Dins eune localité voisine du qu'in reste, quanqu'in est arrivés y avot comme dins beaucoup d'villaches 3 épiceries, un tabac journaux, marchand d'cauchures, bazar, bijoutier, 2 boucheries, 2 boulangeries, 3 restaurants, 2 hôtels, mercerie, pressing, 3 coiffeuses. Bref in avot tout sous la main
Petit à petit l'grante ville ale a tout absorbé, ches boutiques fermottent l'z'unes après l'zautes, i restot pus que 2 restaurants et 1 boulangerie.
L'municipalité a raccaté un immeupe et ouvert un point épicerie et tabac.
Pis l'monte amenant l'monte 3 commerces ont été arpris par des jones, c'qui fait core plus plaisi et dernièremint un jone qui a réouvert eune boucherie. J'peux vous dire que j'ai trouvé là un vrai professionnel, qui sait accater ses bêtes, les limousines avec l'vieau sous la mère (pas sous la mer) ch'est réputé. Je n'sus pas la seule à pinser cha ; s'boucherie y a toudis du monte, et ches gins i viennentent d'loin !
Ch'est un bourg qui ar'vit .

Bravo. Un double bravo d'ailleurs, vu que pour s'installer dins un indrot d'ùche que l'nombre de cliints potintiel i est limité, et espérer in vivre quind même, i faut eune bonne dose d'optimisme.

Le deuxième bravo ch'est pour l'effort qui est à ch't'heure nécessaire pour mettre tout le bazar aux normes européennes, qui des fos sont sacrémint saquées par les cavux et qu'in prime in France i n'est nin rare que des "espécialistes" is décident de mettre l'barre incore plus haut, cha qui tue grammint d'activités.

In tous les cas, je chus contint que t'es continte!