Avint d'aller au salon du vin et du life que j'parle dins un aute sujet, samedi au soir in a été à eune conférence su l'vie de Colette.
In c'momint dins min villache ch'est l'semaine culturelle "couleurs d'automne" que cha existe depis 10 ans, et l'thème de cheule année ch'est l'écrivain Colette qu'alle avot des amis dins min villache chez qui alle est allée souvent à l'fin de s'vie quind elle étot presque impotente.
Bin mes gins, j'étos loin d'imaginer que Colette avot eu eune vie aussi "riche" !!! alle étot gramint "libérée" pou sin époque et a eu eune vie rimplie d'espériences diverses..
Si qu'alle vivot cor alle ferot la eune des journaux "pipole".
Quind j'ai lu les "Claudine", comme gramint d'jones écoliers (du moins d'nou temps) nous instituteurs nous ont jamais dit que ch'étot eune "coquine" Colette.
Bref ch'étot eune conférence super intéressante, un peu longue mais comme nou ont dit les bibliothéquaires d'nou villache qui avottent gramint travallé pou faire l'conférence, cha a été dur d'faire des choix et l'majorité des gins ont appris gramint d'cosses sur cheule femme là...
Vos savottent vousautes qu'in pus d'écrire alle avot jué dins des pièces, pus que légèremint vêtue ? (c'qui faisot accourir gramint d'hommes au spectaque )

Ouais, j'savos ! Avec des amis in est allé dins un musée dédié à Colette dins l'région d'Auxerre. Ch'est vrai qu'in a été surpris de s'vie d'patachon !

y eu un télé film je n'sais pus quand qui r'traçot s'vie, ché comme cha que j'ai appris que la madame chétot eune libertine...comme quo !!

j'savos qu'elle aimot les cats et que ch'étot eune artisse: ch'est tout.. tcheu minque ed Kulture que j'ai, heureusmint qu'vous êtes là pour m'in apprinte des vertes et des pos mûres dignes d'un journau pipole .

In pinche toudis que les libertines ch'est foque depis l'dernière génération et qu'avint cha les guernoules elles savottent s'tenir aveuc leur tiot chignon et leurs lonques ropes et leurs caracos qui muchot jusqu'in haut l'leur cou... Ha bin non mes gins!

Bin ch'est du prop ! comme dijot m'momère

m'momère à mi, all arot dit : "salope" !!

Toudis dins l'cadre de cheule semaine culturelle samedi au soir in va aller vir eune adaptation du life "Mitsou", racontée et mise in scène par eune actrice... au matin i a aussi à l'médiathèque des extraits d'certains lifes d'Colette lus à haute voix par l'même actrice mais là j'pourrai pas y aller, j'ai répétition d'clarinettes.
Les enfants du villache qui fréquentent l'centre de loisirs, l'micro-crèche et l'relais des assistantes maternelles ont égalemint fait eune bielle exposition intitulée "les chats de Colette", ch'est marrant d'vir leu visions des cats.. i n'da in papi mâché, in pâte à sel, in tissu, in peinture d'tertoutes couleurs.
Vindredi soir i a aussi l'chorale du villache qui donne un concert évoquant l'interêt d'Colette pou l'nature et les cats. In va aller y faire un tour après l'répétition d'l'orchestre, in a un ami qui cante dins cheule chorale... avint l'chorale i a l'association des "apprentis comédiens" qui va faire un spectaque tiré des textes de "dialogues de bêtes" mais cha, hélas in pourra pas y aller, ch'est pile poil aux mêmes horaires que l'orchestre... faudrot pouvoir s'coper in deux des fos !....

bref....dins tout "cha"...faudrot pon avoir un "chat" dins s'gorge...

cha c'est sur !

Si j'comprinds ben ,



Colette alle a dû souvint juer d'eul Clarinette ,



pas-d'sous s'couette ...

si t'as un cat dins t'gorche, t'a qu'à printe du sirop pour matou...
Bin.. in fait cha qu'in peut hein?