Au mos d'février j'avos eu un RDV à mon d'un spécialiste et j'avos pou rhabillure : un pantalon d'hiver, un pull bin caud, normal pou un mos d'février.... hier matin j'avos eune visite d'contrôle à mon du même spécialiste et j'avos d'sus min dos : un pantalon bin caud et un pull, cachez l'erreur pou un mos d'mai ! In aurot pus nin bouger d'là depis février in arot gagné du temps in habillache...
Infin j'sus d'mauvaisse fos tout d'même, in févirer j'avos des bottes fourrées au pids, hier foque des cauchures freumées qui n'craignent nin l'ieau... cha s'améliore...
Pis hier après midi, j'me sus quind même décidée à aller acater mes fleurs, d'habitute j'les mets fin avril, bin in arrivant chez l'horticulteur, vers 15 h sous un ciel presque noir j'ai failli y deminder des chrysanthèmes putôt que des géraniums tellemint in se s'rot cru à la Toussaint !
Hier au soir in a ralleumé l'queminée !