|
|
Auteur | Message |
---|
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Le minger et le boire Dim 7 Fév 2010 - 8:29 | |
|
I a l'air qu'in un demi siècle nous habitutes alimintaires et boirimintaires ont sacrémint évoluées.
Du coup cha serot peut-être instructif de se ramintuver des plats qu'in mingeot courammint dins le timps et qu'in ne minge presque pus. Parel pour les boissons, mais cha ira grammint plus vite!
Et pis cha donnera un tiot coup de pid dins ses cheviles à Adenauer et s'maladie
Je comminche: - des saucisses qu'in acatot au mètre et que ch'étot fin bon avec des choumettes (ou de l'compotte de pommes). - du boudin, parel, avec de l'compotte, ou de l'purée - du "singe" avec des frites (hmmmm!) |
|
| |
Matante
Sexe : Date d'inscription : 28/12/2009 Messages : 781 au Nord
| Sujet: Re: Le minger et le boire Dim 7 Fév 2010 - 9:07 | |
|
L'bire au lite qu'in buvot même al cantine et que j'sais que même si j'aimais pu trop j'ai arcomminchais à in boire au lycée paceque les garchons is lavottent lus mains dins les pots à ieau !
Tout ch'qui est "ragout". Mes tiots afants is font un' drôle de tête quind j'in fais !
L'purée d'majon qui est d'venue "dis mamie, tu nous fais d'el purée ?" |
|
| |
Roger
Sexe : Date d'inscription : 17/12/2009 Messages : 1281 Henin Beaumont
| Sujet: Re: Le minger et le boire Dim 7 Fév 2010 - 9:35 | |
|
mes gins Ouah Batisse! té m'arplonges 25 ans in arrière! ch'est un peu près ch'temps la que j'ai nin mingé ch'plat là! de l'saucisse avec de l'compote ed d'pommes,ch'est mère qui faisot cha.. des choumettes,core un nouviau nom,ch'est rare qu'in l'intind ch'mot, ch'est des choux d'Bruxelles? de l'purée d'choux,ch'restant chétot pour l'soir,m'mère faisot récauffer cha à l'païelle avec un ail, et in mingeot cha étalé sur eun' tartine. ch'bouillon d'langue,ou à l'tiête ed d'vieau,l'diminche,que cha sintot bon din l'cité au matin d'bonne heure. Et chez cornets que m'mère faisot,elle roulot l'pate sur des cornets in fer,et mettot cha au four,eun' fos cuit,elle rimplichot cha d'crème à libouli. que régal tout cha! |
|
| |
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: Le minger et le boire Dim 7 Fév 2010 - 9:42 | |
|
l'queue d'boeuf avec des frites ou minme tout seul, i a tel'mint d'viante d'sus, mi j'préféros ch' gros morciau. i avot aussi du pie d'vaque copé in pétits dés. |
|
| |
bourdonb
Date d'inscription : 25/12/2009 Messages : 28 Fouquieres lez Lens
| Sujet: Re: Le minger et le boire Dim 7 Fév 2010 - 9:44 | |
|
em' femme elle in fait cor des cornets comm'cha a l'ancienne que ch'est bon mi din l'temps l'matin in dejenot du saindoux avec du poiv' et du sel qu'in trmpo din di café chetot moins ker qu'che beurre Et des tranche ed lard fumé avec un' frite Des oeufs battus din d'el biere avec un quignon ed pain cha faisot un soupé a de mes gens et bon appetit |
|
| |
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: Le minger et le boire Dim 7 Fév 2010 - 9:50 | |
|
Du saindoux avec du poif et du sé dins ch'café, IN REGAL. |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Le minger et le boire Dim 7 Fév 2010 - 12:22 | |
|
- Roger a écrit:
- des choumettes,core un nouviau nom,ch'est rare qu'in l'intind ch'mot, ch'est des choux d'Bruxelles?
T'as tout bon Roger! T'es nin un grind chef à pleumes pour rin... Eune séquo qu'in mingeot régulièremint aussi, l'air de rin, ch'étot du gva. In mingeot souvint cha haché, cru. Du tartare quo! A ch't'heure i faut bin cachi pour trouver eune chevaline! A l'cantine i avot des fos des nouilles au chuc. Beurk beurk beurk, j'ai jamais aimé cha. Parel avec le riz au chocolat d'ailleurs! |
|
| |
nounours-94
Date d'inscription : 27/12/2009 Messages : 1567 Bolbec (76)
| Sujet: Re: Le minger et le boire Dim 7 Fév 2010 - 13:02 | |
|
à prpos ed bouillon . mi j'avos ker les oches à moelle.min père i m' metos cas sur eune tartine evec du poife et du sel que régal.asteur in in treufe pus et ché bien dommache. surtout par ichi in région parisienne.à croire que ché bouchers n'ont pas connu cha. |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Le minger et le boire Dim 7 Fév 2010 - 13:32 | |
|
Ah? Cha m'étonne un tiot peu. Des oches à moelle in in trouve assez facilemint au supermarché et même au resto vu qu'i n'd'a chu la carte des tros brasseux. Is in servtent même grammint... qu'à la fin te pinses à tin fo!
