseph aveuc eul' baluchon, y z'ont marchaie des jours, des nuits, Sans pouvoir trouver un abri... Personne il avot pitiaie d'eux, On les prindot pour des pouilleux Qui z'avait'ent fait un coup d' Jarnac. Il a fallu qu'cha seuche eune vaque Qu'alle arcule dins l'fond de s'n'étabe, Pour fair' plache à ches misérabes ... Il étot temps! su l'coup d'minuit Il étot là ... Pauver pitit, Marie alle l'avot tant bien qu'mal Intortillaie aveuc d'eul' palle ... Ch'étot vers Noêl... Et par malheur y faijot un d'ches frods d'voleur! Que l'vaque aveuc ses bons gros yux, ln voyant ch'tiot éfant tout nu, Alle li donnot un peu d' chaleur Aveuc tout l'haleine eud' sin coeur. .. Ch'est pour vous dir' mes chers amis, Que si nous, au jour d'aujourd'hui, o z'avons nos p'tits imbêt'mints ... Mêm' que, des fos on n'n'a gramint, Faut pon sombrer dins l'désespoir. .. Les sinistraies de m'tiot' histoire y n'ont jamais perdu l'sourire. Et pourtant, eux, y z'ont vu pire ... André BALLE (alias Tit Louis d'Peuplingues)
|
|
tiomolet62
Sexe : Date d'inscription : 22/02/2013 Messages : 489 calais
| Sujet: Re: On a vu pire " André BALLE dit Tit Louis d'Peuplingues" Mar 6 Jan 2015 - 20:06 | |
|
bonjour tartous ; ej souhaite eune boéne et heureusse énnée 2015 ! et l'santé surtout conme in dit ; mais ch'est telmint vraï !! pis étou merci Roger ed nous avoér baler su ch'site un bieu morcieu d'min camarate tit louis d'Peuplingues ; ch'est min préféré ! |
|