Ouais cheule année j'ai un tiot peu d'maux à arprinde l'rythme...
Tant qu'i n'avot pas cor l'école cha allot mais d'pis l'rintrée j'arrife pas à m'mette dins l'tiête tous les cangemints. In effet, j'travalle avec les mêmes familes que l'an passé et l'même nompe d'enfants mais les implois du temps d'chés parints ont cangé et du cop cha cange pou mi aussi. Des jours d'ù qu'j'avos certains tiots, ben j'les ai pus mais j'les ai à des momint d'ù que j'les avos pas avint ! vos suivez ?... et bin sur ch'est différint selon les familes.

Par eximpe c'matin, j'ai préparé l'arpas pou min tiot de 16 mos, très bin, j'étos même in avance su min emploi du temps.... ouais, sauf que l'tiot i part à 11 h 00 asteur l'lundi... après, à l'sortie d'l'école j'ai failli partir sins eune tiote qui restot à l'cantine l'lundi l'an passé, sauf qu'asteur ch'est l'mardi qu'elle y reste ! heureusemint s'soeur m'a rappelé qu'elle étot pas là et qu'i fallot l'attinde !
Bin cha alors ! j'me mettros bin des margnouffes ! cha m'étot cor jamais arrivé d'avoir autint d'maux in septempe !
A chés tiots signes là j'me dis que l'âche comminche à juer ! va falloir que tout cha s'mette in plache rapidemint pace que cha va dor durer queques ans !....
Infin à part cha l'orchestre et l'chorale arprennent cheule semaine et ça j'ai nin oblié ! ! ouf !

Te sais quo l'tiote, bin te m'rassures ! Ouais, ouais....mi aussi j'ai eu d'el misère in fin d'carrire : j'avos du mau à encaisser tous ches cangements à l'rentrée....

Au fait, t'es sure que les horaires d'l'orchestre et d'el chorale is z'ont nin cangés...."j'rigole" comme is distent les jeunes.

Tiote Bellotte."j'ai failli partir sins eune tiote qui restot à l'cantine l'lundi l'an passé, sauf qu'asteur ch'est l'mardi qu'elle y reste ! heureusemint s'soeur m'a rappelé qu'elle étot pas là et qu'i fallot l'attinde "


. Mi, Ch'est min quien qu'j'avos oblié d'sur l'terrain...i a un copain qu'i m'la ram'né, heureus'mint, ch'arot été un drame si que j' l'éros pardu...

.Li aussi i arot brai d'pus arvir ses parints..

Matante a écrit:

Au fait, t'es sure que les horaires d'l'orchestre et d'el chorale is z'ont nin cangés...."j'rigole" comme is distent les jeunes.

Ouf ! ch'est bon cha n'a nin cangé chés horaires...
Par conte j'étos cargée d'mette de l'pub pou l'chorale dins les boites au lettes d'min villache, fin aout, pou arcruter et... j'ai compètemint oblié ! du cop j'ai invoyé l'pub par émile à tous mes contacts d'ichi in leu demindant d'transmette aux personnes qui pourottent ête intéressées...
Bon j'ai quind même un tiot peu sauvé l'cop.... mais j'cros que j'vas nin m'vanter d'cha !