Bon, cha fait déjà ine paire ed' fos que je l'dis, j'sus d'Auchel, ed'Cauchy à la Tour, ed'Saint Po sur ternoise, ed'Bully les Mines; j'a fait des études très longues et nin tellemint productives, à Victor Hugo d'Auchel et pi à Bruay, mais là, foque 3 ans, hein, nin trop longtemps, vu les gins qu'in peut des fos y rincontrer.
La vie alle a fait qu'avec ine autre ch'ti que j'avos mariée ine coupe d'année avant in s'est artouvé ichi, qu'in y a créé l'deuxième mi temps d'nou famile,(l'première alle avot ètè faite la haut) et que quand ion a eu déposé nous bagaches, l'idée nous étot bien vénue de s'rinaller, mais cha n's'est pon fait, et qu'in pinse bien finir nous jours ichi.

M'file alle a quand même ine mission à accomplir, l'pu tard possipe, bien sûr, déposer mes chintes su ch'terril du 5, laà du que j'ai si souvint fait queuette...!