Bon, j"arviens à note problème d'antenne.
Si t'archos par l'antenne t" nd'os archevoir qu'eune trintaine d'émetteurs. Si t'as des chaînes pixellisées, ch'est que t'n' antenne alle est mal plachée. Théoriqu'mint l'antenne alle dot "vire" l'émetteur. T'vièle antenne alle devrot core marcher sauf in cas d'pixellisation partielle....
..........
Si t'archos par l'déconneur tin télé i n'est pas branché d'sur t' antenne mais d'sur l'put... d' déconneur aveuc cha t'archos pus 500 chaînes........
...........



..........
Dins l'programme du télé, ichi un Philips, té fais rintrer les émissions par l'antenne ou par "récepteur numérique" ......ch' par récepteur numérique qu'achos chpus d' chinq chints canaux....attribués un par un aux chaîne d'télé





J'ai arfait eune photo, sur l-aute in vot pas bin.

Faut bin arguetter l'mote d'imploi du télé aussi ch'est pas toudis du burre à léquer surtout si qu't'é la in Japonais.'

Allez pépé, in arrête cha qu'in est in train de faire et in acoute cha que batisse i dit:

J'ai un déconneur comme te dis. Un bazar qui m'a été prété ou loué par min fournisseur d'accès internénette. De ch'bazar i sort effectivemint inviron 500 chaînes. Cha in fait bin 480 dont je me fous éperdumint. Je me sers de ch'bazar.

Le hic est qu'avec ch'déconneur je n'ai aucune chaine in haute définition vu que m'ligne téléphonique, par laquelle toutes ches chaînes elles passtent, elle n'est nin adaptée aux signaux à trinsporter pour la haute définition. A ch't'heure que j'ai eune télé haute définition, cha me chagrine un tiot peu.

Min intenne herzienne qu'elle est brinchée chu l'télé in variinte à ch'déconneur, elle ne vot nin l'émetteur herzien d'assez près. Des fos elle le vot et des fos elle a de l'misère à le vir. Cha dot dépinte du timps qu'i fait. Pour mi cha fait parel à l'télé: des fos j'ai eune bielle imache, avec 3 chaines in haute définition, et des fos j'ai de l'misère à supporter les défauts qu'i a dedins. Du coup cha m'énerfe et j'invos tout cha à luche vu que je préfère vir eune séquo qui va bin tout le timps qu'eune séquo qui alterne intre le super bin et le super moche.

Bon, in tous les cas, min chemin d'accès à l'route i est presque dégagé. A m'mote qu'aujord'hu le pestaque i sera dins l'visière de min casque plutôt qu'à l'écran de m'télé....

A part que j'ai min nez qui coule. Cha pourrot être comique

Bon, pour in arvenir au sujet, je chus dépuni!

Je viens de faire près de 300 km in mobylette. Le pid total. J'avos fait un réglache de carburation juste avint qu'i neige et i fallot que j'essaye m'mob avint de la rhabiller avec sin carénache que cha tient avec eune masse de tiotes vis que ch'est un tiot peu casse pids à installer.

Eh ben je peux la rhabiller. Elle marche aussi bin qu'eune neuve. Elle pousse comme ch'est nin possipe. Ch'est dur parce qu'i faut que je soche sache jusque fin mai pour récupérer les quelques points qui me minqtent. Le dernier coup j'ai loupé le coche à 2 semaines près. Ch'est foque après coup que j'ai appris que si j'avos trainé à payer, le nouvieau point perdu i arot attindu le paiemint et du coup l'avint derni point perdu i arot eu le timps d'avoir 6 mos et du cop j'aros artrouvé m'virginité in points parce qu'i n'd'a quelques uns qui joqtent, bloqués par le derni jone qui fait bouchon.

Valà. Vous vous in foutez? Vous avez bin raison. In tous les cas mi je chus bénaiche.