Bonjour Tertous,

cha y est in est arrivé amon d'nou file à St Barth après avoir passé 11 jrs in Martinique dû qu'in avot pas internénet.

Bin in a raté plusieurs anniversaires mais j'peux vous dire que Solan?e alle a brait à Paris, l'1er avril, quand in li a dit qu'not vol i étot annulé (vous savez là dû qu'in passe dins l'cabine d'essayach', là dû qui faut presque s'déshabiller pou aller d'l'aut côté de l'barrière), ch'étot cor pire que pour sortir d'eun' églisse, alle arrivot pu à s'armète. Bref in est parti quand minme, mais alle a pas apprécié du tout l'blaque du 1er avril.



Donc avec gramint d'artard in souhaite un Joyeux Anniversaire à Roger et à Mononque André qu'in a loupé aussi.

Bref tout s'passe bien et i fait caud.

Bin pour nous i fait frod !.....ch'est toudis cha d'pris pour l'beau temps de ch'été.
Profitez bin d'vot séjour et pour l'artour i arot pu d'pichon d'avril pour Solan?e.

Un tiot coucou de Madrid
Nosautes aussi in a eu du stress et in a failli pas arriver à l'heure prévue, j'vos raconterai cha à min artour, infin si in peut rintrer, in devrot normalemint décoller lundi soir, mais paraitrot que lundi air ibéria i est in greffe... mi j'sus cor in vagances mardi, ch'est pas trop graffe mais min homme li i travalle mardi... infin in verra bin, pou l'instant in profite...
C'soir in voulot s'couquer pas trop tard car in a fait eune rude journée de marche et de visites et in étot mates... mais, bernique ! i dot y avoir un mariache dins l'hôtel, in pourrot guincher dins l'chambe..... l'sono dot ête juste in d'sous d'nou plafond !!! ah ! in c'momint ch'est un slove "only youuuuuuuuuu", ch'est dommache d' rater cha !!!!! mi j'vos l'dit in va finir par aller s'inviter.... quitte à nin dormir...
Et viva ESPAGNA............................ au fait i fait nin aussi aussi ichi !

Bonne grasse matinée , Te devros aller leur juer du clairon au matin chu des airs de viva Espagna ou bin ''On On ly You''..... ch'est un hôtel internationnal d'ù qu'ch'est qu't'es? Cha cause inglais, espingouin, patos à tous les étaches.

Bonne journée à tertous

bin, si te peux pon rintrer pou cause d'grève ché pon de t'faute
après faut treuver ché doupes pis eune plache d'hotel pou prolonger tin séjour
mi cha m'est arrivé quand que l'volcan islandais il a éternué...mais j'étos amon de m'file...j'aros cor pu rester eune semaine, sauf que m'n'homme il a voulu rintrer "boulot boulot"
in a du printe l'train, j'vous essplique pon l'perte d'doupes qu'in a eu pis l'timps qu'in a mis pour rintrer...