Min plus grand étot dins l'classe de l'directrice ed l'école.
Un jour ale m'appelle à min traval ale voulot m'vire.
Premier réflexe : qu'est ce qui z'ont core fait ?
J'arriffe à l'école l'directrice ale m'esplique qu'ale trouvait que l'dessin d'min garchon étot triste, sombre avec un crucifix (sur eune feule d'alu assez épais) entouré des ronds de plusieurs couleurs, à l'intérieur un joli poème. Je n'avos pas trouvé l' tout bizarre, le choix du crucifix ouais et min tiot m'a dit " j'ai trouvé joli." Bon cha n'm'avot pas perturbée.
Arrivée à l'mason, j'demande à min tiot mais quemint qu'ch'a s'est passé ?
"Bin la maitresse ale nous a dit de choisir quelques chosse qu'on avait visité ou vu et qui nous avait plu".
L'esplication; l'diminche juste avant d'faire l'dessin in avot visité l'abbaye d'Aubazine pas loin d'chez nous. Là in avot vu les trésors et y avot eune châsse avec un joli crucifix intouré de pierres précieuses.
Voilà l'différence d'vue d'un adulte et d'un infant. Core un peu in allot s'artrouver devant un psy.. pour cha.

Ah ouais... ch'est nin rare qu'in culpabilisse pour rin!

Dins min incien méti je partos au bout du monte plusieurs fos par an, au moins 3 semaines.

Forchémint, les afants is étottent un tiot peu fiers de dire à lus copains que lu papa i étot in Corée ou au Japon ou in Afrique du Sut et tout cha.

Et régulièremint les maîtresses elles dijottent à m'femme que cha se sintot que le papa n'étot nin là, que les afants étottent perturbés etc...

Alors in a interdit aux afants de dire que lu papa i étot in voyache.

Du coup, comme par magie, tchand que m'femme, avec sin air annochint qu'elle savot bin printe, elle demindot aux maîtresses si tout allot bin, eh ben cha allot!

. I n'da un qui a raconté à l'école qu's'mère avot inclamé sin père sin l"étolette au fond du gardin pas qu'i étot plein et qui avot tchié dins l'lit..... cheux la in a du maux à les faire taire, au moins, eusses' is z'ont eune sait quoi d'intéressant à raconter.
l'étolette, les baraques à lapins