T'es laide avec tes cavux toutoules!

bin ch'est normal que té m'troufes laide, ch'est pas mi su l'dessin, mi mes caveux is sont magnifiques

Ah? Ch'est nin ti?

Pour in arvénir au sujet - sacrées guernoules... - dins le "boire", à part l'bière que, ch'est vrai, in n'd'avot dins sin verre pratiquemint dès qu'in ne chuchot pus un biberon, i avot les sirops de toutes sortes.

Bon, cha existe incore, ch'est vrai. Mais dins min souvenir, les sirops ch'est synonyme de cocktails qu'in faijot tous les cousins cousines insonne aux réunions de famile. Matante elle le confirmera peut-être...

Un cocktail ch'étot un mélinche de différints parfums. In rimplichot les vierres avec tout cha qu'in trouvot, à part de l'ieau. Et in le buvot! I n'avot nin de parfums exotiques comme à ch't'heure. In se contintot de sirops d'oranches, chitrons, minthe, grenadine et à m'mote qu'in a fait le tour.

I faut dire que j'ai un cousin et eune cousine qui étottent particulièremint redoutables à l'déconne.

Surtout min cousin... vinguette! I a des réunions de famile qu'in in cause incore à ch't'heure. Z'avez qu'à vir!

Du foie, vous in mingez incore régulièremint vousautes?

Mi ch'est eune fos de timps in timps, in va dire maxi chinq fos dins l'année. Mais dins min jeune timps, ch'étot un plat courint à taffe à m'majon.

Je dis à m'majon, parce que de 10 à 18 ins j'étos pinsionnaire. Ch'est un timps qui fait partie de mes meilleurs souvenirs.

Eh ben vous me croirez si que vous voulez, ch'étot un pinsionnat qui se voulot moderne, avec, vers mes 12 ins, du minger in self service.

Ch'étot possibe de printe des frites à tous les repas (à part le matin bin sur...). A ch't'heure les diététichiens is sauterottent au plafond devint des coups parels!
Et in avot de l'bière à table.

Et in vit incore...

nos in minge jamais d'foe ou autes abbats et j'me rappelle pus si m'maman elle in faisot car min père i est comme mi, i a pas querre cha... quind mes infants is étottent tiots j'ai jamais pu leu faire de l'cervelle, rin que de l'vir cha m'écoeurot....
mais ma maman elle se faisot des tripes rin que pou elle, et incore asteur...

mi j'me rappelle des boutelles d'limonade qu'in allot querre d'timps in timps à l'tiote épicerie familiale, à 50 m de l'majon, l'dame qui nos servot elle s'appelot Yvette, elle connaissot tous chés infants du quartier... elle avot eune soeur Marcelle qui vivot sous l'même toit et qui aidot aussi à la vente, elle nos impressionnot nos chés gosses car elle étot naine et intinde eune vox adulte dins in corps d'infant cha nos faisot bizarre, dès qu'in étot pus grind qu'elle, elle nos demindot d'attraper à sa place tout c'qui étot in hauteur...

.

.
In veyant ch'oziau la vous devez croire qu'ch'est eune cacoule. Et bin nan, ch'est un émeu, eune espèce d'autruche. Dins nous coin, i a un él'vache d' émeus et un tiot bistrot-restaurant. Pas d'chichis, , in minche dins l'bistrot , Madame nous sert ....ed l' émeu ! ! Ch'est jolimint bon ! ! A s'rouler par tierre, ! In plus cheule finme, elle nous fait des mille feules, vous pouvez les compter, i n'in minque pas eune..I fond dins vous bouque ! ! ...In plus, vous payez pas cher et vous avez core gratuit'mint un sourire jusqu'aux zorèles et un rire à mete in canette.....
. J'exagère pas du tout ! ! !
.. Minger d'l'émeu ! ! ! !

