L'semaine passée min homme m'a offert un téléphone portape. Un bieau d'après mes infants qui sont jaloux. Jusqu'à présint j'in voulos nin pace que je n'd'ai pas vraimint l'utilité, mais i paraitrot qu'i faut vife avec sin temps distent mes infints et comme un cadeau d'sin chéri cha n'arfuse nin, bin me vl'a donc asteur eune guernoulle "branchée".
C'matin i avot l'arpe d'Noël avec mes tiots et j'me sus dit que j'allos faire une photo des tiots devint l'sapin pou invoyer à l'maman, in direct à sin traval. N'ayant pas cor l'habitude de c'nouvel ingin, d'jà j'ai failli l'oblier à l'mason, heureusemint que j'in avos parlé d'chés photos, un d'mes tiots m'a fait armarquer que j'l'avos nin pris.
Nos v'la donc devint l'sapin et là j'fais une photo, pis eune aute quind chés tiots mingent les papillottes, pis eune aute quind is juent, pis eune aute pou assurer l'cop. Pou mi j'avos fait 4 photos. Bin mes gins j'ai appris que chés apparels ch'étot fort sinsipes. J'ai du laissé min dogt trop longtimp d'sus l'bouton pace que j'me sus artreuvée avec un véritape arportache d'90 photos !!!!! j'peux vos dire que mes collègues (des jonnettes d'35-40 ans pou l'pupart) alles étottent Mort De Rire, comme alles ont dit.
Cha m'a pris du timps pou trier tout cha et n'in invoyer que 4 photos à l'maman (qui a bin rigoler aussi) pfff ! N'impêche j'ai su les invoyer du premi cop NA !

Ch'est pasque té l'as réglé sur "mitraillette à pics".... MDR.......Mi, l'ariéré, j'in avos un j'ai jamais donné un seul cop d'téléphone aveuc, j'l'ai rindu......
     

Bon, puisq'in in est à rire des uns des autres, mi je je viens de chinger le mien de téléphone apparel à photos et avec ch'ti d'avint, tchand que je prenos des photos je ne les artrouvos nin dins le fichier des photos. I n'd'avot chinq que j'avos eune fos prises et pis ch'étot toudis cheules-là qui arsortotent.

Donc je prenos des photos pour rin! Autint dire que j'ai nin trop jué à cha!

I simblerot que cha soche à cause d'eune tiote carte mémoire qu'elle n'étot nin assez rapide ou eune séquo ainsi.

Pépé t'as surmint raison, dins l'menu d'un téléphone, comme dins les aut's apparels photos, on peut indiquer prise par rafale, alorsse tant qu'in a sin dot appuyé sur l'bouton....cha peut aller jusqu'à 3 4 prises par secondes...(sans l'flash).

Les photos alles sont pétète ringées dins des dossiers aveuc l'date du jour comme dins un apparel photo. Batisse a pétète un aute dossier aveuc des autes  dates et ses dernières photos.? ? Faudrot lire l'carte aveuc un PC pour savoir
.     

Si l'carte alle est pleine et qu't'in téléphone i est bin élvié_ i devrot t'dire
.            :"Attintion fiu, l'carte alle est pleine !"
Pour lire aveuc l'PC in peut  utiliser un lecteur de cartes comme cha

Dins les 10 roros dins les bonnes pharmacries..
   Mi j'dis cha,j'dis rin.......ch'est.....

Ché à peu près cha, les anciens GSM n'avaient pas beaucoup de mémoire interne, alors il fallait rajouter une carte micro SD...Avec les smartphones il y a plus de mémoire, et les photos prises se retrouvent automatiquement sur internet....Même ceusses qu'in préférerait que personne ne puisse les voir   ..

Ah... pindint qu'in a des espécialisses sous la main....

Comme j'ai dit au début, j'ai un nouvieau téléphone à tout faire, depuis presque un mos.

Dins les caractéristiques affichées à l'boutique ou chu internénette, ch'est écrit qu'i a eune autonomie de presque un mos in veille et de plus que 24 heures in ouvrint..

Le problème, ch'est que même in li interdisint d'ouvrer (j'ai déconnecté les synchros d'informations émile et pis tout cha) au bout de 24 heures inviron ses piles elles sont à plat et i faut le recharger.

Je voudros croire que je ne chus nin un persécuté des piles....

J'ai été vir à l'boutique, d'ùche qu'un jone qui est né avec un téléphone dins s'main i m'a expliqué que 24 h pour un smartphone ch'est normal. I m'a dit qu'in copint l'synchro automatique cha irot miux. J'ai supprimé l'synchro automatique et l'différince d'autonomie elle est comme qui dirot symbolique.

Alors, qui qui est in mesure de m'expliquer à quo que cha correspond eune autonomie in veille pour ches bazars et tous les combien de timps vous archargez le vôtre?

D'avince merci mes gins. Et le premi qui rigole de mi i a eune margnouffe... In fait comme cha?

Mi, in faisant tout c'qu'in m'a dit pour économiser soit-disant les piles j'vas pas plus que 10 heures..A peu près tous les jours je l'recharge, sur l'USB du PC...quint c'est possible...

Ichi grand'mère qui est "dins l'vint", alle a un tel portape, alle m'a dit qu'alle l'arquerque tous les huit jours........aveuc un chargeur étudié pour....."only with spécified chargeur" aveuc l'prisse USB cha dot pas charger bésef.......
......
A m'mote qu'vos accus sont pas querqués assez ou qu'is sont nases.
..........
Vos accus ch'est des Li-ion...comme ceux des apparels photos, pourquo LI-ion pasqu'is déquerquent pas tout seus.

