pépéPéBé
Sexe : 
Date d'inscription : 25/12/2009
Messages : 4646
 Wimille 62126
 |  Sujet: Les vagances à Marie  Mer 9 Oct 2013 - 9:16 | |
|
Vacances en Camargue. Vous savez pas tertoute c’que ch’est vous autes, dins les corons, un repas d’famile .I manquot jamais un mononque, eune matante, un cousin, eune cousine. I manquot personne ! ! ! Zeph avot donc invité tout s’famile à souper , à l’occasion d’ l'artour de s' file eude 16 ans, Marie, arvenue d’vagances in Camargue. Tout l’monte étot réuni autour d’cheule tape, d’vant un bon pâté d’lapin , des patacons, eune bonne boutèle eude rouche........... Les conversations allotent bon train, tout l’monte étot d’bonne humeur, bin contint d’s’artreuver in famile. . L’ tiote mémère, 90 ans étot plachée au bout d cheule tape, à l' plache d’honneur, à côté d’sin tiot garchon …d’un mète quater vingts, un gamin d’ 70 ans core bin vert.. Mononque Alcite avot canté comme d’habitute les mêmes canchons un tiot peu aigrillartes,qu’tout l’monte i connaichot bin . . . .. L’mononque Jules avot raconté les dernière histoires eude Cafougniète, i n'd'avot toudis eune nouvièle à raconter..Li i avot l'cop pour faire rigoler tout l'monte..cha comminchot bin. ……… Ch’est alorse qu’ Marie alle prind la parole à sin tour , pour raconter ses vagances qu’alle vénot d’passer in Camarque. « In Camarque,qu'alle dit, in Camarque, i fait gradmint pus caud qu’ichi, in pusse, i manque pas d’iau. Vous verrotes cha les lègumes qui a dins les gardins ! ! ! Mi, j’ai vu des tomates… des tomates, des tomates.... comme cha….et jognant l’ geste à l’ parole, elle plache ses deux poings côte à côte, pouches in l'air,. Même aveu des tiots poings comme les siens, cha faijot d’sacrées tomates quand même .. " Quo qu’alle dit ? ? ?" demante l’tiote grand-mère à sin tiot fiu...in tindant l’orèle , s’main in pavillon pour miux intinte…. " MEMERE ! ALLE PALE D’SES VAGANCES… QU’ALLE A PASSEES IN CAMARQUE ! ! ! Li crie sin tiot fiux qui étot assis à côté d’elle, in criant à s'n'orèle……. - Ah ! Ban !!!. -La bas, continue l’tiote Marie, i a des concombres, i a des concombres, des concombres, et, désignant l’boutèle d’Bourgone, comme cha, tiens, j’diros même comme min bras, …qu’alle ajoute in tâtant s’ bras droit lièvé comme in bras d’honneur.. . " Quo qu’alle dit ? ? ?" ardémante l’tiote mémère in artindant l’orèle , aveu s’main gauche. dévant s’norèle . - AL PALE D’SES VAGANCES QU’ALLE A PASSEES IN CAMARQUE !!!Li arcrie sin tiot fiux dins s’n'orèle ……. - Ah ! Bon ! ch’etot bien alorse ! » - OUAIS MEME ? ALE A PASSE DES SUPER BONNES VAGANCES MEMERE ! ! !................... Et l’tiote mémère alle répond in criant à sin tour.- J’ESPERE QUE CE JEUNE HOMME…A AUSSI UNE BELLE SITUATION ! ! ! ! ! »- …..    (\__/)
(='.'=) (")_(")
|
|