Bon, j'ai vu cha à Tourcoing mais si qu'i a des tros brasseux ailleurs, i faudrot vérifier. |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Le minger et le boire Dim 7 Fév 2010 - 13:35 | |
|
De l'veille poule, qu'i fallot laichi cuire tros jours pour qu'elle soche un tiot peu moins durte... ch'étot bon. Ch'étot rudemint gras mais ch'étot bon.
Et pis, comme pour le bouli, cha sintot rudemint bon dins l'majon! |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Le minger et le boire Dim 7 Fév 2010 - 13:37 | |
|
Du ragout de mouton, avec rin que des bas morcieaux et avec grammint de navets. Hmmm un délice! |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Le minger et le boire Dim 7 Fév 2010 - 13:43 | |
|
Je me deminte si qu'i a incore des ginses qui font lus frites à l'graisse animale.
A nous majon ch'étot mitan saindoux et mitan gras de boeuf. Très diététique... mais tchand que l'voisine elle faijot ses frites à l'végétaline nou mère elle faijot des bonds tellemint que cha puot.
Le 100% graisse de gva, ch'étot apparemmint eune espécialité des baraques à frites. Cha puot la rage mais cha faijot des sacrémint bonnes frites, incore meilleures qu'à l'majon.
L'avintage de tout cha, ch'est qu'eune fos que ch'étot arfrodi, cha faijot un bloc et in pouvot ringer l'friteusse accotchie à un clo dins l'deschinte de cafe. |
|
| |
Matante
Sexe : Date d'inscription : 28/12/2009 Messages : 781 au Nord
| Sujet: Re: Le minger et le boire Dim 7 Fév 2010 - 14:29 | |
|
- batisse a écrit:
- [
A ch't'heure i faut bin cachi pour trouver eune chevaline! ! Ch'est pac'que t'es nin in boyauroucherie ou dins l'nord ! Quind mes afants is arrivent ed Marseille leur plus grind plaiji' ch'est du sau isson d'g'va |
|
| |
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: Le minger et le boire Dim 7 Fév 2010 - 15:22 | |
|
Bin nous quand in va sus ch'marché à Sommières in acate toudis du bidet.In peut minme avoir eun' lanque sus commante. Mais ch'boucher i est pas loin d'printe s'n'artraite alors après j'sais pas dû qu'in pourra in trouver eun' aut' ed boucherie, mais in trouv'ra. Quand in ar'monte à Bruay in ar'viens toudis avec du saucisson d'bidet que j'va acater in bas de l'côte du 3, ch'est l'meilleux qu'j'a trouvé ichi i l'font pas parèle mais in in minche quand minme. |
|
| |
Roger
Sexe : Date d'inscription : 17/12/2009 Messages : 1281 Henin Beaumont
| Sujet: Re: Le minger et le boire Dim 7 Fév 2010 - 16:00 | |
|
Ichi à Hénin,in a core eun' de chevaline, tous les mardis ou mercredis au soir,j'minge et m'soupe in i mettant un peu d'hachi d'bidet, j'adore cha! Quand à l'saucisson,j'te coupe des rondelles sur in morciau d'baguette et d'pain bin frais et croustillant,ouah! que bonheur,j'n'in bave... |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Le minger et le boire Dim 7 Fév 2010 - 18:06 | |
|
bin nos in mange cor régulièrment du g'val , i in a mon Edouard et eune fondue avec du g'val...... hum que regal !, ch'est tendre.. pou les choux de bruxelles chez nos in disot des chimettes... j'sais que quind j'étos tiote j'ai mingé du pigeon (sin doute avec des tiots pos ) min grind père avot in pigeonnier, mais j'me rappelle absolumint pus l'goût qu'cha a... j'ai l'souvenir aussi que presque tous les jeudi midi in mingeot avec mes frères chez m'grind mère et qu'elle nos faisot de l'purée d'pos cassés, j'cros que j' n'd'ai pus jamais mingé d'pis c'timps là, elle faisot cha avec des saucisses min grind père ch'étot s'pécialiste des couilles de Suisses (ou couques de Suisse ou biloute de curé selon les indrots), hum j'adoros cha, avec l'burre et chuque qui guilot, AH !!!! souvenirs, souvenirs......... |
|
| |
nounours-94
Date d'inscription : 27/12/2009 Messages : 1567 Bolbec (76)
| Sujet: Re: Le minger et le boire Dim 7 Fév 2010 - 18:15 | |
|
j'ai connu eune boucherie chevaline à côté ed l'ancienne école ed' musique au 3 ché chelle la loumarcel? |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Le minger et le boire Dim 7 Fév 2010 - 22:05 | |
|
. Dins min premier villache, min camarate curé m'avot donné l'autorisation d'daller querre les pigeons dins l'clocherl J'm'in sus pas privé! ! ! . Des boucheries chevalines i n'a core aux marchés d' Boulonne et Wimereux ! ! ! Rin d'tel pour t'arquinquer qu'du hachis d'bidet dins l'soupe...... . Quant aux pichons ! ! J'vous dis pas ! ! ! .... |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Le minger et le boire Lun 8 Fév 2010 - 8:39 | |
|
Ch'est vrai que du timps qu'i avot du monte dins les églisses - in a connu cha énon? - i ne fallot nin minger de viinte le vindredi.