    Batisse t'es sur qu'i a du courant d'sur l'prisse ? ? MDR..   
....

Pépé, l'différence entre un téléphone portable et un smartphone, c'est que c'est un ordinateur en même temps, qu'on le veuille ou non, il est toujours entrain de travailler en arrière plan, l'anti-virus, les mises à jour automatiques, la météo, le GPS...et surement encore bien d'autres tâches consomment de l'énergie...

Si j'comprinds bin,meme quand qu'in l'met sur off, i iravale au noir, i s'arposse jamais...
.........
D'min temps, in faijot des téléphones sans piles in tindint eune fichelle inter deux boites à chirache.......vites; in étot jamais in panne...MDR.....
........
anecdote: L"aute jour eune finme télphonot d'vant m'majon, d'sur l'trottoit, à j'sais pas qui, alle parlot tell'mint fort qu'au bout d'vingt minutes j'savos tout d'sur famile...(vrai).
.......
J'pariros m'tiète conte un camimbert qu'dins eune coupe d'années is finiront par s"in faire greffer un dins l'tro d'balle.  
      
.........

J'aimeros bin avoir sin avis à l'cheftaine avec sin nouvieau joujou. Combin de timps qu'i tient avint qu'i fache l'armettre in charche sin bazar tout neu.
Hein cheftaine, te nous dis? Merci d'avinche tiote!

Mi l'premier cop que j'ai eu un téléphone, chétot au momint d'Noël , in m'avot bien expliqué, t'appuies là pour répond, si té pon là, in t'laiche un message et té ravises quand t'arviens si in t'a pas app'lé.

J'devos aller faire des courses dins l'ville d'a coté. M'fille a m'dit, prind tin téléphone, si j'vos qu'y manque quiqu'cosse j'tappelle.

M' vl'la partie  dins ch'magasin plein d'gins, de pub, d'guirlande, d'musique.

A un momint donné, j'pass' in d'sous d'eune grosse boule dorée, et j'intinds eune belle musique. Un pas in arrière, j'intind pu rien, j'ravanche, cha arqueminche, bref  j'arcule, j'avinche, j'ar... . bref cha finit par s'arrêter , j'continue mes courses in m'djant, ché vraimint magique, c'qui font asteur.

Mes courses finies, j'arviens à m'voiture, Comme eune grande fille qu'a l'a ben appris s'leçon, j'ravisse si j'ai pas un messge. Miracle, in m'avot app'lé. Ch'étot m''fille qui m'avot laiché un message écrit passe que j'répondos pon,   et là ........j'ai réalisé que l'musique de ch'magasin ch'étot m'sonn'rie d'téléphone.

Quand j'ai raconté tout cha à l'maison, cha a bien fait rire   

 

Bonjour tertous,
Nous in est amon d'not´file àBerlin, et j'ai des russes aussi avec ches engins là.
Au point d'vue autonomie min smartphone i tient euń journée ch´est toute, faut l'mète in charche tous les soirs. Quand à faire et transmettre des photos ch´est euń´ aut´ histoire.

batisse a écrit:

J'aimeros bin avoir sin avis à l'cheftaine avec sin nouvieau joujou. Combin de timps qu'i tient avint qu'i fache l'armettre in charche sin bazar tout neu.
Hein cheftaine, te nous dis? Merci d'avinche tiote!

bin j'lai arcargé mardi au soir et là, c'soir in est diminche et  i faut que j'le fasse.... et j'sus conncectée in permanince. (mais j'm'in sus pas trop servi, foque pou des sms)
Alors, après avoir pris chés rinseignemints auprès d'min homme : li i a un samsung pou sin traval et i faut qu'i l'arcarge tous les jours si qu'i reste connecté, mais tous les tros jours si qu'i s'déconnecte. Mi min téléphone ch'est un truc-phone de l'marque qui veut dire pemme in ingliche....
valà et avec l'mien nin d'problème pou trinsférer eune photo... mais avec ch'ti min homme ch'est moins facile d'faire et d'trinsférer eune photo !
Par conte mi l'mien j'l'ai nin autorisé à diverses séquos qui voulottent m'localiser, cha évite d'artreuver chés photos d'sus gogole+ et d'sus l'net...

Sinon j'souhaite à tertous un joyeux Noël, in part faire Noël dins l'famile qui reste à St jean de Luz... in va traverser l'France in diagonale.
A bintôt

Aveuc leus portapes is téléphontent,is stéléphontent, même dins l'uper marqué, ouais dins l'super marqué, d'rayon à rayon. Pas pus tard qu'hier j'ai intindu eune conersation, sans l'faire desprès bin sur..
.     "Allo, Nanard, té du ? ? ? 
.     - J'sus dins l'rayon des boutèles d'apéritifs et ti du qu't'es ?
.     - Mi j'sus dins l'rayon de l'paraphamasrie.. J'in prinds combin d'capotes ?
.     - Prinds z'un douze douzaines, in séra nombreux au réveillon d'Noel organisé par la Mairie pou l'repas d'fin d'année.
.     - Té cros qu'cha suffira ?
    ch'est des optimisses....... 

In tout cas mi , j'treufe bin pratique de pouvoir vir su min PC  les photos et les films que j'vins d'printe avec min téléphone, in plus, quelqu'un qui est resté à l'maison par exemple, il peut aussi les vir directemint..Ché nin bieau cha !!J'emploie "Dropbox".

Celà dit : Très joyeux Noël...