M'mère ale cassot un oeuf ale battot l'blanc presque in neiche, ale rajoutot l'jaune, sel, poiffe et in trimpot des mouillettes ed bon pain bien frais arcouvert d'bon beurre accaté à la sincière qui passot dins ches corons. In faisot bonne chair avec pas grand cosse, d'ailleurs j'va arfaire cha, cha fait eune éternité qu'j'in ai pas mingé .

Vinguette, t'as creusé dins le site tisaute! Arsortir un sujet un an après l'derni messache, ch'est nin courint. Après quo que te fouines?

Mais ch'est vrai que ch'étot un bon sujet et qu'in n'a suremint nin épuisé le minger d'avint qu'in ne fait pus - ou moins -à ch't'heure.

Tcheues folies qu'in a fait pour du pop corn. I faut dire qu'un repas qui arvient moins cher que cha, i faut cachi... In puq ch'étot nouvieau et américain, comme les boudjines.

Ch'est vrai qu'in a vu arriver des plats exotiques nousautes: cha a comminchi avec les pizzas et après cha a été le chinois.

J'avos dernièremint racaté eune boite de singe. J'ai été déçu parce que j'ai vu après que ch'étot nin du vrai singe de Magadascar, comme tchand qu'in étot cha plus jones. I venot du Danemark! Du singe du Danemark, cha perd de sin charme énon!

Nous mères elles faijottent du pâté. Ch'étot bon. Du pâté de tiête ch'étot fait avec de l'tiête de pourcheau qu'in acatot copée in deux dins le sins de la longueur. Moyennemint ragoutint au départ. Et cha faijot des rutes oches pour rimplir les poubelles. I avot eune machine à pâté avec eune manivelle.

I avot aussi des passe légumes pour l'soupe, aussi avec eune manivelle et que cha ne marchot nin toudis comme i faut avec les poreaux. Pour l'purée cha allot...

De l'salate cuite, cha existe incore? In in mingeot régulièremint. Je ne sais pus cha que ch'étot comme race de salate. De l'romaine? In in trouve incore?

Et du pudding. Tcheus bons souvenirs avec cha... avec grammint de rhum pour que cha aiche du goût. Incore un bazar qui n'avot nin le timps d'arfrodir. Toute l'nichée elle se jetot là-dessur comme si qu'i n'avot rin eu à minger depuis eune semaine! I avot de l'calorie là-dedins, vinguette.

Et le diminche, in faijot un "gâtieau de Savoie". Ch'étot un 4 quarts fait majon dins un moule rond, qu'in coupot in 2 ou 3 dins l'épaisseur et qu'in tartinot de crême au beurre et au moka avint d'arfermer. Pour l'finition, in mettot aussi de l'crême au burre et moka chu le dessur et autour. I devot y avoir eune livre de burre là-dedins! Ch'est mi qui faijos la crême et je peux vous dire que tchand que le plat i partot pour l'vaisselle, i avot été bin raclé... In avot des foies in béton!

Les gins is n' savtent pus c' qu'i est bon.

Quand que j' vos c' qui a dins les caddy, jé m' dis, " Ti j' aros pas caire daller minger à t'majon"

Citation :

M'mère ale cassot un oeuf ale battot l'blanc presque in neiche, ale
rajoutot l'jaune, sel, poiffe et in trimpot des mouillettes ed bon pain
bien frais arcouvert d'bon beurre

Vlà chi qu'té m'fais linguir Laclo!
ya d'cha un bon momint que j'ai nin mingé ch'repas là!!!
té m'as mis l'iau à l'bouque.

Citation :

Nous mères elles faijottent du pâté. Ch'étot bon. Du pâté de tiête
ch'étot fait avec de l'tiête de pourcheau qu'in acatot copée in deux
dins le sins de la longueur.

Mi j'in fait core du paté d'tête comme cha,j'in ai core parlé ya deux jours avec Jacqueline,et qu'in allot nin tarder à in faire un.
Cha avec de l'moutarde et eun' frite!!
j'in guile!