C'ouiquende étot organisé dins un villache pas loin d'chez mi, l'86ème salon du vin et cheule année is avottent associé un salon du life...
Comme in avot eu des intrées gratuites de l'part des parints de tiots que j'garde in s'a dit qu'in allot y faire un tour. Pace que d'pis 30 ans qu'in est dins l'région in avot jamais été à c'salon là. Faut dire que dins l'région i n'd'a gramint et qu'in peut pas tous les faire...
Du coup in y est allé hier avec des amis et in a passé eune excellente journée.
L'salon n'étot nin trop grind, in s'marchot pas su les pids et un a eu eune excellente surprisse avec l'salon du life.
I avot au moins 30 stands, avec les auteurs qui parlottent d'leu lifes et ma foi intinde l'auteur résumer sin life avec passion, ch'est bin miux que d'lire l'résumé de l'couverture.
Au départ in étot parti pou acater du vin, bin au final in a acaté pus d'lifes que d'boutelles... Min homme des lifes su l'guerre 39-45 que ch'est eune période qui l'intéresse, mi ch'est putôt l'moyen ache mais y avot pas d'life là d'sus, j'me sus rattrapée su des polars et su des lifes pou enfants avec d'bielles illustrations
Au lieu d'l'ivresse du vin in ara l'ivresse des mots ....

Livre Est-ce des mots?

Comme te cause bieau Tiote Belotte

J'in ai core d'autes histoires vraies à vous raconter quand qu'j'arai un momint.....

In parlant d'lifes pou infants, c'matin j'ai emmené mes tiots à l'bibliothèque.... eune fos par mos est organisé eune séance "raconte-tapis". Cha consiste à raconter des histoires basées sur un thème arprésenté par un tapis in tissu avec des séquos cousues d'sus qui rappellent c'qui a dins les lifes d'l'histoire.
C'matin ch'étot l'histoire d'eune tiote guernoulle qui n'arrivot pas à grimper d'sus un nénuphar... Rassurez vos à la fin alle y arrife ...
Y avot inviron 15 tiots, 3 ans pou les pus "viux" i n'd'a pas un qui a bronché.. Is étottent captivés par l'histoire.
Ch'est bin organisé chés "raconte-tapis", comme cha s'adresse à des tout tiots, cha n'dure pas pus d'eune demie heure et y a toudis eune canchon dins l'histoire, arprise in coeur par l'bibliothécaire et chés "nounous"...
J'ai querre chés momints là.

J'ai espliqué aux grandes soeurs des tiots que j'ai emmené qu'in disot "guernoulle" pou grenouille, cha les a bin fait rire... et l'pus drôle ch'est que l'tiote soeur que j'avos emmené, elle arrife bin à prononcer l'guer et le noule... alors que l'gre et le ouille.... cha coinche ! comme quo nou langache est pus facile, énon ?

ti, ché "du vin et des lifes" mi ché " du café pis un film"

j'sus eune amateusse d'cinéma, cha vous l'savez déjà (si vous l'savottent pon...achteur, ché fait) d'pis que j'sus pinsionnée , je n'm'in prive pon

et l'mardi ché "séance espaciale séniors"....je l'savos pon...mi j'y allos comme cha, pachque ch'film y plaijot.

j' treuvos déjà bizarre (mais interessant ) que l'plache all seuche à 4,50 euros... j'veyos bin que dins l'salle y n'avot pon gramin de jeunesse (mais l'mardi après midi, l'jeunesse all est à l'ouvrage)...et in sortant d'là eune bonne odeur d'café attire min nez...

distribution d'eune bonne tasse d'jus gratuite aveuc papotage su ch'film..et ché comme cha tous les mardi après midi.

bon, j'irai pon exprès tous les mardi ... mais j'treuve l'initiative interessante surtout pou des gins qui n'font que l'sortie là de l'semaine... (et y nn'a savez...in acoutant parler les uns et les autes...y a gramin d'solitute!!)

y'a rin d'tel qu'eune tasse ed jus pour dissoute les solitudes ... surtout si qui a eune belle piche à vir avint pour nourir les papotaches.
Ch'est eune bielle idée cha.
Dins un villache tout près : y'a eu eune veillée conte pindint qu'les gins y épluchottent des légeumes et pis à la fin... y'avot eune soupe à partager: cha ch'est eune bielle idée aussi.
In arvient toudis aux valeurs surtes... du jus ou de l'soupe à partager sur des histoires.