Du coup au moins eune fos par semaine in mingeot du pichon, ou des oeufs. I me simble que nou mère elle acatot du bon pichon, ginre sole et séquos ainsi, qu'à ch't'heure cha coûte l'pieau des fesses. Nou père i préférot les sprats... ch'étot nin tout à fait des mêmes ches deux-là!
Quint aux oeufs, i avot les recettes "in ne nourrit nin les pourcheaux à l'eau claire" et les recettes "tais te et minge".
Dins l'première catégorie, i avot du gruyère râpé, que le marchind i râpot devint nousautes dins eune grosse machine, du lait bin gras de l'ferme, évintuellemint des chimpignons ou des lardons ou des pennes tierre ou des séquos ainsi pour rinforcer un tiot peu.
Dins l'autre catégorie i avot les oeufs cuits durs et les oeufs chu le plat. J'ai un grind respect pour ceux qui domintent l'cuisson des oeufs chu le plat. Déjà, cha fait des gros "schplotchs schplotchs" in inveyint du beurre fondu rudemint caud tout partout alintour, et pis surtout, chaque coup que j'essaye, soit le djaune i est cuit dur au fond et i a incore du glair au-dessur, soit.... je touille à cause de ch'foutu glair au-dessur, et cha finit in machin qui arsonne à eune moche omelette. |
|
| |
bourdonb
Date d'inscription : 25/12/2009 Messages : 28 Fouquieres lez Lens
| Sujet: Re: Le minger et le boire Lun 8 Fév 2010 - 8:56 | |
|
Le vendredi in mingeot souvent el soir un oeuf battu din d'l' bire avec un tiot morceau ed pain et midi patacon rollmops |
|
| |
Roger
Sexe : Date d'inscription : 17/12/2009 Messages : 1281 Henin Beaumont
| Sujet: Re: Le minger et le boire Lun 8 Fév 2010 - 9:10 | |
|
in parlant d'oeufs,quand j'allos à l'pêque avec min biau père,l'première chose qui faisot in arrivant à ch'marais,i s'asseyot sur cayelle,i ouvrot s'musette,prenot eun' tartine beurré,i sortot eun' boîte in fer rond allongé,d'din yavot quatre oeufs frais din du journal,i sortot sin tiot coutiau,tapottot ch'l'écaille sur l'dessus de ch'l'oeuf pour faire un tiot trou,et i gobot ch'l'oeuf tout in mingeant s'tartine,i min proposot toudis un,et ch'est vrai que je m'régallos,j'glaire i passot in premier,pour finir avec el jaune. Que de souv'nirs! |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Le minger et le boire Lun 8 Fév 2010 - 9:37 | |
|
Pouquoi qui fallot minger du pichon l'vendredi ? ? . A qui qu'cha profitot ? ? d'minger du pichon l'vendredi ? ? ? . Qui ch'est qui vindot l'pichon ? ? ? . Vous treuvez l'réponse, voos avez tout comprind ! ! ! . In étot les seuls du villache à n'pas fréquinter l'églisse. Pas d'communion , baptème rin, et pourtant j'ai toudis été bin aveu les curès, chétot des brafes types cheux qu'j'ai connus. I n'avot même un qui invitot, al messe, les gins à vénir à nous expositions d'fin d'année, et i vénot li aussi ! ! ! I étot bin archu ! ! ! Pourquoi pas ! ! ! ! ..... Si tous les gars du monte ....
..o |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Le minger et le boire Lun 8 Fév 2010 - 12:59 | |
|
i a quette cosse qui vient d'm'arvenir..... quind l'jeudi après midi in rintrot d'chez m'grind mère, i avot eune bonne odeur qui nos catouillot les narines dès qu'in avot franchit l'porte d'intrée, cheule du gâtiau d'riz au caramel que m'maman nos avot préparé et qu'in avot d'maux à attinde qu'i arfroidisse pou commincher à pluquer d'dins cosse bizarre je n'd'in fait jamais du gâtiau d'riz, du gâtiau d'semoule ouais, mais pas gâtiau d'riz, allez savoir pouquo ? |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Le minger et le boire Lun 8 Fév 2010 - 14:45 | |
|
Cha se cuit au bain marie? |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Le minger et le boire Lun 8 Fév 2010 - 14:59 | |
|
- batisse a écrit:
- Cha se cuit au bain marie?
|
|
| |
Contenu sponsorisé
| Sujet: Re: Le minger et le boire | |
|
|
| |
|